জাহের আয়ো মুরমু
পোয়লো দফা রেনাঃ ভোটরে আদিবাসীকো হুয় হিজুঃ কান
ভোট পরব লেকা গেকো মানাও কেদা। আকোওয়াঃ ভোটতে আকোওয়াঃ ভৗলৗই আর লাহান্তি তিনাঃ হোয়োঃ
আ অনাদ আয়মা আদিবাসী ঠেনগে বাং বাডায় রেগে তাঁহেয়েনা। ভোট এম হোয়োঃআ ভোট এম হুয়েনা।
গাপা খন আরহঁ নালহা-তুমৗল, কৗমি-কৗসনি কাতে লাচ্ আসুল হোয়োঃআ। উনদ অকয় দাদা সে অকয়
দিদি হঁ বাংকো সেটেরঃ আ। নোওয়াদ বাডায় কাথা কান তাকোওয়া। এনহঁ যাঁহান আঁশ ঞেল কাতেগে
নংকাগে বাঞ্চাও তাঁহেনাকো আরহঁ তিস ভোট পরব হিজুঃ আ। ইনৗ হিলোঃ তেৎ ভোট পরব ঞুতুম তেকো
রৗস্কৗ-সুলৗং জং আ।
মেনখান নেশদ ভোট বয়কট কাতে গোটা দিশম রেন হড়ক বেড়েম্ভা হচঃ কেৎ কোওয়া বাঁকুড়া জিলৗ
ছাতনা বিধান সভা রেনাঃ জামথোল আতোরেন আদিবাসী সান্তাড় কো। বাডায় আকানা বাংমা আকো আতো
সোর গাডা চেতান ব্রিজ বাং হুয় আকান খৗতিরগে নংকান কৗমিরে সানাম আতোরেন হড় জুমিৎ কাতে
ভোট কো বয়কট কেদা। প্রশাসনিয়ৗরেন হড় আর নির্বাচন কমিশনার রেন আপিসার কো নানাহুনৗর মেন
কাতেহঁ ভোট এমঃরে বাং গেকো রেবেন লেনা।
নংকান চিতৗর ঞেল কাতে তায়ম দারাম আরহঁ আদিবাসী
আতো করে ভোট বয়কট রেনাঃ প্রবনতা যে ঢের ইদিঃ আ নংকাগে নিৎ রাজআরি মহল রে কাথা গুরলৗও
এহব গৎ আকানা।
নতে আরহঁ বাডায় আকানা হলা ভোট এহব মাড়াং ঞিদৗ শালবনীরে
লালমোহন সরেন ঞুতুমান মিৎ বি.জে.পি.রেন সমর্থক জিউয়ী চালাওয়েন তায়া। নোওয়া ঘটনরে তৃণমূল
সেন কৗটুপ এ উদুঃ কেদা বি.জে.পি.। মেনখান তৃণমূল নোওয়া ঘটন রে জপড়াও বৗনুঃ আকাদেয়া
মেনতে সদর আকাদায়।
আরহঁ নতে খবররে বাডায় আকানা পছিম মিদিনপুর জিলৗ
রেনাঃ কেশিয়াড়ী আতোরেহঁ মঙ্গল সরেন ঞুতুমান মিৎ বি.জে.পি.রেন সমর্থক জিউয়ী নাশাওয়েন
তায়া। মেনখান নিৎ ধৗবিচ্ নোওয়া ঘটন লৗইতে
নির্বাচন কমিশনার তুনখি-তলাশ রেগে মেনাঃ আকাদেয়া। তবে অনা ঘটন ইদিকাতে তৃণমূল
আর বি.জে.পি. মুধরে এলাকা লল গে মেনাঃ আ।
আদিবাসী কোগে ভোট লেকান পরবরে দাল-তাপাম-খুন এমান
লেকান ঘটন রেকো জপড়াও গদঃআ লাহারে অনাহঁ বাডায় বাং তাঁহেন তাকোওয়া। নোওয়া ২০২১ সাল
রেনাঃ পোয়লো দফা ভোটরেহঁ অনকানা গে নজির তাঁহেয়েনা।
.webp)
.webp)
