আবোওয়াঃ ওয়েব পেজ- অ-আদিবাসী কো যাঁহালেকা কাতে এস.টি. সার্টিফিকেট জোগাড় কাতে আয়মা জায়গারে চাকরি আর ইস্কুল, কলেজ রেনাঃ এডমিশন করে চেৎ জিরৗও গে বৗনুঃ আন। নে-হালেগে কলকাতা মিউনিসিপালিটি সাঁওতে নানাহুনৗর চাকরি লৗগিৎ আর আয়মা বিশ্ববিদ্যালয় রেনাঃ গোলমাল নজররে হিজুঃ কানা মেনতে অভিযোগ এ আগুওয়াকাদা অ্যাসসিয়েশন। কিছুদিন মাড়াং পুরুলিয়া রেনাঃ বান্দোয়ান রে দুয়ারে সরকার প্রকল্প তালাতে যাঁহা জাতি ওনোরোম ফর্ম অনারে ফাঁকা জায়গা তাঁহে কাতেৎ হঁ আপিসার কোওয়াঃ সুহি আর স্ট্যাম্প সাঁওতে ছুবি ঞেল ঞাম আকানা মেনতেহঁ অ্যাসোসিয়েসন অভিযোগ এ আগুওয়াকাদা।
দুয়ারে সরকার হোয়োঃ আর সরকারাঃ যাঁহালেকান প্রকল্প গে হোয় অচোওয়ান সরকার যাতে এস.টি. সার্টিফিকেট এম জখেচ্ আরহঁ সন্তর আর দায়িত্ব কাতে কৗমি মায় অনা ইদিকাতে ওয়েস্টবেঙ্গল সিডিউল্ড ট্রাইব ওয়েল ফেয়ার অ্যাসোসিয়েশন হিজুঃ কান ২৯ জানুয়ারি পুরুলিয়া রেনাঃ মানবাজার এস.ডি.ও. ঠেন ডেপুটেশন এমঃ এ চালাঃ কানা।
বাডায় আকানা ইনৗ হিলোঃ বারো বাজা খন ডাহার তাড়াম আর মিছিল তালাতে বাস স্ট্যান্ড খন কিষাণ মান্ডি লেকাতে এস.ডি.ও. ঠেন চালা আকো আদিবাসী হড়। পুরুলিয়া জেলা রেন সানাম থক রেন হড় নোওয়ারেকো সেলেদঃআ মেনতে অ্যাসোসিয়েসন আবোরেন খবরিয়ৗয় বাডায় অচো আকাদেয়া।
.webp)
.webp)
