আয়ো আড়াং

আয়ো আড়াং

বিরসা কিস্কু

মানসীয়াঃ ইরৗল গেল সেরমা উমের লেবেদ তায়নম হড়ম রেনাঃ দাড়ে হঁ ঞুর আকানা। ঠেঁগা তিরুব তিরুবতে অড়াঃ খনে অডক বলন রেহঁ মেৎ মারশালতে দ সিঞ চাঁদ জুলুঃ কান লেকা গে।

      আষাড় আম্বাবতীরে কাঁঠাড় বিলি জম কাতে বায় জিরৗও দাড়েয়াতে সেতাঃ বেড়া রেগে কুডৗম সাতে লাতাররে দাঃ রাচারেয় জবে আকানা। নংকান অক্তরে হহ রেনাঃ দাড়ে হঁ চাবা আকানা। আচরেন হুডিঞ হপন কিমিন ঞেলকাতেৎ রেহঁ বাংকিন অওয়ার রাকাব লেদেয়া, কিমিন তেৎ গেয় মেনকেদা "মেন মেন আলম জটেদেয়া........" নংকান  কাথা আঁজম কাতে সেদায়াঃ কাথা  দিশৗ কেদা -

  যে হিলো আয়াঃ কুখীরে নুয় হপন কড়া আ অমন হুয়লেনা, ন মাস দশ দিন তিনৗঃ জতন কাতে নওয়া ধুড়ি ধৗ    রতী লেবেদ হচকেদেয়া, ইনৗ তায়ম তিনৗ হারকেত সাহাও কাতে ; তিনৗ ঞিদৗ জৗপিদ হৗপিত কাতে কড়ামরেয় হবরলেদেয়া। যে হিলো আয়ো আড়াং হহ আঁজম লেদা উন হিলো রৗস্কৗতে ছা-ছুর লেনা। মেনখান তিহিঞ দ অনা আয়ো আড়াংগে চ বাং আঁজমলেনতে হড়ম খনাঃ জিউয়ী অডক গিডি কাঃ গেয় রিকৗ কেদা।