মানতান সাসাপড়াওইচ , আবোওয়াঃ কাথা
সিঁঙ্গিমাহা সাকাম 'চেরেচ আড়াং' তুলৗজখা। লেখা-৩১ । ২৮ মার্চ, ২০২১ ।
তুলৗজখা- শ্রী কা ন্ত স রে ন
১. কুহু
সুবুদিয়া মূর্মূ
মানতান অনলিয়ৗ সুবুদিয়া মূর্মূ ইচ, ' কুহু ' সেতাঃ-আয়ুব এ কুহু আকাৎ রেহঁ মিৎ লুতুরতে বল কাতে আর মিৎ লুতুরতে ওডোক চালাও আকানা। নুই কুহু আয়াঃ কৗমিয় কৗমি আকাৎরেহঁ, আর থড়া নাপায় ঞঃ এ কুহু লেখান- পৗঠুওয়ৗ কওয়াঃ মনেরেহঁ রৗস্কৗ
সাড়ের কঃ আ।
২. উডৗন গাডি
গোপেশ্বর মান্ডি
ছন্দ ঘাঁরঞ্জ খন ওডোক কাতে,মিৎ নাওয়া থুতি অনড়হেঁ এ আড়তি আকাৎবনা মানতান অনলিয়ৗ গোপেশ্বর মান্ডি। অনড়হেঁ রে চটতে উডৗঃ আর দরয়ারে পায়রাঃ লেকান দাড়ে মেনাঃ আ।
৩. জিয়ন জিৎকৗর রেনাঃ
এভেন কুয়লী সরেন
মানতান এভেন কুয়লী সরেন, গিদরৗ কওয়াঃ অনড়হেঁ অল দুড়ুব কাতে- জৗনিচ হিড়িঞ আকাদায় গিদরৗ কওয়াঃ কাথা। গিদরৗ উমেররে জিয়ন জিৎকৗর কাথা, মনে হোয়েনা হামাল আকানা।
৫. অলঃ উমের
সারি ধরম হাঁসদা
মানতান অনলিয়ৗ সারি ধরম হাঁসদা, ' অলঃ উমের ' রে একেন অলঃ কাথাগে জৗসতিয় দিশৗ আকাৎ বনা। অলঃ সাঁওতে আরহঁ যাঁহা করে রৗস্কৗ আর দাড়ে তপা মেনাঃ আ- অনাসেৎদ বায় মেৎ-লুতুর আকাদা। মেনখান অনড়হেঁ রেনাঃ আড়া চিয়ৗ আর ছন্দ বানারগে আডি নাপায়।
৬. জানাম আড়াং
বাড়তাং
সরেন
বাড়তাং সরেন আঃ ' জানাম আড়াং ' কেটেজ সাঁহিচ গে আইকৗউ এনা। আর জানাম আড়াং,আয়ো আড়াং,জানাম পৗরসি অৗড়ৗঃ সোর-সোপোর কানরেহঁ বেওহার দ বাং সোর সোপোরা। যথাত জায়গারে বেওহার লেখান,কেটেজ সাঁহিচ আয়াত গড়হন হোয়োঃ আ মেনতেঞ মনেয়া। মেনখান ' লেড়েস ' অৗড়ৗ দ আডিগে লেড়েস আ।
৭. আয়ুব বেলা
দুগাই টুডু
বেড়া ডুবুজ সাঁও- সাঁওতে থড়া জিয়ৗলী আঃ ( মৗনমী সহ) কৗমি চাবাঃ তাকওয়া আর থড়া কওয়াঃ দ কৗমি এতহবঃ আ। নওয়া কাথাগে পুরুধুল অনড়হিয়ৗ দুগাই টুডু, নাপায় কায়তেয় বাড়ায় হচ আকাৎবনা। বেড়া রাকাব আর ডুবুজ লেকা ছন্দহঁ অনড়হেঁ রে মেনাঃ তায় গেয়া। মেনখান আয়াঃ ' বেলা ' দ ' বেড়া ' লেনখান, সান্তাড়ী পৗরসি মিৎটাং ফুরগৗল অৗড়ৗয় ঞাম কেয়া।
৮. হপন মৗই এ সেন এনা
বাবলু সরেন
মানতান বাবলু সরেন থুতি তালাতে, রপড় লেকানাঃ মিৎটাং নাপায় থুতি অনড়হেঁ এ আড়তি আকাৎবনা। হপন মৗই যাঁহারেগেয় সেন আকানা- অঁডে খনগে নাপায়- নাপায় জিনিসে আগু আকাদা। নওয়া জিনিস কদ, জিয়ন ডাহার রে রেবেৎ বাংখান ঠ্যেমা লেকানাঃ কানা।
৯. ককর
কিস্কিন্ধা মূর্মূ
কিস্কিন্ধা মূর্মূ ইচ ' ককর ' নাপায় রেহয় আর থড়ায় নাপায় লেনখান,গিদরৗ ক বাং বতর কাতে দাড়ে সারসাও কঃ তাকওয়া। আর অনড়হেঁ রে বেওহার আকান মিৎবার অৗড়ৗ কদ,যথাথ বাং আইকৗউ লেনা। যে লেকা: চঁহড় চঁহড়,ডনডহর এমান।
১০. সন্তর
বিভূতিভূষণ সরেন
বিভূতিভূষণ সরেন আঃ ' সন্তর ' দ আডি গে জৗরুড়ৗ। গিদরৗ ক পাড়হাও কাতে ডাহার তাড়াম অক্তে চ্যেঠা ক তাঁহেনা। মেনখান নুই আঃ নওয়া অনড়হেঁ সাও ' ডাহার ' রেনাঃ মেল মেনাঃ আ।
১১. দেবন লাহাঃ
দুলৗড় বিটি
দুলৗড় বিটি আঃ ' দেবন লাহাঃ ' রে পোন্ড রিমিল লেকান সাফা দুলৗড় মেনাঃ আ। নংকান দুলৗড় আতে গে বঙ্গালেকান চুরিত বন গড়হন দাড়েয়াঃ আ।
.webp)
