সিঁগি মাহা রেনাঃ সাকাম ‘চেরেচ্ আড়াং’ লেখা- ৩২

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সারি ধরম হাঁসদা, বাড়তাঙ সরেন, দুগাই টুডু, সনাতন টুডু, বিভূতি ভূষণ সরেন, কিষ্কিন্ধ্যা মুরমু, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

 

১।।

ᱥᱮᱸᱫᱽᱨᱟ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱜᱚᱜ ᱠᱟᱛᱮ
ᱢᱩᱨᱩᱫ ᱵᱟᱦᱟ ᱠᱟᱯᱤ ᱾
ᱥᱮᱸᱫᱽᱨᱟ ᱥᱟᱡᱽᱛᱮ
ᱥᱟᱡᱟᱣ ᱠᱟᱹᱫᱤᱧ ᱠᱟᱠᱤ ᱾

ᱵᱟᱥᱟ ᱰᱩᱸᱝᱨᱤ
ᱨᱮᱢᱟ ᱜᱟᱡᱟᱲ ᱢᱩᱨᱩᱫ ᱾
ᱥᱤᱢ ᱠᱚ ᱟᱛᱤᱧ
ᱠᱟᱱᱟ ᱵᱩᱨᱩᱫ ᱵᱩᱨᱩᱫ ᱾

ᱟᱞᱚᱢ ᱦᱤᱞᱳᱭ
ᱠᱟᱠᱤ ᱟᱞᱚᱢ ᱨᱚᱲᱟ ᱾
ᱥᱟᱺᱰᱤ ᱠᱟᱞᱚᱴ
ᱠᱟᱠᱤ ᱡᱚᱲᱟ ᱡᱚᱲᱟ ᱾

ᱥᱟᱨ--ᱤᱧ ᱟᱲᱟᱜ
ᱠᱟᱠᱤ  ᱠᱟᱯᱤᱧ ᱦᱟᱵᱟᱜ
ᱟᱛᱤᱧ ᱥᱤᱢ ᱠᱚ
ᱠᱟᱠᱤ ᱩᱰᱟᱹᱣ ᱪᱟᱵᱟᱜ ᱾

========== ᱛ =========

২।।

ᱵᱚᱸᱜᱟ   ᱦᱤᱸᱥ

 ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱢᱟᱜᱽ ᱵᱚᱸᱜᱟ ᱨᱮᱭᱟᱲ ᱦᱚᱭ
ᱠᱟᱰᱟ ᱫᱮᱨᱮᱧ ᱞᱟᱲᱟᱣ ᱪᱚᱭ ᱾

 

ᱡᱷᱮᱴ ᱵᱚᱸᱜᱟ ᱞᱚᱞᱚ ᱥᱤᱛᱩᱝ
ᱦᱮᱥᱮᱞ ᱰᱚᱜᱮ ᱜᱚᱡ ᱠᱩᱲᱪᱩᱝ ᱾

 

ᱵᱷᱟᱫᱚᱨ ᱵᱚᱸᱜᱟ ᱨᱮᱱᱟᱜ ᱥᱤᱛᱩᱝ
ᱜᱷᱟ.ᱨᱫᱤ ᱡᱟᱢᱟᱭ ᱫᱟ.ᱲᱟᱭ ᱥᱩᱴᱩᱝ ᱾

 

ᱫᱷᱟ.ᱨᱛᱤ ᱛᱟᱞᱟ ᱢᱟ.ᱱᱢᱤ ᱦᱚᱯᱚᱱ
ᱵᱚᱸᱜᱟ ᱦᱤᱸᱥ ᱵᱟᱰᱟᱭ ᱟᱵᱚᱱ ᱾

 

========== ᱛ =========

৩।।

ᱤᱧ ᱫᱩᱧ ᱠᱩᱥᱤᱭᱟᱜᱼᱟ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱤᱧ ᱫᱩᱧ ᱠᱩᱥᱤᱭᱟᱜᱼᱟ
ᱥᱮᱛᱟᱜ ᱛᱚᱨᱟ ᱵᱮᱨᱮᱫ ᱾
ᱫᱟᱹᱛᱟᱹᱱᱤ ᱦᱩᱛᱩᱢ ᱯᱷᱟᱨᱪᱟ ᱠᱟᱛᱮ
ᱚᱞᱚᱜ ᱵᱟᱹᱛᱤ ᱡᱮᱨᱮᱫ ᱿

 

ᱤᱧ ᱫᱩᱧ ᱠᱩᱥᱤᱭᱟᱜᱼᱟ
ᱤᱛᱩᱱ ᱟᱥᱲᱟ ᱥᱮᱱᱚᱜ ᱾
ᱟᱹᱠᱤᱞ ᱜᱮᱭᱟᱱ ᱢᱟᱹᱱ ᱢᱟᱦᱤᱢᱟᱱ
ᱨᱟᱹᱥᱠᱟᱹ ᱜᱮᱪᱚᱝ ᱦᱟᱢᱮᱴᱚᱜ ᱿

 

ᱤᱧ ᱫᱩᱧ ᱠᱩᱥᱤᱭᱟᱜᱼᱟ
ᱯᱟᱧᱪᱤ ᱯᱟᱲᱦᱟᱴ ᱦᱚᱨᱚᱜ ᱾
ᱫᱤᱠᱩ ᱛᱟᱞᱟ ᱪᱚᱨᱚᱠ ᱧᱮᱞᱚᱜ
ᱥᱟᱱᱛᱟᱲ ᱠᱳᱣᱟᱜ ᱜᱚᱨᱚᱵᱽ ᱿

 

ᱤᱧ ᱫᱩᱧ ᱠᱩᱥᱤᱭᱟᱜᱼᱟ
ᱦᱟᱲᱟᱢ ᱵᱩᱰᱦᱤ ᱥᱟᱶ ᱯᱟᱱᱛᱮ ᱾
ᱥᱮᱨᱮᱧ ᱛᱷᱩᱛᱤ ᱛᱟᱞᱟ ᱛᱮ
ᱥᱮᱫᱟᱭ ᱠᱟᱛᱷᱟᱧ ᱯᱟᱱᱛᱮ ᱿

 

 ᱤᱧ ᱫᱩᱧ ᱠᱩᱥᱤᱭᱟᱜᱼᱟ
ᱫᱷᱚᱨᱚᱢ ᱨᱮᱱᱟᱜ ᱥᱮᱨᱮᱧ ᱾
ᱮᱠᱟᱞ ᱜᱮᱵᱟᱹᱧ ᱠᱩᱥᱤ ᱥᱟᱨᱤᱭᱟᱜ
ᱰᱤᱥᱠᱳ ᱨᱟᱦᱟ ᱫᱮᱨᱮᱧ ᱿

 

========== ᱛ =========

 

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ ᱚᱱᱚᱞ

ᱥᱨᱤᱠᱟᱱᱛᱚ ᱥᱚᱨᱮᱱ

ᱫᱷᱟ.ᱨᱛᱤ ᱫᱚ ᱜᱩᱞᱟ.ᱴ ᱜᱮᱭᱟ᱿ ᱱᱚᱭᱟ ᱫᱚ ᱟ.ᱪᱩᱨᱚᱜ ᱠᱟᱱᱟ᱿ ᱵᱮᱲᱟ ᱫᱚ ᱵᱟᱝ ᱮ ᱟ.ᱪᱩᱨᱚᱜ ᱠᱟᱱᱟ᱿ ᱱᱩᱭ ᱫᱚ ᱢᱤᱫ ᱡᱟᱭᱜᱟᱨᱮ ᱛᱮᱸᱜᱳ ᱜᱮ ᱢᱮᱱᱟᱭᱟ᱿ ᱧᱤᱸᱫᱟ. ᱪᱟᱸᱫᱳ ᱫᱚ ᱥᱤᱧ ᱪᱟᱸᱫᱳᱣᱟᱜ ᱢᱟᱨᱥᱟᱞ ᱛᱮᱭ ᱧᱮᱞᱚᱜ ᱼᱟ ᱿

     ᱥᱮᱨᱢᱟ ᱪᱚᱴᱨᱮ ᱟᱭᱢᱟ ᱤᱯᱤᱞ ᱢᱮᱱᱟᱜ ᱠᱚᱭᱟ᱿ ᱞᱮᱠᱷᱟᱛᱮ ᱵᱟᱝ ᱠᱚ ᱪᱟᱵᱟᱜ-ᱟ᱿ ᱧᱤᱫᱟ.ᱵᱮᱲᱟ ᱱᱩᱠᱩ ᱫᱚ ᱵᱟᱜᱡᱩᱱᱩ ᱞᱮᱠᱟ ᱠᱚ ᱧᱮᱞᱚᱜ-ᱟ᱿ ᱱᱩᱠᱩ ᱫᱚ ᱵᱮᱲᱟ ᱠᱷᱚᱱ ᱦᱚ ᱠᱚ ᱞᱟ.ᱴᱩᱣᱟ ᱿

       ᱨᱤᱢᱤᱞ ᱨᱮᱜᱮ ᱫᱟᱜ ᱢᱮᱱᱟᱜ-ᱟ ᱿ ᱯᱷᱚᱥ-ᱞᱚ ᱨᱤᱢᱤᱞ ᱫᱚ ᱦᱚᱭᱛᱮ ᱚᱴᱟᱝ ᱵᱟᱲᱟᱭᱟ᱿ ᱩᱥᱩᱠ ᱵᱩᱨᱩᱨᱮ ᱨᱤᱢᱤᱞ ᱟᱴᱚᱠᱚᱜ-ᱟ᱿ ᱚᱸᱰᱮ ᱨᱤᱢᱤᱞ ᱛᱟ.ᱯᱩᱜᱚᱜ-ᱟ᱿ ᱨᱤᱢᱤᱞ ᱡᱟᱣᱨᱟ ᱞᱮᱱᱠᱷᱟᱱ ᱦᱟᱢᱟᱞᱚᱜ-ᱟ᱿ ᱦᱟᱢᱟᱞ ᱞᱮᱱ ᱠᱷᱟᱱ ᱚᱛᱽᱨᱮ ᱡᱚᱨᱚᱜ-ᱟ ᱿ ᱚᱱᱟᱜᱮ ᱥᱮᱨᱢᱟ ᱫᱟᱜ ᱵᱚᱱ ᱢᱮᱛᱟ-ᱟ᱿ ᱚᱱᱟ ᱫᱟᱜ ᱱᱟ.ᱭᱛᱮ ᱟ.ᱛᱩ ᱪᱟᱞᱟᱜ-ᱟ᱿ ᱱᱟ.ᱭ ᱫᱟᱜ ᱟ.ᱛᱩ ᱠᱟᱛᱮ ᱫᱚᱨᱭᱟ ᱨᱮ ᱢᱮᱥᱟᱜ-ᱟ᱿

      (ᱛᱳᱸᱜᱮ-ᱟ... )

========== ᱛ =========

  ৫।।

বাহা বঁগা

সারি ধরম হাঁসদা

 

বাহা বঁগা ! বাহা বঁগা !
    ঝিনিক ঝিপির জাঁগা,
পোরোয় পোরোয় মহক্ স'তেম 
                    আঁদোড় অৗয়ুব্ আঁগা।

 

হৗলি হৗরয়ৗড় বাহা নৗড়ি
                  বির বাড়গে এটেৎ,
জিউয়ি হড়ম'ম সাগেন রুওয়ৗড়
                 মঁজগে জেঁগেৎ জেঁগেৎ।

 

বির বুরু   চেঁড়ে চিপরু
             রৗসকৗ কেদেজ্ কেদেজ্ ,
রৗসকৗতে ক অটাং বাড়ায়
                   ডৗর মা গটা পেরেজ।

 

বাহা বঁগা !  বাহা বঁগা !
           জিউয়ি'ম নাওয়ায় তালে,
দেওহে বৗতি সেপেঞ কাতে
                আতাং দারাম মেলে।

========== ᱛ =========

 ৬।।

 মাতকম হালাং

বাড়তাঙ সরেন

 

লাফাং লাফাং ডৗররে
         বাহা ঝুনুক ঝুপুর
আডি বাতার মাতকম
         ঞেলতে ঝুনকৗ লিপুর।

 

দারে বুটৗ  মাতকম 
          তিনৗঃ তারাল বাসাল
মহক সধাড় সতে
        মন দ আকাল সাকাল।

  

ঞেঁলে দুমুর ভান ভান 
           বাহা রাসা চেপেচ
রৗস্কৗ তেকো ঞুঁ জং
          একাল বাকো রেপেচ।

  

গিদরৗকো ঞির বাড়ায়
                  সানাম হান্তে নাতে
মিৎ বার কো হিজুঃআ
                 মারাং ডৗলিচ আতে।

  

হৈঁস গেকো হালাঙা
          গোছা পেরেচ পেরেচ
ঝুড় করে তাঁহেনা
               এনতে রেহঁ সারেচ।

  

চেপেচ রাসা রৗস্কৗ
            চেঁড়েঁকো দন বাড়ায়
বু-বুল হেড়েম স দ
          গোটা গুরলৗও বাড়ায়।

========== ᱛ =========

 ৭।।

পিয়াং পায়াং

দুগাই টুডু

 

পিয়াং পায়াং অক্‌ত জোখান
       বুজুঃ সেরমা আরসাল,
সিঞ চাঁদো রাঁতগে তাকাপ
        ডিগি মিঁগি মারসাল।

 

আঁগা পায়ার তাকরে তোয়ো
        হুকৗ হুয়ৗয় এদা,
চেঁড়ে কদ কিচির মিচির
       রাঃকো এহপ গদা।

 

কৗটিচ্‌ গিদ্‌রৗ মিরু আড়াং
       বেরেৎ কানসে রড়গে,
 জৗপিৎ এভেন কাতে দিসৗয়
         কৗমি কৗসনি হড়গে।

 

হাড়াম কক দাঁড়ান কানা
       অনে সঝহে হরতে,
নানা হুনৗর সাড়গে বাহা
       ঞেলঃ একাল থারতে।

 

রাসা চেপেচ্‌ ঞেলে দুমুর
      আডি আয়মা তঁগে,
চাসা হপন খেৎরে চাসঃ
      সেনঃ কানকো সাঁগে।

========== ᱛ =========

৮।।

মুরুদ্‌ বাহা

সনাতন টুডু

হর ধারেতে মুরুদ্‌ বাহা
ঞেলঃ দালায় দালায়
বাহা রেনাঃ মুলুচ্‌ লাঁদা
মনে জিউয়িয় ছাঁদায়।

 

লিলি বিছি ধৗরতি তালা
আমদ বারাং বারাং
একলা নিচোল তিকিন বেড়া
মনে জিউয়ৗম হারাং।

 

আরঃ বাহা ঞেলতে মনে
রাওয়াঁও রাকাব গদঃ
অনা তেগে তিজুঃ ভাঁওয়ার
সেঁগেল তেকো গজঃ।

========== ᱛ =========

 ৯।।

বাহা বঁগা 

বিভূতি ভূষণ সরেন 

  

বাবা বঁগা       বাহাঃ দিন 
      হেচ্ সেটের এন, 
গড়ম কুড়ি     সৗতঃ কান 
      চালাঃ জাহের ঠেন। 

 

নায়কে বাবা      আচ্ গড়মবা 
        মেনায় জাহের বুটৗরে, 
দে -দেলা       গড়ম আয়ু 
        আলম পলম তুকৗরে। 

 

জাহের আয়ু    মড়েক তুরুইক
         এৎক দেবা সেবা, 
ঞেল সাঁগে      লৗগতি মেনাঃ 
         লগন দেলা সেনা। 

 

বাহা এনেচ্       সেরেঞ হুয়ু 
     মজগে লেগেচ্ লেগেচ্, 
সারজম বাহা     বাহা কাতেঃ 
      হিলৗঃ  দলপ্ দলপ্।

========== ᱛ =========

 ১০।।

বেরেল উল 

 "আমার বই "- প্রথম শ্রেনী  খন " কাঁচা আম " ঞুতুমান গিদৗর অনড়হেঁ তরজমা (অনুবাদ,বাংলা হইতে সাঁওতালী) আকাদায় কিষ্কিন্ধ্যা মুরমু 'বেরেল উল ' ঞুতুমতে ।

   

 নওয়া হানা বাগওয়ান 
                বৗয়সৗখ হয়তে 
টুপ টাপ টুপ টাপ 
          বেরেল উল ঞুরুঃতে । 

  

গিদৗর পিদৗর হিজুঃপে দেলা ,
                   হালাং খানপে দেলা ।
হুডিঞ উল মারাং উল 
                  গটা উল পসাঃ উল , 

 

সানাম যত সামটাও আব 
              রাচা আর অড়াঃরে ।
টুপ টাপ ঢুপ ঢাপ 
       তিনাঃ উল ঞুরুঃ ।

========== ᱛ =========

 ১১।।

নেঁহর জোহার

দুলৗড় বিটি

 

আলে গিদরৗ এনেচ্‌ আলে
       রৗস্কৗ মনে আতে
বৗড়িচ্‌ লেখান ইকৗলে খজঃ
    নেঁহর জোহার আতে।

 

মারাং কোদ জোহার সালাঃ
         মৗন কোওয়া লে,
হুডিঞ কঁহ নেঁহর আতে
        গুণৗও কোওয়া লে।

অলঃ রেহঁ খেলোড রেঁহ

      হিড়িঞ শুধরৗও আলে,

হুডিঞ মারাং ঞেল কাতে

      নেঁহর জোহার আলে।

 *******মুচৗৎ*******

লা:সা:- যান্ত্রিক গলযোগ খাতির নেঁডা মাহারে বাংলে সদর দাড়েয়াৎতে দুখলে সদর এদা।     

-সাসাপাড়াওয়িচ্