আবোওয়া ওয়েব পেজ- তেহেঞ ৭ ফেব্রুয়ারী কোলকাতা মাহানাগাররে ‘সারি ধরম’ মারাং জমেলায়। নোওয়া জমেলায়রে পুরুলিয়া, বাঁকুড়া জিলৗ করে খন হাজার হাজার হড় সেলেদঃ রেনাঃ কাথা তাঁহেকানা। হলা সিঁগৗড় ৪ বাজা খন পুরুলিয়া, বাঁকুড়া জিলৗ রেন হড় বাস হিজুঃ কয়ঃ হররেকো তাঁহেকানা। মেনখান ঞিদৗ ১১ বাজা তেহঁ বাস বাং সেটের লেনা। বাডায় আকানা বাংমা পনৎ রেনাঃ পরিবহন দপ্তর খন লৗক্তি সুমুং বাস ঞামঃ আ। অনালেকাতে ১৭ গটাং সংগঠন রেন কৗমিয়া কঁহ বাস সৗহিজুহি কৗমিরেকো আঁড়গ লেনা। মেনখান সানাম লেকান কৗমি পুরৗও আর সৗত সাপড়াও কাতেহঁ কোলকাতা মাহানাগার ‘সারি ধরম’ মারাং জমেলায়রে বাংকো সেলেদ্ দাড়েয়াৎ তে আয়মা হড় আড়িশ, কাঁহিশ,বেজার কো সদর আকাদা। তবে নোওয়া রে চেৎ চক্রান্ত হোয় এনা ? -অনাগে হড়াঃ মনেরে বৗড়তি কায়তে গুরলৗ কানা। আর নোওয়ারেনাঃ বদলা চেৎ লেকাতেকো হাতাওয়া অনা লৗগিৎ হঁ উইহৗর কো ছুটৗও গৎ আকানা।
নতে ভারত জাকাত মাঝি পারগানা মহল পুরুলিয়া জেলা
পারগানা বাবা মানতান রতন লাল হাঁসদা গোমকে ঞিদৗ ভিতৗর তেগে সানাম দিশুওয়ৗয় বাডায় অচো
আকাৎ কোওয়া বাংমা নংকান আবস্থারে জেলা খন কোলকাতা ‘সারি ধরম’ মারাং জমেলায় রে বাংকো
সেলেদ্ দাড়েয়াঃ কানা। অনা খৗতির সানাম দিশুওয়ৗ ঠেন ইকৗ হঁয় সদর তরা আকাদা। অজেদ ঠৗওকৗ
বাং বাডায় আকান রেহঁ খঁজ তলাশ চালাঃ কানা। নতে ভারত জাকাত মাঝি পারগানা যুওয়ৗন মহল
পুরুলিয়া জেলা সভাপতি মানতান রাজেন টুডু গোমকেহঁ অনা কাথাগেয় সদর আকাদা। মানতান টুডু
গোমকে লৗই তরা কেদা- মিৎ ধাও সৗত সাপড়াও হড় অড়াঃ এ বল লেনখান দহড়া অডক দ মুশকিল গেয়া।
চেদাঃসে হড়াঃ পাহটা হঁ ঞেল হোয়োঃ আ।
তেহেঞ ৭ ফেব্রুয়ারী সেতাঃ বেড়া খনগে দিশুওয়ৗকো
ডাহার জাঁগে দারাম কো এহব গৎ আকাদা। নোওয়া কোলকাতা মাহানাগার ‘সারি ধরম’ মারাং জমেলায়রে
চালাঃ বানচাল লৗগিৎ পনৎ সরকাররেন পরিবহন দপ্তর গেকো দায়ীয়ে কানা মেনতে নিৎ ধৗবিচ্
বাডায় ঞামঃ কানা। অনাতে পনৎ সরকার ঠেন নোওয়া রেনাঃ জবাব হঁক খজ এদা তামাম দিশুওয়ৗকো।