জাহের আয়ো মুরমু
আদিবাসী জুমিদ দ আডি সেদায় খনগে মেনাঃ আ আর তাঁহেনা।
তবে অনাহঁ আঁজম জংগে। মেনখান ভোট সেটের লেনখানগে অনা জুমিদ দ আর অনকা বাং ঞেল ঞামঃআ।
আরহঁ ভোট পারম লেনখানগে আরহঁ জুমিদ আড়াং তারকোঃআ- জাহের বঁগা সানতাড় কো মিদঃ পে, মিদঃ
পে, জাত তাম পৗরসি তাম উরুম তাম, উরুম তাম। বহঃ উপ রাপ্ রাপা তিঁগু গদঃ লেকা, হড়ম
মায়াং লল গদঃ লেকান নংকান আয়মা শ্লোগান শাহার বাজার করে গুরলৗও বাডায়া। জেই ভোট সেটের
এনা উনরেগে নোওয়াকো শ্লোগান আচ্ আচ্তেগে হৗপিদঃআ। সেদায় খনগে ঞেল হেচ্ আকানা, নিতহঁ
অনা রেনাঃ বনদল দ বৗনুঃ আকাদা।
মিমিৎ টাং ভোট রেনাং গনং তিনাঃ হোয় দাড়েয়াঃআ আয়মা
আদিবাসী হড়গে বাংকো বাডায়া। আর অনারেনাঃ মুড়ুৎ অজেগে কানা শিখনৗৎ রেনাঃ অভাব- চেৎ রাজঅৗরিরে,
চেৎ কৗউডি অৗরিরে। আর অনা খৗতিরগে তেহেঞ হঁ আয়মা আদিবাসী কোওয়াঃ ভোট আডি সাস্তা তেগে
নিলামঃ কানা যাঁহা মান তাঁহা। অকা বেস আর অকাদ বৗ ড়িচ্ নোওয়া আওরি বাডায় তিয়োঃতেগে
বডে দাঃতে ঢয়লাং চালাও গদঃ কানা। আর নোওয়াগে হুয় হিজুঃকানা যুগ যুগ খন।
অকয়ে মেনা নোওয়া লৗইতে ? আদিবাসীরেন দ উকুর আনাং
কো অনকান নেতা সে মন্ত্রী ? এম.এল.এ. আর এম.পি. কো মুদ্রে সানাম কো লেকাগে আকোওয়াঃ
ঘাঁরঞ্জ রেয়াঃ স্টেটাস ম্যান্টেন্স তেগে বছর খেমাঃ কান তাকোওয়া। রেঁগেচ্ নাচার হড়
সেন বেঁগেৎ রেনাঃ অক্ত উকুর আনাং তাকো ? কৗমি জং হড় মিৎ বার হক্ রেনাঃ কাথা কো লৗই
লেখান এম.এল.এ. আর এম.পি. কোওয়াঃ সঝহে তেলা তাকো- আলেমা সানাম করেনগে কানালে, সানাম
কোগে তো ঞেল লাগাও লেয়া, এ্খেন আদিবাসী মেন লেখান তো আর বাং হোয়োঃআ। তেলাদ আডি যথাৎ
গেয়া চেদাঃসে ওনকোদ সানাম হড় রেন কান গেয়াকো, সানাম রাজঅৗরি রেন হড় লৗগিৎ গে এম.এল.এ.
আর এম.পি. কোদ। মেনখান কৗমিরেদ উল্টা-পাল্টা গে ঞেলঃআ। উনদ ঞেল কাতেহঁ বাম মেন কেয়া
জুমিদ রেনাঃ অভাবতে।
.webp)
