ভোট ভোট ভোট ব এমা অকারে ?
(পুছিমবাংলা বিধানসভা বাছনাও 2021
আর সানতাড় সমাজ)
বিশ্বনাথ হেমব্রম
কল্যাণী, নদীয়া
ফৗগুন-চৗত বঙ্গা রেনাঃ লল সিতুং ঝালাস সাঁও আর মিদ উরগুম লল আঙ্গরা ঝালকাওঃ কানা গটা পুছিমবাংলা পনতরে। অনা দ জৗনিজ খান জতগে বন আইকাউ দাড়েয়াঃ কানা। হয় অনাদ
- দারায় কান পুছিমবাংলা পনত রেনাঃ বিধানসভা বাছনাও 2021। পুছিমবাংলা পনতরে মেনাঃ ক সানাম লেকান রাজআরি দল ক আকো লেকাতে আপান আপিন রাজারি কৗমি ক তরাও এদা বিধানসভা বাছনাও ভোট 2021 সামাং আতে। জত রাজআরি দলাঃ গে জস দ মিদ গেয়া। অকয় দল হিজুঃ কান মঁড়ে সেরমা অনা পুছিমবাংলা রেনাঃ বিধানসভা বৗখুল
- এ হামেট আ। আর হামেট কাতে আজাঃ রাজগৗডি মঁড়ে সেরমা ধুরিয়ৗ সাগাড় ইদি আয়। ঞেল গঃ কানা,
নিয়ৗ ধাও হাঃ বিধানসভা বাছনাও দ জৗনিজ খান রাজগদি রে মেনায় দৗই মানতিয়ৗ মমতা বন্দ্যোপাধ্যায় ঠেন দ আডি গে আনাট বাছনাও কানা। আর মিদ সেন ঞেলঃ কানা দাঃ বাহা (পরায়নি বাহা) রাজআরি দল হ আডি জুর
-এ ছুটৗও আকানা নিয়ৗ ধাও পুইলু পুছিমবাংলা পনত রেনাঃ বিধানসভা বৗখুল হামেট খৗতির। অনা তালারে আর হঁ আয়মা রাজআরি দল ক ছুটৗও আকানা আকোয়াঃ দাড়ে দেখাও খৗতির। তবে খান ব বাডায় লেগে নিয়ৗ ধাও বিধানসভা বাছনাও 2021 রেনাঃ খেলন্ড রে সেলেদ আকান ক ঞুতুমান রাজআরি দল কওয়াঃ ঞুতুম,
যেলেকা - অল ইন্ডিয়া তৃণমূল কংগ্রেস, ভারতীয় জনতা পার্টি, সংযুক্ত মোর্চা দল , (বামফ্রন্ট, কংগ্রেস আর ইন্ডিয়ান সেকুলার ফ্রন্ট) বহুজন সমাজ পার্টি এমান ক।
সানাম লেকান রাজআরি দল গে আকোরিন জুতসুই প্রার্থী ক গটা ঠিক কাতে বিধানসভা ভোট বাছনাও পুড়িয়ৗ রেক সেটের আকানা মানমী তালারে ভোট ঝুলৗ তারেন রে গঃ কাতে। জত গেক লাই এদা আলে গে ভোট এমা লেপে । আলে লে দাড়ে লেনখান আপে নওয়া হানা ..... .এমান তেয়াঃ লে এমা পেয়া। আডি আডি হাপড়াঃ হাপড়াঃ কাথা ক লাই এদা গারজাও আতে হটঃ গুঁগরুদ ধৗবিজ। মেনখান চেদ হুয়ুঃ আ অনা দ অক্ত নৗপিত গে বাডায় ঞামঃ আ।
তবে কি পুছিমবাংলা সানতাড় সমাজ আরু ফেরাও গদঃ আ দারায় কান মঁড়ে সেরমা মুদরে। তামাম সানতাড় সমাজ অকা ডাহারতে লাহা চালাঃ আ। অনা দ জৗনিজ অক্ত গে তেলায় এম আ।
পুছিমবাংলা সানতাড় সমাজ হঁ নিয়ৗ ধাও বিধানসভা বাছনাও রে সেলেদঃ আয় আজাঃ সাংবিধানিক হক আইদৗর লেকাতে ভোট এম তালাতে। ভোট দাড়েগে মারাং দাড়ে নিতকার শশনঃ যুগরে। ভোট দাড়ে গে রাজগদি দাড়ে। বিধানসভা বাছনাও ভোট
2021 খেলন্ড রে যাঁহায় দল গে দাড়েঃ,
দারায় কান মঁড়ে সেরমা রে সানতাড় সমাজ আজাঃ যথাত হক আইদৗর - এ ঞাম আ
?
- সানতাড় সমাজ চেতান রডচ্ কচলন চাবাঃ আ?
- সানতাড় সমাজ রে রেঁগেজ নাচার কমঃ আ?
- সানতাড় সমাজ রেনাঃ শিখনৗত ডাহার জাসতি লাহা চালাঃ আ?
- সানতাড় সমাজ রেনাঃ জুমিদ দাড়ে কেটেজ রুয়ৗড়ঃ আ?
- সানতাড় সমাজ রে হিসৗ
- সুয়ৗ চাবাঃ আ?
- সানতাড় সমাজ রেনাঃ নেয়াম ধরম রুখিয়ৗ তাহেনা?
- সানতাড় সমাজ রে সাঁওতা আরি কেটেজঃ আ?
- সানতাড় সমাজ চেতান ছৗতিক সমাজ রেনাঃ হিরকৗ - সিড়িচ্ রড় চাবাঃ আ?
- সানতাড় সমাজ রেনাঃ তুমদাঃ , টামাক ইদি কাতে ডাহার এনেজ্ চাবাঃ আ?
- সানতাড় সমাজ রেনাঃ আনাট কাথা বিধানসভা বৗখুলরে চারচাঃ আ?
পুছিমবাংলা সানতাড় সমাজ কি নওয়া ক ইদি কাতে বায় ভৗবিতঃ আ? সে যাও যাও দিন করে বিধানসভা বাছনাও চেদ লেকা হুয় ইদি আকানা , অনকা গে নিয়ৗ ধাও হঁ হুয় পারমঃ আ। সানতাড় সমাজ আর তিনৗঃ দিন লুন্ডু লুন্ডু মেৎ আতে রড় বাং বাডায় ক লেকা থিরথার - এ তাহেনা। তুমদাঃ রেনাঃ তাং, টামাক রেনাঃ গুডুম আর রেগড়া রেনাঃ রাড় রাড়াও সাডে তে কি সানতাড় সমাজ বায় এভেনঃ আ? কুকলি রেনাঃ তেলা আশাতে কয়ঃ হররে সারজম সার।
.webp)
