সিঁগি মাহা রেনাঃ সাকাম ‘চেরেচ্ আড়াং’ লেখা- ৩০

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- সুজয় কুমার টুডু, রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সারি ধরম হাঁসদা, বাড়তাঙ সরেন, সুচাঁদ হাঁসদা, দুগাই টুডু, কিষ্কিন্ধ্যা মুরমু,  বিভূতি ভূষণ সরেন দুলৗড় বিটি।

 

 

সুজয় কুমার টুডু, ক্লাস- I
জেলা - পশ্চিম মেদিনীপুর

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VII

জেলা - পুরুলিয়া

১।।

ᱠᱩᱱᱩ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱵᱮᱨᱮᱫ ᱵᱮᱨᱮᱫ ᱵᱮᱨᱮᱫ
ᱢᱮᱥᱮ , ᱮ ᱦᱚᱯᱚᱱ ᱠᱩᱱᱩ ᱾
ᱵᱟᱵᱟᱭᱳ ᱜᱮᱭ ᱛᱤᱭᱩᱜ ᱮᱫᱟ
ᱨᱩᱠᱩ ᱠᱟᱛᱮ  ᱡᱟᱹᱱᱩᱢ  ᱿


ᱵᱟᱠᱩᱵᱽ ᱠᱟᱛᱮ ᱨᱩᱠᱩᱭ
ᱛᱮᱜᱮ  ᱦᱤᱞᱟᱹᱣ ᱠᱟᱱᱟ ᱫᱟᱨᱮ ᱾
ᱦᱚᱯᱚᱱ  ᱠᱩᱱᱩ   ᱵᱮᱨᱮᱫ
ᱠᱟᱛᱮ ᱫᱮᱞᱟ  ᱦᱟᱨᱮ ᱯᱷᱟᱨᱮ ᱿


ᱮᱸᱜᱟ ᱢᱮᱨᱚᱢ ᱡᱷᱮᱸ ᱡᱷᱚᱶ
ᱦᱚᱯᱚᱱ ᱟᱛᱮᱭ ᱦᱤᱡᱩᱜ ᱾
ᱢᱮᱨᱚᱢ ᱜᱮᱠᱚ ᱡᱚ-ᱢᱮᱫ
ᱵᱟᱵᱟᱭᱳ ᱦᱚᱸ ᱵᱟᱭ ᱵᱩᱡᱩᱜ ᱿


ᱦᱚᱯᱚᱱ ᱠᱩᱱᱩ ᱢᱮᱨᱚᱢ ᱠᱚᱫᱚ
ᱠᱩᱫᱟᱹᱣ ᱠᱚᱢᱮ ᱫᱮᱞᱟ  ᱾
ᱦᱟᱲᱟᱢᱵᱟ ᱦᱚᱸ  ᱦᱤᱞᱳ ᱦᱤᱞᱳ
ᱯᱷᱳᱱ ᱜᱮ ᱥᱟᱨᱤ  ᱧᱮᱞᱟ  ᱿


ᱵᱟᱵᱟᱭᱳ ᱫᱚ ᱛᱩᱲᱤ ᱜᱷᱩᱲᱤ
ᱛᱤᱱᱟᱜ ᱦᱟᱞᱮᱭ ᱛᱩᱱᱠᱷᱤ ᱾
ᱡᱩᱢᱲᱤ ᱟᱹᱱᱤᱪ ᱦᱟᱵᱽᱞᱤ ᱢᱮᱨᱚᱢ
ᱢᱮᱱᱟᱭ ᱡᱷᱩᱱᱟ. ᱡᱷᱩᱱᱠᱤ ᱿


ᱵᱮᱨᱮᱫ ᱵᱮᱨᱮᱫ ᱵᱮᱨᱮᱫ
ᱢᱮᱥᱮ , ᱮ ᱦᱚᱯᱚᱱ ᱠᱩᱱᱩ ᱾
ᱵᱟᱵᱟᱭᱳ ᱜᱮᱭ  ᱛᱤᱭᱩᱜ ᱮᱫᱟ
ᱨᱩᱠᱩ ᱠᱟᱛᱮ  ᱡᱟᱹᱱᱩᱢ   ᱿


=======  ᱛ ========

২।।

ᱛᱩᱨᱩᱭ ᱨᱤᱛᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱟᱥᱟᱲ ᱥᱟᱱ ᱡᱟ.ᱯᱩᱫ ᱫᱟᱜ

ᱜᱟᱰᱟ ᱢᱩᱰᱩᱭ ᱯᱮᱨᱮᱡ ᱠᱟᱜ ᱾

 

ᱵᱷᱟᱫᱚᱨ ᱫᱟᱥᱟᱭ ᱵᱟ.ᱫᱽ ᱵᱟ.ᱭᱦᱟ.ᱲ

ᱫᱷᱟ.ᱨᱛᱤ ᱯᱩᱨᱤ ᱜᱳᱴᱟᱭ ᱦᱟ.ᱲᱭᱟ.ᱨ ᱾

 

ᱥᱚᱦᱨᱟᱭ ᱟᱜᱷᱟᱲ ᱦᱩᱲᱩ ᱵᱮᱞᱮ

ᱥᱮᱨᱢᱟ ᱯᱩᱨᱟ.ᱣ ᱡᱚᱢ ᱟᱞᱮ ᱾

 

ᱯᱩᱥ ᱢᱟᱜᱽ ᱨᱮᱭᱟᱲ ᱡᱟᱞᱟ 

ᱦᱚᱲᱢᱚ ᱮᱥᱮᱫ ᱩᱭᱩ ᱛᱟᱞᱟ ᱾

 

ᱯᱷᱟ.ᱜᱩᱱ ᱪᱟ.ᱛ ᱵᱟᱦᱟ ᱨᱟᱥᱟ

ᱧᱮᱞᱮ,ᱫᱩᱢᱩᱨ ᱪᱮᱯᱮᱡ ᱟᱥᱟ ᱾

 

ᱵᱟ.ᱭᱥᱟ.ᱠᱷ ᱡᱷᱮᱴ ᱞᱚᱞᱚ ᱦᱚᱭ

ᱥᱟ.ᱨᱫᱤ ᱥᱤᱛᱩᱝ ᱦᱚᱲᱢᱚᱭ ᱞᱚᱭ ᱾

=======  ᱛ ========

 

৩।।

ᱠᱩᱠᱢᱩ 

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱠᱩᱠᱢᱩ ᱤᱧᱟᱜ ᱩᱥᱩᱞ ᱵᱩᱨᱩ
ᱤᱧ ᱫᱩᱧ ᱦᱟᱨᱟᱭᱟ ᱾
ᱢᱚᱱᱮ ᱤᱧᱟᱜ ᱦᱮᱢᱟᱞ ᱵᱩᱨᱩ
ᱤᱧ ᱫᱩᱧ ᱥᱟᱡᱟᱣᱟ ᱿

 

ᱚᱞᱚᱜ ᱟᱹᱠᱤᱞ ᱜᱮᱭᱟᱱ ᱠᱟᱛᱮ
ᱠᱩᱠᱢᱩᱧ ᱦᱟᱨᱟᱭᱟ ᱾
ᱦᱟᱲᱟᱢ ᱵᱩᱰᱦᱤ ᱥᱟᱶ ᱯᱟᱱᱛᱮ ᱠᱟᱛᱮ
ᱢᱚᱱᱮᱧ ᱥᱟᱡᱟᱣᱟ ᱿

 

ᱟᱭᱳ ᱵᱟᱵᱟ ᱢᱟᱱᱟ ᱵᱟᱪᱚᱠ 
ᱤᱧ ᱫᱩᱧ ᱟᱸᱡᱚᱢᱟ ᱾
ᱢᱟᱪᱮᱫ ᱠᱚᱣᱟᱜ ᱛᱟᱲᱟᱢ ᱰᱟᱦᱟᱨᱛᱮ
ᱤᱧ ᱫᱩᱧ ᱛᱟᱲᱟᱢᱟ ᱿

 

ᱠᱩᱠᱢᱩ ᱟᱛᱮ ᱟᱹᱠᱷᱤᱨ ᱯᱟᱹᱣᱲᱤ
ᱞᱟᱦᱟ ᱥᱮᱱᱳᱜᱼᱟ ᱾
ᱠᱩᱠᱢᱩ ᱵᱮᱜᱚᱨ ᱢᱟᱨᱥᱟᱞ ᱰᱟᱦᱟᱨ
ᱵᱟᱝ ᱜᱮ ᱧᱮᱞᱚᱜᱼᱟ ᱿

 

ᱠᱩᱠᱢᱩ ᱤᱧᱟᱜ ᱩᱥᱩᱞ ᱵᱩᱨᱩ
ᱤᱧ ᱫᱩᱧ ᱦᱟᱨᱟᱭᱟ ᱾
ᱢᱚᱱᱮ ᱤᱧᱟᱜ ᱦᱮᱢᱟᱞ ᱵᱩᱨᱩ
ᱤᱧ ᱫᱩᱧ ᱥᱟᱡᱟᱣᱟ ᱿

=======  ᱛ ========

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

(... ᱞᱟᱦᱟ ᱠᱷᱚᱱ ᱛᱳᱸᱜᱮ)

ᱢᱩ ᱴᱩᱰᱟ.ᱜ( ᱸ) ᱛᱮ ᱜᱟᱵᱟᱱ ᱟ.ᱲᱟ. ᱺ

ᱪᱟᱸᱫᱳᱵᱚᱸᱜᱟ ᱿ ᱡᱟᱸᱫᱨᱮᱞ ᱥᱮᱛᱟ᱿ ᱥᱟᱸᱝ ᱟ.ᱞᱩ ᱿ ᱥᱟᱸᱝᱜᱷᱟᱨ ᱿ ᱥᱚᱸᱝ ᱿ ᱫᱷᱟᱸᱫᱟ ᱿ ᱰᱟᱸᱰᱟ ᱿ ᱠᱟᱸᱲᱟ ᱿ ᱥᱚᱸᱫᱷᱟᱲ -ᱥᱚ ᱿ ᱴᱟᱸᱰᱟ ᱿

ᱢᱩ ᱴᱩᱰᱟ.ᱜ ( ᱸ ) ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱥᱟᱸᱝ ᱱᱟ.ᱲᱤ ᱵᱟᱸᱫᱚ ᱱᱟ.ᱲᱤᱛᱮ ᱛᱚᱞ ᱟᱠᱟᱱᱟ ᱫᱟᱨᱮ ᱿ ᱥᱟᱸᱜᱤᱧ ᱫᱤᱥᱚᱢ ᱠᱷᱚᱱ ᱯᱮᱲᱟ ᱠᱚ ᱦᱮᱡ ᱟᱠᱟᱱᱟ᱿ ᱜᱟᱸᱝ ᱱᱟ.ᱭ ᱨᱮᱵᱚᱱ ᱛᱳᱯᱳᱱᱟ᱿ ᱥᱚᱸᱫᱷᱟᱲ ᱥᱚ- ᱫᱚ ᱵᱟᱦᱟᱨᱮ ᱢᱮᱱᱟᱜ ᱻᱟ᱿ ᱱᱟ.ᱲᱤᱛᱮ ᱡᱟᱸᱜᱟᱢ ᱪᱷᱟᱸᱫᱟᱜᱻᱟ ᱿

ᱜᱟ.ᱦᱞᱟ. ᱴᱩᱰᱟ.ᱜ( . )  ᱛᱮ ᱜᱟᱵᱟᱱ ᱟ.ᱲᱟ. ᱺ

ᱠᱟ.ᱭᱡᱟ.- ᱠᱷᱟ.ᱯᱟ.ᱨᱤ ᱿ ᱫᱟ.ᱭ ᱟᱨ ᱢᱟ.ᱭ ᱿ ᱥᱤᱠᱟ.ᱨ ᱫᱤᱥᱚᱢ ᱿ ᱡᱟ.ᱛ- ᱯᱟ.ᱨᱤᱥ ᱿ ᱦᱟ.ᱭ - ᱯᱷᱟ.ᱭ ᱿ ᱠᱟ.ᱢᱤ - ᱠᱩᱲᱟ.ᱭ ᱿ ᱜᱟ.ᱭ -ᱰᱟᱝᱨᱟ ᱿ ᱛᱷᱟ.ᱨᱤ ᱫᱟᱠᱟ ᱿ ᱪᱷᱚᱞᱟ ᱪᱷᱟ.ᱛᱩ ᱿ ᱴᱟ.ᱴᱤ ᱥᱤᱞᱯᱤᱧ᱿

ᱜᱟ.ᱦᱞᱟ. ᱴᱩᱰᱟ.ᱜ( . ) ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱦᱟ.ᱬᱩ ᱫᱚ ᱫᱟᱨᱮ ᱨᱮᱠᱚ ᱛᱟᱸᱦᱮᱱᱟ ᱿ ᱞᱟ.ᱭ ᱪᱟᱞ ᱠᱟᱛᱷᱟ ᱿ ᱥᱩᱛᱟ.ᱢ ᱛᱮ ᱨᱚᱜ ᱠᱟᱱᱛᱷᱟ᱿ ᱥᱟ.ᱜᱩᱱ ᱢᱟᱦᱟ ᱨᱮᱵᱚᱱ ᱪᱟᱞᱟᱜ ᱻᱟ ᱿ ᱱᱟ.ᱭ ᱯᱟᱨᱚᱢ ᱨᱮ ᱢᱟᱢᱟ ᱚᱲᱟᱜ ᱿

( ᱛᱳᱸᱜᱮᱻᱟ...)

 

=======  ᱛ ========

 

৫।।

রু-সাডে-রাহা

সারি ধরম হাঁসদা

 

 সাডে- ধৗতিঞ তুমদাঃ
 রৗসকৗ দুকে মিৎকাঃ,
 ডিগদা- হেতাং হেতাং হেতাং
                 আখড়া গটায় বুলকাঃ।

 

সাডে- গৗঁহুড় টামাক্
 রিহিড় বিদিড় জাঁহাক্,
 গুহুড় গুবৗং ডুবকু ডুবৗং
                মজগে দামাক্ দামাক্।

 

সাডে- রগড় রেগড়া
 তালরে বৗনুঃ বেগড়া,
 রাহাড় হাটাঃ- টাটাঃ টাটাঃ
                 জমক্ কাঃআয় আখড়া।

 

 আখড়া- জমক্ জপর
 মজগে পহর পহর,
 রেঁজেন গেঁজেন- রৗড় দ মিৎ এন
                    সাডে ঝমর ঝমর।

সাডে মা- দুল দুল
 তাল মা রাকাব তুল,
 হড়ম জিউয়ি চুহুড় চুহুড়
                  মনে মা উদুড় ধুপুড়।

=======  ᱛ ========

 

  ৬।।

জজ দারে

বাড়তাঙ সরেন

 

আলে রাচা জজ দারে
              আলাগ বালাগ ডৗর 
তেরেতেসে সাকাম আকান 
                জ তে  পেরেচ ডৗর । 

 

বেরেল জজ হায়রে আডি
                  একাল জজ ঠাঃ
বুলুং সাতে জজম রেদ
                  লাঁদায়া খাঃ খাঃ।

  

বিলি জজ হেড়েম জজ 
               তিনৗঃ সিবিল হায়
সিপি কাতেঃ জজম লৗগিৎ
                  জিউয়ী মা আয় ঢায়।

 

  হাকো  এমান উতুয় রেদ
                       জজ গে লাগাও
লল দাকা জজম লৗগিৎ
                      মন দ বায় বাতাও ।

 

জজ জাং কো তিকিয় রেদ
                      গুড় কো মেশালা
রেঙ্গেচ জালা জজম রেদ
                        মচ গে সিবিলা।

 

দারে লাতার রেয়াড়  উমুল 
                       মনেয় গৗদুজা 
সৗরদি সিতুং উমুল রেদ
                    জিউয়ীয় লাড়েজা।

         

=======  ᱛ ========

 ৭।।

 বাচক

 সুচাঁদ হাঁসদা

 

মানাও গুনৗও কম বাবু ,
লৗটু কৗটিচ সেঁড়া ৷
লৗই আকোমে ঝঁড়ে ঝাবু ,
এড়ে বাকো রড়া ৷

বাকো সেঁড়ায় ওকো কুঁবড়ু ,
লৗই আয়মে দাড়ু ৷
বাকো লৗয়া কাথাহঁ এড়ে ,
লৗই আয়মে ঝঁড়ে ৷

বাকো ঞুঁয়া বিড়ি চুটি ,
লঃ আম বাংখান লুটি ৷
এ বাবু দুলৗড় ভুটি ,
হড়ম নাসাঃ খাঁটি ৷

বৗড়িচ আঃদ আল আতাম ,
আমরে খনেম অচক ৷
নোওয়া কগে নিয়ৗ বেড়া ,
আম ঠেনদ বাচক ৷

=======  ᱛ ========

৮।।

সেতাঃ বেড়া

দুগাই টুডু

 

সেতাঃ বেড়া ডঁবঃ জোহার
            ইকড়ুম বাড়া কাতে,
নায়গে বাড়ে নাপায় বাড়ে
        বিতৗও তিঞগে জাতে।

হুতুম বাড়া কাতে উনরে
           জাগে আনটাঃ জমা,
অলঃ পাড়হাঃ দুড়ুপ কানা
           অক্‌ত নৗপিৎ রেমা।

ইসকুল তেদ সেনঃ আদ
           বিরদৗ গেদ সেঁড়ায়,
দারায় দিনাঃ ভাক্‌রা তেদ
            বলে হুদিস বাড়ায়।

কৗটিচ্‌ উমের রেয়াঃ কৗমি
           ননকা লেকান মেনাঃ,
আখির হানে লাহায় লৗগিৎ
          ইঞাঃ উইহৗর হেনাঃ।

=======  ᱛ ========

৯।।

 তুয়ু 

কিস্কিন্ধ্যা  মুরমু 

     

      বাড়গে লাতার ধিরি ডুকৗ
       চেৎ তুয়ুম হুয়ৗ চুকৗয় ?
      সিম কালটে বুরুম কানা 
      সৗঁডি দয়ে কুকুড়ু   কানা
                 আল তুয়ুম জম ক'তালে । 

      বাড়গে লাতার ঝুড় দানাং 
       চেৎ তুয়ুম হুয়ৗ চুকৗয় ?
     মেরম এগাঁয় অৗতিঞ চালাঃ 
      ভিডি হপন খিলডু সালাঃ 
                 আল তুয়ুম অতা ক'তালে । 

      বাড়গে পারম রুগড়ু ঘুটু 
      চেৎ তুয়ুম পাঁজা বাড়ায় ? 
      গৗয় ডাংরা গট ক অৗতিঞ 
      ঝুড় গাজাড় সৗঁগিঞ সৗঁগিঞ
                আল তুয়ুম ভিড়কৗউ ক'তালে ।

      বাড়গে পারম অসার আড়ে 
      চেদাঃ তুয়ুম রৗবুড়া আকাৎ ? 
      সিম মেরম মেনাঃ ক'তালে 
       আল তুয়ুম জম ক'তালে
               বাংখান সৗগিঞ লাগা মেয়ালে । 

=======  ᱛ ========

১০।।  

ফগড়া গড়ম 

বিভূতি ভূষণ সরেন 

 

কাসকম ঘুটু ফগড়া গড়ম 
         তিরয়ো কাথাচ্ অরং, 
রেবেৎ কাতেঃ গটায় দাঁড়ান 
           বৗনুঃ তায়া শরম। 

হাট পাতা ছাতা করেঃ 
            তিরয়ো সাডেতে আঁদোড়, 
    অনা রাহা আতেন খৗতির 
              হড়াঃ কাস ক ভাঁদুড়ঃ। 

দুখ রেঁহ   সুখ রেঁহ 
    তিরয়ো গেতায় গাতে, 
সিঞ খনাঃ ঞিদৗ  বেড়া 
    দহয়া আচ্ সাঁতে। 

আতো টলা পাড়া করেঃ 
    উপরুম ফগড়া গড়ম, 
তিরয়ো অরং হতেচ তেগে 
     মচা ফংক ফয়ড়। 

গড়ম এদরে অচয়ে রেঁহ 
    একাল বাংগে রৗগি, 
হিঁসৗ সুয়ৗ  বৗনুঃ তায়া 
    আডি গেচয় ভৗগি।

=======  ᱛ ========

১১।।  

মুরুৎ বাহা

দুলৗড় বিটি

 

ফৗগুন বঁগা মোলোঃ সাঁওতে
            মুরুৎ বাহা য়েনা,
মুরুৎ বাহা মুরুৎ বাহা
            তিনাঃ চরক আনা।

মুরুৎ বাহা জেঁগেৎ জেঁগেৎ
            আরাঃ জরং জরং
আলে গিদ্‌রৗ বেনাও আলে
           খেলোড লৗগিৎ রং।

বাহা পরব ঞুতুম আলে
          খেলোড আলে রং,
ইরচি ইপিরচি হৗনি নুয়
           মুরুৎ বাহা রং।

 

         *****মুচৗৎ*****