সিঁগি মাহা রেনাঃ সাকাম ‘চেরেচ্ আড়াং’ লেখা- ২৪

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু,  ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  বাড়তাঙ সরেন, দুগাই টুডু, সনাতন টুডু, গুলন চন্দ্র মুর্মু, সাকম সরেন, তপন হেম্ব্রম ( গসবাহা ),  কিষ্কিন্ধ্যা মুরমু, বিভূতি ভূষণ সরেন ।

 

রিলৗমালা মুরুমু, ক্লাস- IV
জেলা - পুরুলিয়া

 

১।।

ᱢᱩᱨᱩᱫ ᱵᱟᱦᱟ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱢᱩᱨᱩᱫ ᱵᱟᱦᱟ

ᱡᱮᱸᱜᱮᱫ ᱡᱮᱸᱜᱮᱫ

ᱫᱷᱤᱨᱤ ᱰᱩᱸᱝᱨᱤ ᱠᱚᱨᱮ ᱾

ᱠᱤᱥᱱᱤ ᱪᱮᱬᱮ

ᱪᱮᱨᱚ ᱵᱮᱨᱚ

ᱫᱟᱨᱮ ᱰᱟᱹᱨ ᱠᱚᱨᱮ ᱾

ᱥᱮᱛᱟᱜ ᱛᱤᱠᱤᱱ

ᱵᱟᱦᱟ ᱨᱟᱥᱟ

ᱠᱮᱱᱮ  ᱠᱚᱛᱮ ᱪᱮᱯᱮᱡ ᱾

ᱢᱮᱱᱟᱜ ᱠᱚᱜᱮ

ᱠᱷᱤᱞᱰᱩ ᱟᱛᱮ

ᱵᱟᱦᱟ ᱨᱟᱥᱟ ᱨᱮᱯᱮᱡ ᱾

======== ᱛ ========

 ২।।

ᱥᱟᱥᱟᱝ ᱯᱤᱭᱳ

ᱜᱳᱯᱮᱥᱣᱚᱨ  ᱢᱟ.ᱱᱰᱤ,

 

ᱮ ᱯᱤᱭᱳ      ᱥᱟᱥᱟᱝ ᱯᱤᱭᱳ
    ᱟᱞᱚᱢ ᱯᱤᱭᱳ ᱦᱟᱛᱟᱲ,
ᱟᱞᱮ ᱢᱟ.ᱭ     ᱫᱤᱥᱟ. ᱠᱟᱛᱮ
   ᱯᱟᱲᱦᱟᱣ ᱮᱫᱟᱭ ᱞᱮᱛᱟᱲ ᱾

 

ᱚᱞᱚᱜ ᱯᱟᱲᱦᱟᱣ      ᱪᱮᱫ ᱞᱮᱜᱮᱭ
       ᱩᱢᱟ.ᱨ ᱛᱟᱭ ᱦᱩᱭᱩᱜ,
ᱩᱢᱟ.ᱨ ᱟ.ᱣᱨᱤ       ᱦᱩᱭᱩᱜ ᱛᱮᱫᱚ
       ᱵᱟᱯᱞᱟ ᱵᱟᱝ ᱦᱩᱭᱩᱜ ᱾

 

ᱮᱫᱮᱞ ᱵᱟᱦᱟ       ᱰᱟ.ᱨ ᱠᱷᱚᱱᱟᱜ
      ᱩᱰᱟ.ᱣ ᱦᱟᱛᱟᱲ ᱢᱮ,
ᱚᱞᱚᱜ,ᱩᱢᱮᱨ         ᱦᱩᱭ ᱠᱟᱛᱮ
     ᱥᱟ.ᱜᱩᱱ ᱟ.ᱜᱩᱭ ᱢᱮ ᱾

======== ᱛ ========

৩।।

ᱞᱮᱠᱷᱟ ᱪᱮᱢᱮᱫ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

᱑ (ᱢᱤᱫ) ᱒ (ᱵᱟᱨ) ᱓ (ᱯᱮ)

 

ᱱᱚᱝᱠᱟ ᱞᱮᱠᱷᱟᱭ ᱯᱮ ᱾

 

᱔ (ᱯᱳᱱ) ᱕ (ᱢᱚᱬᱮ) ᱖ (ᱛᱩᱨᱩᱭ)

 

ᱟᱨᱦᱚᱸ ᱜᱟᱭᱟᱨ ᱜᱩᱭᱩᱨ ᱾

 

᱗ (ᱮᱭᱟᱭ) ᱘ (ᱤᱨᱟᱹᱞ) ᱙ (ᱟᱨᱮ)

 

ᱞᱮᱠᱷᱟ ᱛᱷᱟᱨᱮ ᱛᱷᱟᱨᱮ ᱾

 

᱑᱐ (ᱜᱮᱞ) ᱢᱤᱫ ᱜᱮᱞ

 

ᱮᱞᱠᱷᱟ ᱨᱮᱱᱟᱜ ᱮᱞ ᱿

 

======== ᱛ ========

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

(...ᱞᱟᱦᱟ ᱠᱷᱚᱱ ᱛᱳᱸᱜᱮ)

' ᱬ' ᱛᱮ ᱜᱟᱵᱟᱱ ᱟ.ᱲᱟ. ᱺ

ᱯᱟ.ᱦᱩᱬ ᱾ ᱦᱟ.ᱬᱩ ᱾ ᱜᱟ.ᱠᱷᱩᱬ ᱾ ᱛᱟ.ᱦᱩᱬ ᱾ ᱥᱩᱭᱩᱬ ᱦᱚᱭ ᱾ ᱥᱩᱬ᱾ ᱫᱩᱬᱫᱟᱬ᱾ ᱜᱩᱦᱩᱬ ᱼᱜᱩᱵᱟ.ᱝ ᱾ ᱵᱷᱟ.ᱬᱩᱡ ᱾ ᱥᱩᱸᱬᱩᱡ ᱾

' ᱬ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱜᱩᱬ ᱫᱚ ᱦᱮᱲᱮᱢ ᱜᱮᱭᱟ ᱾ ᱦᱟ.ᱬᱩ ᱥᱩᱬᱛᱮ ᱫᱟᱜ ᱻᱮ ᱧᱩᱭᱟ ᱾ ᱫᱟ.ᱥᱩ ᱥᱤᱢᱮ ᱯᱟ.ᱦᱩᱬ ᱟᱠᱟᱫᱮᱭᱟ ᱾ ᱥᱩᱭᱩᱬ- ᱥᱩᱭᱩᱬᱮ ᱦᱚᱭ ᱮᱫᱟ ᱾ ᱜᱩᱬᱜᱩᱬ ᱨᱤᱢᱤᱞ ᱥᱟᱰᱮ ᱠᱟᱱᱟ ᱾

' ᱭ ' ᱛᱮ ᱜᱟᱵᱟᱱ ᱟ.ᱲᱟ. :

ᱛᱳᱭᱳ ᱾ ᱫᱟᱭᱟ-ᱢᱟᱭᱟ ᱾ ᱜᱚᱭᱴᱷᱟ ᱾ ᱴᱚᱭᱟ ᱪᱮᱲᱮ ᱾ ᱥᱟᱭ ᱥᱮᱨᱢᱟ ᱾ ᱡᱟᱭᱡᱩᱜ ᱾ ᱱᱟᱭᱟ ᱯᱚᱛᱚᱵ ᱾ ᱵᱚᱭᱦᱟ ᱾ ᱠᱟᱭᱨᱟ ᱾ ᱜᱟᱭᱟᱱ ᱾

' ᱭ ' ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱩᱭᱦᱟ.ᱨ ᱠᱟᱛᱮ ᱠᱟ.ᱢᱤ ᱢᱮ ᱾ ᱥᱩᱭᱛᱮ ᱠᱟᱱᱛᱷᱟ ᱠᱚ ᱨᱚᱜᱻᱟ ᱾ ᱨᱩᱭᱟ.ᱛᱮ ᱫᱟᱲᱮ ᱠᱚᱢᱚᱜᱻᱟ ᱾ ᱮᱭᱟᱭ ᱜᱚᱴᱮᱱ ᱞᱟ.ᱴᱩ ᱫᱚᱨᱭᱟ ᱢᱮᱱᱟᱜ ᱻᱟ ᱾ ᱱᱚᱣᱟ ᱫᱚ ᱨᱟᱭᱵᱟᱨᱟᱜ ᱪᱟᱛᱚᱢ ᱠᱟᱱᱟ ᱾

( ᱛᱳᱸ ᱜᱮᱻᱟ ...)

======== ᱛ ========

৫।।

গাডা আড়ে আড়েতে

বাড়তাঙ সরেন

 

আলে আতো আড়েতে আতুঃকানা গাডা

হাডাক ডাবাক দাঃ হায়রে ঞুতুম অজয় গাডা।

গাডা আড়ে ধুবি ঘাস আডি গে হৗরিয়ৗড়

হুড়ুগেলে লেগেচ লেগেচ গোটা বৗদ্‌ ,বৗইহৗড়।

হান্তে নাতে ঞির বাড়ায় তিনৗঃ মেরম ভেডা

আতিঞাকো মিৎ সাঁওতে সানাম ডাংরা কাডা।

দাঃ জৗপুৎ লৗওকৗ ঢঙ্গা আডি লেগেম লেগেম

কৗশি গেলে দালায় দালায় স দ বাং হেড়েম।

চৈত্ বঙ্গা জিড়িপ জিড়িপ ঞেলঃ গাডা গিতিল 

গিদরৗকো পারম কওয়া মেরম ভিডি বিতকিল।

অকয় কো দ ঝৗলি আতে পুঠি হাকো সাপ

তিরলৗ কো দ তুপু কাতে মিৎতেকো রাকাপ।

হাণ্ডে নাডে  দাঃ সেরালী দাঃরেকো উয়ুং

সাপ তরা হাকোয় জমে বায় লাগাওয়া বুলুং ।

গাডা আড়ে  চাষী হড় নাহেল কো লাগায়া

গাডা দাঃ দুনী কাতেঃ খেত রেকো লাগাওয়া। 

 গুহুম তুড়ি লেগেজ লেগেজ হৗসগেকো আরজাও।

চাঁদো চাঁদো উতু তেয়াঃ  মজগেকো সামটাও।

সুর সুপুর আতো হড়াঃ বৗনুঃ রেঙ্গেজ জ্বালা

রৗস্কৗ আতে সানাম হড় আডি রিলৗমালা।

======== ᱛ ========

৬।।

জৗনুম

দুগাই টুডু

 

গাজাড় করে দারে আকান
আয়মা জৗনুম দারে,
রেয়ার রাবাং দিনরে জত
কাঁয়ডেয় বেলে দরে।

গিদরৗ আলে সেটের গদঃ
দারে ডৗরকো লাতার,
আডি গেচো চাপাদ আনগে
সানাম কতে নেতার।

অনে আদ ঞুরহৗ এনগে
লুসু পুনডু অতরে,
গিদরৗ কোদ হালাং উনরে
হাকো পাকোয় গদরে।

সেতাঃ তিকিন সিঁগৗড় বেলা
হানে তারাচ তুরুচ,
ডাটা তেলে হাডাপ বাড়ায়
মাঁদা সারাচ সুরুচ।

অকা জোখান বেজায় খুগৗ
জমতে বেলে জৗনুম,
কটেচ কাতে মেসাল গেদ
বুলুং মৗরিচ সুনুম।

======== ᱛ ========

৭।।

মকর হাড়াম

সনাতন টুডু

 

মকর হাড়াম মাকার মুকুর
মুগৗর পাঁজা বাডায়,
হলাঃ খনা অকয় কচ
আঁক টৗটিক বাডায়।

মকর হাড়াম বাগান আকাদ
বেঁগাড় মুলৗ মৗরিচ্‌,
বওয়াঃ রুডৗয় রাজ আকান
বেঁগাড় বাড়গে রিনিচ।

হলা ঞিঁদৗ  আতু কড়া
আঁক টাটিক রাড়ায়।
মকর হাড়াম তেহেঞ ঞিঁদৗ  
মুগৗর আতেয় দাঁড়ায়।

======== ᱛ ========

৮।।

"আলে চুনু হপন্ বাবু"

গুলন চন্দ্র মুর্মু

আলে চুনু হপন্ বাবু,ঞেলতে আডি লুগুপুগু

আদর কাতেঞ হহ আয়া এয়া বাবু পাগলু।।

সিমিচ্ গুরিচ্ বায় হিরখৗঃ,বানার তিতে সিপি,

রৗগিতিঞ ইপিল আয়খান্ বানার মেৎ এ রিপ্ রিপি।

কারহা লেকা লুটি বিডুঁচ, কিকির লেকায় গুল্

দূলৗড় কাতেঞ চেরেজ্ গদে,আলে বাবু আদ

তি স্ গে বায় ভূল্।  ।

কাডাঃ খনে হারায়েনা কুলহি ধুড়ি ঞির কেটেজ্,

সিপাহী লেকায় সাজ্ গদঃ আ,বাঁদুক দ তায় কাডেজ্।।

দকান দকান খেলোঃ রেদ সামান গেতায় ধিরি গুটি,

দাকা উতুয় খেলোঃরেদ ধিরি হঁ তায় জিলকুটি ।।

গাঁড দ তায় রেল গাডি,লৗঠি দয় বাইক,

বুড়হৗ কৗটুপ ঠেপো আতেৎ আয় বাবা কিন্ লাইক্।।

======== ᱛ ========

৯।।

"গুতু গালাং মেনকাথা - ভেনতা কাথা "

সাকম সরেন 

 

"দাঃ " দ --------"রটে মাড়ম "
নোওয়া চেতান মৗনমি জনম। 

"সেঁগেল "---------"আরাঃ সাদম "
জুঁডিতে ল তরজঃ সানাম। 

"বুলুং "----------"সিম ইতিল "
বেগর নোওয়া উতু বাং সেবেল। 

"তোয়ো দেরেঞ "------"মারিচ্ "
জমরে ঝাঝাল আডিচ্। 

"চটা "-------   - "ঢিপচুই চুপি "
চাল্ আকোরে পেড়া আডি কুসি। 

"পোঁড্ পুখরি দাঃ "-----"হাঁডি "
ঞু লেখান বুবুল আডি। 

"হাঁতি বেলে "--------"টামাক্ "
এনেচ্ আখড়ায় জমক্। 

======== ᱛ ========

১০।।

মড়ে গটাং গিদরৗ বৗউলি

তপন হেম্ব্রম ( গসবাহা )

 

১.  অলঃ আকিল জ্ঞান বৗতি 
        জেরেৎ মেসে লাহা।
লায় লাকচার এনেচ্ সেরেঞ 
চারচাও আবন, আখড়া তালা ।।

২. গেচ্ গূরিচ ছঁচ ছোড়া 
      আডি নাপায় অড়াঃ দুয়ৗর ।
সুলুক সৗগৗই ঘারঞ্জ তালারে 
         বঁঙ্গা বুরু ক উডুক বলন ।।

৩. মিয়ূং মিয়ূং ঢূলৗ পুসি - 
        দিনৗম আলে অড়াঃ এম হিরি ।
গূডু চুটয়ৗ ক গুড গুডৗঃ কান 
  মাসে আমদ, অকারেচ এহের জিকি ।।

৪.  সিবিল সড়ম রড় জংগে -
        সুলুক সৗগৗই তাঁহেন ।
মানাও গুনৗও জত কগে 
        মৗন ব, লাহায় তাবন ।।

৫. মানা বাচক জত কগে - 
       বাংবন এতম সারি কাথা ।
উকু কুমড়ু অৗগু আতকির 
        মৗন দ বাচং তাঁহেন ।।

======== ᱛ ========

 ১১।।

মুচ্

কিস্কিন্ধ্যা মুরমু   

জেলেঞ জেলেঞ তঁঙ্গে       
তাঁহেন মিৎতে গাদেল সাঁঙ্গে ;              উরুসুরু কৗমি  গাতে গাতে                 জমাঃ পাঁজায় টুংডৗং পানতে ।

ভিৎ পিনডৗ টৗনডি ক'রে

হানতে নাতে হারে ফারে  ;
দুড়ুব তিগুন জাদঃ লেরে          
 ডুবুঃ আতে গেগেরে ।

স সিবিল গুড় হেড়েম
ঞাম গদা চুকু খন'হঁ
দুরুম  থুপরুয়  অনা হঁ  ।
উকু এসেৎ দহয় রেম ;

হয় ললঃ তি'রেয় জৗড়ি
বুজঞাম লগন ঘৗড়ি ;
বিলি দাকা দক আৎকির                  
ভূগৗঃ লাতার ভিতির  ।

মারে হড়মরে ইল্ অমনঃ
উডৗউ বাড়ায় তেম মগনঃ ;
 জুলুঃ বৗতি জুলুঃ সেঙ্গেল
 আতার গুজু টেঁগেল মেগেল ।

======== ᱛ ========

১২।। 

নাচার গিদৗর  

বিভূতি ভূষণ সরেন 

 

সানাম সেনতে    আনাট ঘারঞ্জ 
       বাচুঃ তায়া পুঁথি, 
অড়ারে জমাঃ   বানুঃ খৗতির 
     বাবুদ মেনায় গুতি। 

কিষাড় গিদরাঃ   পাড়হাও ঠামঠাম 
     গুতি গিদৗরে আতেন, 
সানাম কৗমি   সামটাও কাতে 
     সুর রেগেয় তাঁহেন। 

সুর সুপুর     তাঁহে  তাঁহেতে 
      ঢেরগে সেড়া কেদায়,
নাপায় গিদৗর    নাপায় গাতে 
      আমহঁম হুয়ু নাপায়। 

মিৎ  রুতি    আঁজম তেগে 
      পালটাও এনতায় আচার, 
অড়াঃরে জমাঃ    বৗনুঃ রেঁহ 
      বাংএ বুঝৗও নাচার। 

 

কৗমি কাতে    আসুলঃ হুয়ু 
      মলংরে   মেনাঃ লিখন,
অকয়হঁ বাংএ   দৗয়ি কওয়া 
    সিরজনিয়ৗয়াঃ গেত গড়ন।

 

************* মুচৗৎ *************