আবোওয়াঃ ওয়েব পেজ- কোভিড-১৯ খৗতির নেশদ যাও সেরমা লেকা অনলিয়ৗ হেলমেলদ বাং হোয় লেনা। তবে ওয়েবনার তালাতে আডি নাপায়তেগে ভারত জাকাত সানতাড়ি অনলিয়ৗ গাঁওতা ( পছিম বাংলা চাঁগা) আঃ কনফারেন্স হুয় পারমেনা মেনতে বাডায় ঞাম এনা। নোওয়া কনফারেন্স ৪,৫,৬, আর ৮ ফেব্রুয়ারী, পোন মাহারে পেয়া সেশনতে হৗটিঞ তাঁহেকানা।
পেড়া লেকাতে সেটের কো তাঁহেকানা মানতান মদন মোহন
সরেন (কনভেনর, সানতালি এডভাইজৗরি বোর্ড, সাহিত্য একাডেমি, নিউ দিল্লী), চন্ডীচরণ কিস্কু
( প্রেসিডেন্ট, AISWA), গনেশ ঠাকুর হাঁসদা, জেনারেল সেক্রেটারী, AISWA)।
দসার মাহা অনড়হিঁয়ৗ হেলমেল রে আডি আয়মা সাঁগে অনড়হিঁয়ৗকো
সেলেদ কাতে আকোওয়া অনল অনড়হেঁ কো অড়হেঁ আকাদা। নোওয়া আখড়ারে সভা গোমকে লেকাতে তাঁহেকানায়
মানতান ডঃ বাবুলাল টুডু। তেসার মাহারে সানতাড়ি ড্রামা সে গায়ান চেতান রে গালচ কিন দহ
লেদা মানতান শিবু সরেন আর গৌউরচন্দ্র মুরমু। নোওয়া আখড়ারে সভাগোমকে লেকাতে সেটের এ
তাঁহেকানা ঞুতুমান গায়ান অনলিয়ৗ মানতান খেরওয়াল সরেন।
মুচৗৎ মাহারে তাঁহেকানা অনলিয়ৗ গাঁওতা আঃ বৗছরি
জেনারেল মিটিং। নোওয়া আখড়ারেন সভাগোমকে দয় তাঁহেকানা মানতান টি.সি. বাস্কে।
মিদুন রে নোওয়া চালাঃ কান সেরমা লৗগিৎ আয়মা কৗমি
হরা গাঁওতা পাহটা খন হাতাও হোয় আকানা মেনতে গাঁওতা সভাপতি মানতান টি.সি. বাস্কে আর
সেক্রেটারী মানতান দ্বিজপদ হাঁসদা গোমকে তিকিন আবোরেন খবরিয়ৗ কিন বাডায় অচো আকাদেয়া।
অনাকো মুদরে ঞুমানাঃ হোয়োঃ কানা- ১) কোলকাতা ইউনিভার্সিটি, নর্থ বেঙ্গল ইউনিভার্সিটি,
আসানসোল কাজী নজরুল ইসলাম ইউনিভার্সিটি, গৌড়বঙ্গ এমান ইউনিভার্সিটি করে সানতালি ডিপার্টমেন্ট
ঝিচ্ অচোয় হোয়োঃ আ। ২) টি.ভি. চ্যানেল রে সান্তাড়িতে দিনৗম হিলোঃ রেনাঃ আখড়া সাপড়াও
অঃ মা। ৩) আকাশবানী রেডিও সেন্টাররে সান্তাড়িতে পে ঘন্টা রেনাঃ আখড়া সাপড়াও অঃ মা।
৪) সানতাড়ি ডোমিনেট এলাকা করে সানাম ইস্কুল, কলেজ রে সানতাড়ি পৗরশিতে অলঃ পাড়হাও চৗলু
অচোয় রেনাঃ দাবী। ৫) মেদিনীপুর অটোনোমাস ডে-কলেজ রে সানতালি ডিপার্টমেন্ট ঝিচ্ অচোয়
হোয়োঃ রেনাঃ দাবী, ৬) যাঁহায় অনলিয়ৗ কোওয়াঃ অনল পুঁথি লেতাড়গে উছৗনঃ কানা উনকু কো যাতে
রয়্যালিটি কো ঞাম অনা রেনাঃ সরকারী বন্দেজ হোয়োঃ মা।
নোওয়াকো দাবী-দাওয়া লৗইতে গাঁওতা পাহটা খন আডি
উসৗরাগে কৗমিহরা এহবঃআ মেনতেহঁ বাডায় আকানা।
.webp)
.webp)
