আবোওয়াঃ ওয়েব পেজ- আডি দিন তায়ম বাং বাংতে অনড়হিয়ৗ সারদা প্রসাদ কিস্কু উনুউহৗর শিরপৗ চৗলু রুওয়ৗড় এনা। তবে অনাহঁ পশ্চিমবঙ্গ সানতালি অ্যাকাডেমি জৗপিৎ খন কো উটকৗও বেরেৎ কেদে লেকাকো আটকার কেদা আয়মা সাঁওহেৎ দরদিয়ৗকো। চেদাঃ বাংমা বাডায় আকানা সোশ্যাল মিডিয়া খন এহব কাতে সানতাড়ি খবর পাথাম, বাংলা খবর পাথাম এমন চেৎ সাঁওহেদ দরদিয়ৗ কোওয়া লাসের কলম ডগ রেনাঃ খঁচা তেগে সরকার এমঃ তে বাধ্যয়েনা মেনতেহঁ আয়মা হড়গে কাথাকো রাকাপ্ গৎ আকাদা। চেদাঃ সে ২০১৭ সাল খন ২০২১ সাল ধৗবিচ্ রেনাঃ অনড়হিয়ৗ সারদা প্রসাদ কিস্কু উনুউহৗর শিরপৗ ঞুর গিডিগে মেনাঃ আকাদা। অনারে ২০১৭-১৮ সেশন রেনাঃ মেনেৎ ২০১৭ সাল রেনাঃ শিরপৗ এম লৗগিদঃ কানায় পশ্চিমবঙ্গ সানতালি অ্যাকাডেমি দারায় কান ১৩ ফেব্রুয়ারী,২০২১ পুরুলিয়া জিলৗ বোরো থানা রেনাঃ জামতোড়িয়া কমিউনিটি হল রে। আর নোওয়া শিরপৗ দয় আতাং এদা মানতান সমাই চন্দ্র কিস্কু গোমকে।
আডি আয়মা হড়াঃ মচা রেগে কাথা রাকাপ্ কানা অনড়হিয়ৗ সারদা প্রসাদ কিস্কু উনুউহৗর শিরপৗ লৗইতে নুনৗ টালবাহনা চেদাঃ ? অনাবেগর নোওয়াহঁ আঁজমঃ কানা বাংমা নোওয়া শিরপৗ এমঃ লৗগিৎ নুনৗ তোষামোদ দ চেদাঃ ? তবে চেৎ সরকারাঃ এমঃ রেনাঃ সদিচ্ছা বৗনুঃ তায়া ? কুকলি তাঁহেন কান গেয়া। আরহঁ পে-পে গটাং শিরপৗ নিতহঁ এমঃ বাকি গে তাঁহেয়েনা অনা লৗগিৎ হঁ হাপেন তিনৗ দিন কয়ঃরে তাঁহে হোয়োঃ আ অকয় বাডায়- নংকাগে সাঁওহেদিয়ৗ কোরেন মিৎ হৗটিঞ দক রড়েৎ গেয়া।
.webp)
.webp)
