ᱮᱢ ᱚᱰᱩᱠ

 (ᱦᱩᱰᱤᱧ ᱢᱟᱪᱷᱟ ᱠᱟ.ᱦᱱᱤ)

ᱮᱢ ᱚᱰᱩᱠ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱥᱤᱢ ᱰᱟᱸᱜᱟ ᱟᱛᱳ ᱦᱮᱢᱟᱞ ᱢᱩᱨᱢᱩ ᱨᱮᱱ ᱢᱟᱨᱟᱝ ᱠᱩᱲᱤ ᱵᱟᱦᱟ ᱢᱚᱱᱤ ᱢᱩᱨᱢᱩ ᱫᱚ ᱟᱡ ᱠᱷᱩᱥᱤ ᱛᱮᱜᱮ ᱥᱩᱞᱩᱠᱰᱤ ᱨᱮᱱ ᱪᱚᱯᱭᱟ ᱴᱩᱰᱩ ᱥᱟᱶ ᱮ ᱟᱸᱜᱤᱨ ᱪᱟᱞᱟᱣ ᱮᱱᱟ ᱾ ᱫᱩᱞᱟ.ᱲ ᱫᱚ ᱰᱷᱮᱨ ᱫᱤᱱ ᱵᱟᱝ ᱦᱩᱭ ᱞᱮᱱ ᱛᱟ.ᱠᱤᱱᱟ ᱾ ᱠᱩᱲᱤ ᱜᱤᱫᱽᱨᱟ.ᱣᱟᱜ ᱩᱢᱟ.ᱨ ᱫᱚ ᱵᱟᱯᱞᱟ ᱞᱮᱠᱟ ᱵᱟᱝ ᱛᱟᱸᱦᱮ ᱠᱟᱱ ᱛᱟᱭᱟ ᱾ ᱢᱮᱱ ᱠᱷᱟᱱ ᱠᱚᱢ ᱩᱢᱟ.ᱨ ᱨᱮᱜᱮ ᱩᱱᱤ ᱠᱩᱲᱤ ᱜᱤᱫᱽᱨᱟ ᱫᱚ ᱦᱟ.ᱱᱤ ᱱᱟ.ᱭ ᱠᱚᱲᱟ ᱥᱟᱞᱟᱜ ᱮᱯᱮᱢ ᱪᱟᱯᱟᱞ ᱥᱤᱵᱤᱞ ᱥᱟ.ᱜᱟ.ᱭ ᱛᱟᱸᱦᱮ ᱠᱟᱱ ᱛᱟᱭᱟ ᱾ ᱟᱭᱳ ᱵᱟᱵᱟᱣᱟᱜ ᱢᱟᱱᱟ ᱵᱟᱨᱚᱱ ᱮᱠᱟᱞ ᱵᱟᱭ ᱢᱮᱫ ᱞᱩᱛᱩᱨᱟᱜ ᱠᱟᱱ ᱛᱟᱸᱦᱮ ᱠᱟᱱᱟ ᱾ ᱟᱫᱚ ᱢᱤᱫ ᱫᱤᱱ ᱢᱟ.ᱡᱷᱤ ᱢᱟᱯᱟᱡᱤ ᱟᱛᱮ ᱯᱟᱸᱡᱟ ᱴᱷᱮᱥᱟᱣ ᱚᱴᱚ ᱠᱟᱫᱮᱭᱟ ᱠᱚ ᱾

ᱢᱮᱱ ᱠᱷᱟᱱ ᱯᱟᱸᱡᱟ ᱴᱷᱮᱥᱟᱣ ᱠᱟᱛᱮ ᱦᱚᱸ ᱯᱷᱳᱱ ᱛᱮ ᱧᱮᱯᱮᱞ ᱨᱚᱯᱚᱲ ᱦᱟ.ᱱᱤ ᱱᱟ.ᱭ ᱠᱚᱲᱟ ᱥᱟᱞᱟᱜ ᱠᱷᱤᱞᱰᱩ ᱮᱱᱮᱪ ᱫᱚ ᱵᱟᱭ ᱵᱟ.ᱜᱤ ᱫᱟᱲᱮᱣ ᱟᱠᱟᱫᱟ ᱾ ᱫᱤᱱ ᱫᱤᱱ ᱛᱮ ᱟᱡ ᱡᱟᱢᱟᱭ ᱴᱷᱮᱱᱮ ᱥᱟᱵ ᱚᱪᱚᱭ ᱮᱱᱟᱭ ᱾ ᱮᱱ ᱦᱤᱞᱳᱜ ᱠᱷᱚᱱ ᱟᱫᱚ ᱫᱟᱞ ᱫᱟᱯᱟᱞ ᱛᱟᱯᱟᱢ ᱠᱟ.ᱯᱷᱟ.ᱨᱤ ᱡᱚᱲᱟᱣ ᱜᱮ ᱛᱟᱸᱦᱮᱱ ᱛᱟ.ᱠᱤᱱᱟ ᱾ ᱢᱤᱫ ᱫᱤᱱ ᱦᱚᱸ ᱱᱟᱯᱟᱭ ᱞᱮᱠᱟ ᱛᱮ ᱫᱤᱱ ᱫᱚ ᱵᱟᱝ ᱯᱟᱨᱚᱢᱚᱜ ᱠᱟᱱ ᱛᱟ.ᱠᱤᱱ ᱛᱟᱸᱦᱮᱫ ᱾

ᱢᱤᱫ ᱫᱷᱟᱣ ᱵᱟᱦᱟ ᱢᱚᱱᱤ ᱟᱡ ᱟᱭᱳ ᱵᱟᱵᱟ ᱚᱲᱟᱜ ᱠᱷᱚᱱ ᱡᱟᱢᱟᱭ ᱚᱲᱟᱜ ᱥᱮᱱᱚᱜ ᱞᱟ.ᱜᱤᱫ ᱵᱟᱥ ᱨᱮᱠᱚ ᱫᱮᱡ ᱜᱚᱫ ᱠᱟᱫᱮᱭᱟ ᱟᱨ ᱡᱟᱢᱟᱭ ᱠᱚᱲᱟ ᱠᱚ ᱯᱷᱳᱱ ᱜᱚᱫ ᱟᱫᱮᱭᱟ,ᱢᱳᱲ ᱠᱷᱚᱱ ᱫᱟᱨᱟᱢ ᱤᱫᱤ ᱞᱟ.ᱜᱤᱫ ᱾ ᱵᱟᱦᱟ ᱢᱚᱱᱤ ᱢᱳᱲ ᱨᱮᱭ ᱟᱲᱜᱚ ᱮᱱᱟ ᱾ ᱟᱡ ᱡᱟᱢᱟᱭ ᱫᱟᱨᱟᱢ ᱞᱟ.ᱜᱤᱫ ᱫᱚ ᱟ.ᱣᱨᱤᱭ ᱥᱮᱴᱮᱨᱚᱜᱼᱟ ᱾ ᱚᱱᱟ ᱛᱮ ᱵᱟᱦᱟ ᱢᱚᱱᱤ ᱫᱚ ᱥᱩᱞᱩᱠᱰᱤ ᱨᱮᱱ ᱜᱮ ᱢᱤᱫ ᱴᱟᱝ ᱰᱟᱺᱜᱽᱣᱟ. ᱠᱚᱲᱟ ᱨᱩᱯᱟ.ᱭ ᱮ ᱧᱟᱢ ᱠᱮᱫᱮ ᱠᱷᱟᱱ ᱩᱱᱤᱭᱟᱜ ᱰᱩᱞᱩᱝ ᱜᱟ.ᱰᱤ ᱨᱮ ᱫᱮᱡ ᱠᱟᱛᱮ ᱦᱚᱨ ᱦᱚᱨ ᱛᱮ ᱟᱛᱳ ᱥᱮᱡ ᱠᱤᱱ ᱞᱟᱦᱟ ᱪᱟᱞᱟᱜ ᱠᱟᱱᱟ ᱾ ᱩᱱ ᱠᱤᱱ ᱛᱟᱞᱟ ᱨᱮ ᱥᱤᱵᱤᱞ ᱩᱠᱩ ᱪᱩᱠᱩ ᱥᱟ.ᱜᱟ.ᱭ ᱫᱚ ᱵᱟᱝ ᱛᱟᱸᱦᱮ ᱠᱟᱱᱟ ᱾ ᱪᱟᱞᱟᱜ ᱪᱟᱞᱟᱜ ᱛᱮ ᱟᱡ ᱡᱟᱢᱟᱭ ᱥᱟᱶ ᱦᱚᱨ ᱨᱮ ᱠᱤᱱ ᱧᱟᱯᱟᱢ ᱮᱱᱟ ᱾ ᱧᱟᱯᱟᱢ ᱪᱷᱚᱴ ᱟᱡ ᱡᱟᱢᱟᱭ ᱫᱚ ᱜᱩᱞ ᱮ ᱫᱷᱩᱨᱟ.ᱣ ᱮᱱᱟ ᱾ ᱢᱮᱱ ᱮᱫᱟᱭ ᱱᱟ.ᱜ ᱟ.ᱭ ᱤᱧ ᱵᱟ.ᱦᱩ ᱨᱮᱱ ᱮᱴᱟᱜ ᱡᱟᱢᱟᱭ ᱛᱟᱭ,ᱥᱟᱵ ᱟᱠᱟᱫᱤᱭᱟ.ᱧ ᱾ ᱚᱱᱠᱟ ᱢᱮᱱ ᱟᱨ ᱟᱡ ᱵᱟ.ᱦᱩ ᱫᱟᱞ ᱜᱮ ᱾ 

ᱟᱛᱳ ᱢᱚᱬᱮ ᱦᱚᱲ ᱠᱚᱭ ᱡᱟᱣᱨᱟ ᱠᱮᱫ ᱠᱚᱣᱟ ᱾ ᱵᱟᱦᱟᱢᱚᱱᱤ ᱨᱮᱱ ᱟᱯᱟ ᱵᱟᱨᱮ ᱟᱛᱳ ᱢᱚᱬᱮ ᱦᱚᱲ ᱟᱛᱮ ᱠᱚ ᱦᱮᱡ ᱮᱱᱟ ᱾ ᱵᱤᱪᱟ.ᱨ ᱠᱚ ᱫᱩᱲᱩᱵ ᱟᱠᱟᱱᱟ ᱾ ᱪᱚᱯᱭᱟᱭ ᱢᱮᱱ ᱠᱮᱫᱟ ᱵᱟᱦᱟ ᱢᱚᱱᱤ ᱨᱮᱱ ᱮᱴᱟᱜ ᱡᱟᱢᱟᱭᱤᱧ ᱥᱟᱵ ᱟᱠᱟᱫᱮᱭᱟ ᱾ ᱤᱧ ᱫᱚ ᱟᱫᱚ ᱵᱟ.ᱧ ᱫᱚᱦᱚᱭᱮᱭᱟ,ᱮᱢ ᱩᱚᱰᱩᱠ ᱠᱟ.ᱭᱟ.ᱧ ᱾ ᱩᱱᱤᱭᱟᱜ ᱠᱟᱛᱷᱟ ᱛᱮ ᱵᱟᱦᱟᱢᱚᱱᱤ ᱟᱯᱟ ᱵᱟᱨᱮ ᱦᱚᱲ ᱠᱚ ᱨᱟ.ᱡᱤ ᱮᱱᱟ ᱾ ᱩᱱᱠᱩ ᱫᱚ ᱞᱟᱦᱟ ᱠᱷᱚᱱ ᱜᱮ ᱠᱩᱲᱤ ᱜᱤᱫᱽᱨᱟ. ᱠᱷᱟᱴᱟᱣ ᱨᱮᱱᱟᱜ ᱢᱚᱱ ᱫᱚ ᱵᱟᱝ ᱛᱟᱸᱦᱮ ᱞᱮᱱ ᱛᱟᱠᱚᱣᱟ ᱾ ᱪᱮᱫᱟᱜ ᱥᱮ ᱯᱟ.ᱣᱨᱟ. ᱦᱟᱺᱰᱤ ᱧᱩ ᱵᱩᱞ ᱠᱟᱛᱮ ᱫᱤᱱᱳᱢ ᱜᱮ ᱟᱠᱚ ᱨᱮᱱ ᱠᱩᱲᱤ ᱜᱤᱫᱽᱨᱟ.ᱭ ᱫᱟᱞᱮ ᱠᱟᱱ ᱛᱟᱸᱦᱮ ᱠᱟᱱᱟ ᱾ ᱱᱚᱣᱟ ᱥᱩᱡᱩᱜᱽ ᱨᱮ ᱟᱠᱚᱨᱮᱱ ᱠᱩᱲᱤ ᱜᱤᱫᱽᱨᱟ. ᱮᱢ ᱚᱰᱩᱠ ᱚᱪᱚ ᱠᱟᱛᱮ ᱟᱠᱚ ᱚᱲᱟᱜ ᱠᱚ ᱤᱫᱤ ᱨᱩᱣᱟ.ᱲ ᱠᱮᱫᱮᱭᱟ ᱾ ᱱᱚᱛᱮ ᱨᱩᱯᱟ.ᱭᱟᱜ ᱠᱟ.ᱭ ᱦᱚᱸ ᱵᱟᱝ ᱠᱚ ᱧᱟᱢ ᱞᱮᱫ ᱛᱟᱭ ᱛᱮ ᱠᱚ ᱟᱲᱟᱜ ᱠᱟᱫᱮᱭᱟ ᱾ ᱨᱩᱯᱟ.ᱭ ᱫᱚ ᱵᱷᱟ.ᱜᱤ ᱞᱮᱠᱟᱭ ᱵᱚᱛᱟᱨ ᱞᱮᱱᱟ ᱾