সিঁগি মাহা রেনাঃ সাকাম ‘চেরেচ্ আড়াং’ লেখা- ৩১

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সারি ধরম হাঁসদা, বাড়তাঙ সরেন, দুগাই টুডু, বাবলু সরেন, কিষ্কিন্ধ্যা মুরমু,  বিভূতি ভূষণ সরেন ।

রিলৗমালা মুরুমু, ক্লাস- IV
জেলা - পুরুলিয়া

১।।

ᱠᱩᱦᱩ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱟᱢ ᱫᱚ ᱠᱩᱦᱩ

ᱥᱮᱛᱟᱜ ᱟᱹᱭᱩᱵᱽ

ᱟᱢ ᱫᱚᱢ  ᱠᱩᱦᱩᱭ ᱾

ᱤᱧ ᱫᱩᱧ ᱟᱸᱡᱚᱢ

ᱥᱮᱛᱟᱜ ᱟᱹᱭᱩᱵᱽ

ᱫᱟᱠᱟ ᱦᱩᱧ  ᱡᱚᱡᱚᱢ ᱾

ᱟᱢ ᱢᱟᱢ ᱠᱩᱦᱩᱠᱩᱦᱩᱭ

ᱵᱷᱳᱨ ᱠᱩᱭᱞᱤ ᱥᱤᱸᱜᱟᱲ ᱠᱩᱭᱞᱤ

ᱤᱧᱟᱜ ᱢᱚᱱᱮ ᱡᱤᱭᱤ ᱛᱩᱦᱩᱛᱩᱦᱩᱭ

ᱟᱢ ᱫᱚᱢ ᱠᱩᱦᱩᱭ ᱚᱛᱟᱦᱩᱞᱤ               

 ᱟᱢ  ᱫᱚ ᱦᱮᱸᱫᱮ  ᱠᱩᱭᱞᱤ᱿

======= ᱛ ========

 ২।।

ᱩᱰᱟ..ᱱ ᱜᱟ..ᱰᱤ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱮ ᱟᱭᱳ-
ᱦᱟᱱᱮ ᱧᱮᱞ ᱢᱮ,
ᱟᱵᱚ ᱥᱟᱺᱬᱤᱢ ᱠᱷᱚᱱ ᱟ.ᱰᱤ ᱪᱚᱴ ᱛᱮ
ᱡᱳᱨ ᱛᱮ ᱟ.ᱰᱤ ᱥᱟᱰᱮ ᱟᱛᱮ
ᱩᱰᱟ.ᱣ ᱪᱟᱞᱟᱜ ᱠᱟᱱᱟ ᱥᱳᱡᱮ,
ᱚᱱᱟ ᱫᱚ ᱟᱭᱳ ᱪᱮᱫ ᱠᱚ ᱢᱮᱛᱟᱜ ?

 

ᱮ ᱵᱮᱴᱟᱼ 
ᱚᱱᱟ ᱫᱚ ᱩᱰᱟ.ᱱ ᱜᱟ.ᱰᱤ
ᱦᱚᱲ ᱠᱚ ᱪᱟᱞᱟᱜ ᱠᱟᱱᱟ,
ᱚᱞᱚᱜ ᱫᱟᱬᱮ ᱛᱮ ᱵᱮᱱᱟᱣ ᱠᱟᱛᱮ
ᱢᱤᱫ ᱴᱷᱮᱱ ᱠᱷᱚᱱ ᱟᱨ ᱢᱤᱫ ᱴᱷᱮᱱ 
ᱪᱟᱞᱟᱜ ᱠᱟᱱᱟ ᱠᱚ ᱢᱤᱫ ᱜᱷᱟ.ᱲᱤᱡ ᱛᱮ
ᱦᱚᱭ ᱵᱟᱨᱰᱚ ᱞᱮᱠᱟ ᱾

ᱮ ᱵᱮᱴᱟ-
ᱤᱛᱩᱱ ᱟᱥᱲᱟ ᱪᱟᱞᱟᱣ ᱠᱟᱛᱮ 
ᱚᱞᱚᱜ ᱪᱮᱫ ᱡᱚᱝ ᱢᱮ
ᱤᱱᱟ. ᱠᱷᱟᱱ,ᱦᱟᱯᱮᱱ ᱟ.ᱠᱤᱞ ᱦᱟᱢᱮᱴ ᱠᱟᱛᱮ
ᱩᱰᱟ.ᱱ ᱜᱟ.ᱰᱤ,ᱪᱮᱬᱮ ᱛᱟᱱᱟᱜ ᱞᱮᱠᱟᱢ
ᱩᱰᱟ.ᱣ ᱟ.ᱪᱩᱨᱚᱜᱼᱟ ᱫᱤᱥᱳᱢ ᱛᱟᱞᱟ,
ᱫᱟᱜ ᱨᱮᱱ ᱦᱟ.ᱠᱩ ᱞᱮᱠᱟᱢ
ᱯᱟᱭᱨᱟ ᱫᱟᱬᱮᱭᱟᱜᱼᱟ ᱥᱟᱶᱛᱟ ᱛᱟᱞᱟ ᱾

======= ᱛ ========

৩।।

ᱡᱤᱭᱚᱱ ᱡᱤᱛᱠᱟᱹᱨ ᱨᱮᱱᱟᱜ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱡᱤᱭᱚᱱ ᱨᱮᱱᱟᱜ ᱛᱟᱲᱟᱢ ᱰᱟᱦᱟᱨ
ᱛᱤᱥ ᱨᱮᱸᱦᱚ ᱵᱟᱝ ᱟᱥᱟᱱᱟ ᱾
ᱡᱩᱫᱤᱢ ᱛᱟᱲᱟᱢᱟ ᱛᱚᱵᱮᱢ ᱞᱟᱦᱟᱜᱼᱟ
ᱢᱩᱠᱟᱹᱢ ᱛᱮᱢ ᱥᱮᱴᱮᱨᱚᱜᱼᱟ ᱾

  

ᱫᱤᱞ ᱫᱟᱲᱮᱹ ᱠᱮᱴᱮᱡ ᱠᱟᱛᱮ
ᱵᱷᱟᱜᱽᱣᱟ ᱞᱩᱜᱽᱲᱤᱡ ᱯᱟᱴᱷᱮᱹ ᱠᱟᱛᱮ
ᱡᱩᱫᱤᱢ ᱛᱟᱲᱟᱢᱟ ᱛᱚᱵᱮᱢ ᱞᱟᱦᱟᱜᱼᱟ
ᱢᱩᱠᱟᱹᱢ ᱛᱮᱢ ᱥᱮᱴᱮᱨᱚᱜᱼᱟ ᱾

  

ᱵᱟᱹᱥᱭᱟᱹᱢ ᱵᱮᱨᱮᱢ ᱳᱸᱰᱳᱠ ᱞᱮᱱᱠᱷᱟᱱ
ᱢᱟᱡᱟᱱ ᱛᱮᱫᱚᱢ ᱥᱮᱴᱮᱨ ᱜᱮᱭᱟ ᱾
ᱢᱩᱠᱟᱹᱢ ᱥᱮᱴᱮᱨ ᱠᱟᱛᱮ ᱟᱱᱟ
ᱡᱤᱭᱚᱱ ᱡᱤᱛᱠᱟᱹᱨᱚᱜᱼᱟ ᱾

  

ᱡᱤᱭᱚᱱ ᱨᱮᱱᱟᱜ ᱛᱟᱲᱟᱢ ᱰᱟᱦᱟᱨ
ᱛᱤᱥ ᱨᱮᱸᱦᱚ ᱵᱟᱝ ᱟᱥᱟᱱᱟ ᱾
ᱡᱩᱫᱤᱢ ᱛᱟᱲᱟᱢᱟ ᱛᱚᱵᱮᱢ ᱞᱟᱦᱟᱜᱼᱟ
ᱢᱩᱠᱟᱹᱢ ᱛᱮᱢ ᱥᱮᱴᱮᱨᱚᱜᱼᱟ ᱾

 

======= ᱛ ========

 ৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

(...ᱞᱟᱦᱟ ᱠᱷᱚᱱ ᱛᱳᱸᱜᱮ)

ᱨᱮᱞᱟ(ᱻ ) ᱛᱮ ᱜᱟᱵᱟᱱ ᱟ.ᱲᱟ. ᱺ

ᱦᱟᱻᱦᱟᱻᱦᱟ ᱿ ᱵᱟ.ᱵᱩᱻᱭᱟ ᱿ ᱱᱟᱻᱱᱲᱻᱛᱟᱨᱱᱟ᱿ ᱫᱮᱞᱟᱻᱭᱟ ᱿ ᱪᱚᱞᱚᱻᱭᱟ ᱿ ᱵᱟᱨᱻᱭᱟ ᱿ ᱯᱷᱟᱸᱫᱟᱻᱭᱟ᱿ ᱦᱤᱡᱩᱜ ᱻᱢᱮ᱿

ᱨᱮᱞᱟ (~) ᱛᱮ ᱜᱟᱵᱟᱱ ᱟ.ᱭᱟ.ᱛ  ᱺ

ᱦᱟᱻᱦᱟᱻᱦᱟ ᱠᱟᱛᱮ ᱠᱚ ᱞᱟᱸᱫᱟᱭᱟ ᱿ ᱵᱟ.ᱵᱩᱭᱟ ᱱᱚᱛᱮ ᱦᱤᱡᱩᱜ ᱻᱢᱮ ᱿ ᱜᱤᱫᱨᱟ. ᱠᱚ ᱯᱤᱲᱫᱟ.ᱜ ᱯᱤᱲᱫᱟ.ᱜ ᱠᱚ ᱯᱷᱟᱸᱫᱟᱻᱭᱟ ᱿ ᱪᱚᱞᱚ ᱻᱭᱟ ᱵᱟ.ᱭᱦᱟ.ᱲ ᱥᱮᱫ᱿ ᱯᱳᱱᱻᱭᱟ ᱫᱟᱨᱮ ᱵᱟᱧᱪᱟᱶ ᱟᱠᱟᱱᱟ᱿

ᱯᱷᱟᱨᱠᱟ (- ) ᱛᱮ ᱜᱟᱵᱟᱱ ᱟ.ᱲᱟ. ᱺ

ᱢᱮᱱᱟᱜ- ᱟ ᱿ ᱞᱮᱠᱷᱟᱜ-ᱟ ᱿ ᱥᱮᱴᱮᱨᱚᱜ-ᱟ ᱿  ᱦᱤᱡᱩᱜ-ᱟ ᱿ ᱰᱷᱮᱨᱚᱜ- ᱟ ᱿ ᱪᱟᱞᱟᱜ-ᱟ ᱿ ᱵᱟ.ᱲᱤᱡᱚᱜ- ᱟ ᱿ ᱵᱟ.ᱱᱩᱜ- ᱟ᱿ ᱨᱚᱸᱜᱚᱜ- ᱟ ᱿ ᱞᱚᱦᱚᱫᱚᱜ- ᱟ᱿ ᱨᱚᱦᱚᱲᱚᱜ-ᱟ ᱿

ᱯᱷᱟᱨᱠᱟ (- ) ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱛᱮᱦᱮᱧ ᱫᱚ ᱫᱟᱜ ᱦᱤᱡᱩᱜ- ᱟ ᱿ ᱟᱨ ᱛᱷᱚᱲᱟ ᱚᱠᱛᱚ ᱛᱟᱭᱚᱢ ᱜᱟᱭᱟᱱ ᱢᱩᱪᱟ.ᱫᱚᱜ- ᱟ᱿ ᱵᱷᱟᱫᱚᱨ ᱵᱚᱸᱜᱟ ᱦᱳᱲᱳ ᱜᱮᱞᱮ- ᱟ ᱿ ᱡᱷᱮᱴ ᱵᱚᱸᱜᱟ ᱩᱞ ᱵᱮᱞᱮᱜ-ᱟ ᱿ ᱵᱤᱨ ᱨᱮ ᱥᱟᱦᱟᱱ ᱧᱟᱢᱚᱜ -ᱟ ᱿ ᱛᱟ.ᱨᱩᱯ ᱥᱟᱣ ᱫᱚ ᱵᱟᱢ ᱫᱟᱲᱮᱜ-ᱟ ᱿ ᱦᱚᱲ ᱞᱮᱠᱟ ᱦᱚᱲᱚᱜ- ᱢᱮ ᱿

ᱚᱦᱚᱫ (ᱽ) ᱛᱮ ᱜᱟᱵᱟᱱ ᱟ.ᱲᱟ. ᱺ

ᱵᱟ.ᱫᱽ ᱿ ᱢᱟᱜᱽ ᱥᱤᱢ ᱿ ᱯᱷᱟ.ᱫᱽ ᱿ ᱛᱚᱛᱽᱠᱟ ᱿ ᱟᱪᱽᱠᱟ ᱿ ᱡᱚᱵᱽᱫᱚ ᱿ ᱜᱩᱨᱤᱡᱽ ᱢᱟᱸᱫᱮ ᱿ ᱴᱚᱴᱽᱠᱚ᱿ ᱨᱮᱜᱽᱲᱟ ᱿ ᱵᱟᱡᱽᱲᱟ᱿

ᱚᱦᱚᱫ (ᱽ) ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱫᱟ.ᱫᱽ ᱫᱚ ᱦᱟᱨᱛᱟ ᱨᱮᱱᱟᱜ ᱟᱡᱟᱨ ᱠᱟᱱᱟ᱿ ᱵᱟᱜᱽᱵᱟᱡᱟᱨ ᱨᱮᱱᱟᱜ ᱡᱚᱵᱮ ᱞᱟ.ᱰᱩ ᱟ.ᱰᱤ ᱧᱩᱢᱟᱱᱟᱜ᱿ ᱛᱟᱡᱽᱢᱚᱦᱚᱞ ᱟᱜᱨᱟ ᱨᱮ ᱢᱮᱱᱟᱜ ᱻᱟ᱿ ᱦᱚᱭᱫᱟᱜ ᱵᱚᱛᱚᱨ ᱛᱮ ᱜᱤᱫᱨᱟ. ᱨᱤᱫᱽᱵᱤᱫᱽ ᱠᱚ ᱫᱟ.ᱲ ᱠᱮᱫᱟ᱿ ᱞᱚᱞᱚ-ᱞᱚᱞᱚ ᱵᱟᱡᱽᱲᱟ ᱟᱛᱟ ᱥᱮᱵᱮᱞ ᱜᱮᱭᱟ᱿

 

 ======= ᱛ ========

৫।। 

অলঃ উমের

সারি ধরম হাঁসদা

 

গিদৗর উমের    অলঃ উমের
            অলঃগেচঞ সেঁড়ায়,
অৗওহৗ আলম অৗয়ুর আদেঞ
             অক্ত তিঞেম কাঁড়ায়।

 

তোড় টুটি   কাকড়া টুটি
               অনা মারে হেওয়া,
সেঁড়া আমায়   গুতি কাড়মি
                বিঁডুজ আমায় কেওয়া।

 

উমের অক্ত      আনাট অক্ত
                  অক্ত বাচং রুওয়ৗড়,
 অৗথৗড় জিয়ন    আঁধা জিয়ন
                   বৗনুঃআ মেঁৎ বুঁসৗড়।

 

অক্ত তেহেঞ   সেটের আকান
                   বৗঞ আঁজমা মানা,
ইতুন আসড়া   চালাঃ লৗগিৎ
                 লগনিঞ সৗতঃ কানা।

 

অঁডেঞ সেঁড়ায়   অৗকিল গেয়ান
                   অঁডেঞ হারা বুরুঃ,
ধৗরতি দিসম  সাঁঘার রেদ
                    গেয়ান চুরু বুরুঃ।

======= ᱛ ========

৬।।

 জানাম আড়াং

বাড়তাঙ সরেন

  

জানাম আড়াং জানাম পৗরসী
                       আডি গে সরেসা
 আয়ো আড়াং বেগর আবো 
                   একাল বো লেড়েসা।

  

জানাম আড়াং তোওয়া লেকা
                   গুড় খন হঁ হেড়েমা
জানাম পৗরসী রপড় রেদ
                       লৗডু খন সড়মা।

  

সানাম কতে চেরেচ দুলৗড়
                 তিনৗঃ মজ বুজুঃ আ
কেঁড়েঁচ দড়েঁচ সারা ঘাড়ি
                    রড় গেচ সানাওয়া।

  

 রৗস্কৗ রমজ মনে কাথা
                      আডি গে গাবেয়া
তোওয়া দারে জানাম পৗরসী
                    তিস হঁ বাঞ বৗগিয়া।

 

জানাম আড়াং  আয়ো তোওয়া
                      বানার গে সমানা
আয়ো আড়াং যতন কৗমি
                     আডি গে দামানা।

======= ᱛ ========

 ৭।।

আয়ুপ বে্লা

দুগাই টুডু

 

সিঞ চাঁদো পছিম নাখা
     হৗনি আয়ুপ বেলা,
উনি আদ হাঁসুর গদঃ
ঞেলঃ কানায় ভালা।

 

অকা এনা গিদ্‌রৗ আপে
তিনাঃ ঘৗড়িচ্‌ খেলা,
অড়াঃ তেদ লগন গেদ
 গগ মেনায় দেলা।

 

চেঁড়ে কদ হানকো হানে
তুকা সিঁগৗড় তরা,
গুতি কড়া রুয়ৗড় কোকো
অনে গাইকো গোড়া।

 

তোয়ো রুঁডৗ ঞেলতে সেতা
ভূঃগে একাল জোরা,
ককর দুঁদু পানতে কাতে
তাঁহে বাড়ায় জোড়া।

 

ঞিদৗ তরা বৗদুড় কদ
অডং বাড়াও আনা,
ঞিদৗ কঁ কো ঞুতরে  আদ
জমা সেঁদ্‌রা কানা। 

======= ᱛ ========

 ৮।।

হপন মৗই এ সেন এনা

বাবলু সরেন

 

অড়াঃরে উতু বৗনুঃআ

হপন মৗই এ সেন এনা বাড়গে

গছা-ডৗলিচ পেরেচ সিৎ আগুকেদায় আড়াঃ সাকাম ।

অড়াঃরে দাঃ বৗনুঃআ

হপন মৗই এ সেন এনা লাতার কুলহি

ঠিলি-টুকুচ পেরেচ হেরমেৎ আগুকেদায় ঞু দাঃ ।

 সেচেদঃরেয়াঃ মুচৗৎ বৗনুঃআ

হপন মৗই এ সেন এনা চেতান কুলহি

দিশৗ-খাতা পেরেচ চেৎ আগুকেদায় অলঃ পাড়হাও ।

উনদ আখড়া নিশুন বৗনুঃআ

হপন মৗই এ সেন এনা তালা কুলহি

মনে-জিওয়ী পেরেচ রৗস্কৗ আগুকেদায় এনেচ সেরেঞ ।

======= ᱛ ========

 ৯।।

 ককর্

কিস্কিন্ধ্যা মুরমু 

 

       অড়াঃ কুডৗম জৗনুম দারে 
 
                  ঞুহুমগে চঁহড় চঁহড়   ;
 
     আঁজম কাতে হপন   রা...রাঃ
 
                  লৗয়েৎ' ইঞ দ বতর'  ।
 
      চিলি... চিলি ...চিলি কানায় 
 
                   অনতে রেদ মেনায়   ;
 
         ঞিদৗ  চেদাঃ দাঁড়া এদায়
 
                 চেদাঃ গেবাং  রাগায়   ?
 
          উনি দ হপন চেঁড়ে কানায় 
 
                ঞুৎ ঞিদৗগেয় দাঁড়ায়   ;
 
         জমাঃ আহার পাঁজা বাড়ায় 
 
                 চঁহড় চঁহড় গেয় রাগায়   ।
 
         সিঞ ভোর দ দারে ডনডহর 
 
                জৗপিৎ জিরৗঃ অঁড়ে দ    ;
 
           ঞুহুমঃ  উনি ঞঁহড় ঞঁহড় 
 
                রেঁগেচতে জম তলাস দ   ।
 
             উনি দয়া ককর ক মেতায়
 
             ঞিদৗ ভোরে উডুক বাড়ায়   ;
 
           হুডিঞ রেহঁয় রাঃ চঁহড় চঁহড় 
 
            আলম বতরঃ চেঁড়ে কানায়   ।।

======= ᱛ ========

 ১০।। 

সন্তর 

বিভূতি ভূষণ সরেন 

 

দিনাম স্কুল চালাঃ মাড়াংরে 
       আয়ু এমায় মান্তার, 
হিজুঃ সেনঃ হর ডাহাররে 
      তাড়াম মেহাঁ সন্তর। 

 

ধৗরতিরে সাঁগেঃ কান মৗনমী 
      ডাহাররে আডিগে গৗডি, 
হান্তে নাতে কয়গ্ কাতে 
     পারমঃ হুয়ু ভৗগি। 

 

বাজার তালা মুড় করে 
   যুদি আরাঃ জুলু, 
উনদ পারম বাং গানঃ 
   এনরে তিগুন হুয়ু। 

 

আদ যুদিম ঞেল ঞাম 
    হৌড়য়ারগে জুলুঃ আর, 
উন লগন পারম গদঃমে 
      ডাহার হানা সার। 

 

আরহঁ যুদিম ঞেল এদা 
   দুপুক সাসাং দাঃগে, 
উনদ বুঝৗও হুয়ু তামা 
    তাঁগি কৗটিচ্ লাগা।। 

  ======= ᱛ ========

১১।।

দেবন লাহাঃ

দুলৗড় বিটি

কৗটিচ্‌ কৗটিচ্‌ গিদ্‌রৗ আবো
      মনে বাগওয়ান বাহা
এনেচ্‌ আবোন সেরেঞ আবোন
       অলঃ তেবন লাহাঃ।

 

হিঁসৗ সুয়ৗ বাবোন আগুয়
      অনা খনব সাহাঃ
গাতে গাপাতে হারাঃ আবোন
       দুলৗড় তেবোন লাহাঃ।

হারা উমের যুয়ৗন কাতে
        মনরে বাবোন আহাঃ
ইঞ আমরে আম ইঞরে
        গড়ঃ তেবোন লাহাঃ।

  ********মুচৗৎ*******