সিঁগি মাহা রেনাঃ সাকাম ‘চেরেচ্ আড়াং’ লেখা- ২২

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু,  ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সাকম সরেন বাড়তাঙ সরেন, দুগাই টুডু, বিভূতি ভূষণ সরেন , সনাতন টুডু, বাবলু সরেন, কিষ্কিন্ধ্যা মুরমু, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

 ১।।

ᱟᱞᱮ ᱟᱛᱳ ᱠᱟᱛᱩ

      ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱟᱞᱮ ᱟᱛᱳ ᱠᱟᱛᱩ
ᱤᱥᱤᱱᱟᱭ ᱥᱤᱵᱤᱞ ᱩᱛᱩ ᱾
ᱟᱡ ᱜᱮᱭ ᱡᱚᱢ ᱪᱟᱵᱟᱭᱟ
ᱵᱟᱭ ᱮᱢᱟ ᱠᱚᱣᱟ ᱠᱩᱛᱩ ᱾

ᱠᱟᱨᱤ  ᱵᱷᱩᱞᱤᱭ ᱫᱟᱫᱨᱟᱹᱣ
ᱜᱮᱭᱟ ᱵᱟᱭ ᱟᱸᱡᱚᱢᱟ ᱢᱟᱱᱟ ᱾
ᱦᱟᱲᱟᱢ ᱥᱮᱛᱟ ᱞᱟᱠᱩᱭ ᱯᱟᱠᱩᱭ
ᱞᱟᱹᱭᱟᱭ ᱟᱹᱰᱤ ᱡᱚᱡᱚᱢ ᱥᱟᱱᱟ ᱾

=========== ᱛ =========

২।।

ᱟᱞᱮ ᱟᱛᱳ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱮᱛᱚᱢ ᱠᱚᱧᱮ
ᱠᱩᱞᱦᱤ ᱛᱟᱞᱮ
ᱯᱟᱪᱷᱮ ᱡᱟᱦᱮᱨ ᱜᱟᱲ,
ᱠᱟᱲᱵᱟ ᱠᱩᱞᱦᱤ
ᱢᱩᱪᱟ.ᱫ ᱨᱮᱜᱮ
ᱢᱮᱱᱟᱜ ᱵᱤᱨᱫᱟ. ᱜᱟᱲ ᱾

 

ᱥᱟᱢᱟᱝ ᱥᱮᱡ
ᱨᱟ.ᱥᱠᱟ. ᱵᱟᱜᱟᱱ
ᱯᱟᱪᱷᱮ ᱪᱩᱲᱠᱤ ᱰᱩᱸᱜᱽᱨᱤ,
ᱠᱚᱧᱮ ᱥᱮᱡ
ᱞᱮᱫᱟᱰᱤ ᱵᱤᱨ
ᱟ.ᱛᱤᱧ ᱟᱠᱚ ᱰᱟᱺᱜᱽᱨᱤ ᱾

 

ᱵᱤᱨ,ᱰᱩᱸᱜᱽᱨᱤ
ᱦᱟ.ᱲᱭᱟ.ᱨ ᱫᱟᱨᱮ 
ᱟᱛᱳᱭ ᱥᱟᱡᱟᱣ ᱟᱠᱟᱫ,
ᱛᱟᱞᱟ ᱠᱩᱞᱦᱤ
ᱢᱟ.ᱡᱷᱤ ᱛᱷᱟᱱ
ᱟᱛᱳᱭ ᱥᱚᱵᱷᱟᱣ ᱟᱠᱟᱫ ᱾

ᱪᱮᱬᱮ ᱠᱚᱣᱟᱜ
ᱨᱟᱜ ᱦᱚᱢᱚᱨ
ᱟᱛᱳᱭ ᱟᱸᱫᱳᱲ ᱠᱟᱜᱼᱟ,
ᱵᱟᱦᱟ ᱥᱚᱦᱨᱟᱭ
ᱮᱱᱮᱪ ᱥᱮᱨᱮᱧ
ᱨᱟ.ᱥᱠᱟ. ᱪᱟᱯᱮ ᱠᱚᱜᱼᱟ ᱾

=========== ᱛ =========

 ৩।।

ᱤᱧᱨᱮᱱ ᱟᱭᱳ ᱵᱟᱵᱟ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱤᱧ ᱟᱭᱳ ᱤᱧ ᱟᱭᱳ
ᱟᱹᱰᱤ ᱱᱟᱯᱟᱭᱟᱭ ᱾
ᱤᱧ ᱵᱟᱵᱟ ᱤᱧ ᱵᱟᱵᱟ
ᱟᱹᱰᱤ ᱵᱷᱟᱜᱮᱭᱟᱭ ᱿

 

ᱤᱧ ᱟᱭᱳ ᱫᱚᱭ ᱮᱢᱟ ᱤᱧᱟ
ᱛᱳᱣᱟ ᱫᱟᱠᱟ ᱠᱚ ᱾
ᱤᱧ ᱵᱟᱵᱟ ᱫᱚᱭ ᱞᱟᱹᱭ ᱤᱧᱟ
ᱚᱞᱚᱜ ᱯᱚᱲᱦᱚᱱ ᱠᱚ ᱿

 

ᱤᱧ ᱟᱭᱳ ᱤᱧ ᱵᱟᱵᱟ
ᱟᱹᱰᱤ ᱠᱤᱱ ᱫᱩᱞᱟᱹᱲ ᱤᱧᱟ ᱾
ᱚᱞᱚᱜ ᱯᱟᱲᱦᱟᱣ ᱥᱮᱬᱟ ᱠᱟᱛᱮᱧ
ᱠᱩᱥᱤ ᱦᱚᱪᱚ ᱠᱤᱱᱟ ᱿

=========== ᱛ =========

 

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

     ᱥᱨᱤᱠᱟᱱᱛᱚ ᱥᱚᱨᱮᱱ

         (ᱞᱟᱦᱟᱠᱷᱚᱱ ᱛᱳᱸᱜᱮ)

' ᱧ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱧᱮᱸᱞᱮ᱾ ᱧᱟᱸᱯᱟᱢ᱾ ᱧᱤᱸᱫᱤᱨ᱾ ᱧᱩᱸᱛ᱾ ᱧᱟᱸᱞᱟᱛ᱾ ᱧᱤᱸᱫᱟ.᱾ ᱧᱩᱸᱨᱦᱟ.᱾ ᱧᱤᱨ᱾ᱧᱟᱸᱛᱭᱟ᱾ ᱧᱮᱸᱞ ᱾

' ᱧ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱧᱤᱸᱥᱤᱨ ᱫᱚ ᱦᱟᱥᱟᱨᱮᱡᱚ ᱛᱟᱸᱦᱮᱱᱟ᱾ ᱧᱤᱸᱫᱟ ᱫᱚ ᱦᱚᱲ ᱠᱚ ᱡᱟ.ᱯᱤᱫᱟ᱾ ᱧᱮᱸᱞ ᱼᱧᱮᱸᱞᱛᱮ ᱵᱮᱲᱟᱭ ᱰᱩᱵᱩᱡ ᱮᱱᱟ᱾ ᱟ.ᱰᱤ ᱥᱟ.ᱜᱤᱧ ᱫᱚ ᱧᱟᱸᱞᱟᱛᱼ ᱧᱟᱸᱞᱟᱛ ᱧᱮᱸᱞᱚᱜᱻᱟ᱾ ᱢᱟᱛᱠᱚᱢ ᱧᱩᱨ ᱟᱠᱟᱱᱟ᱾

' ᱨ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱨᱟᱦᱟ᱾ ᱨᱟᱥᱮ᱾ ᱨᱚᱦᱚᱲ᱾ ᱛᱟᱯᱟᱢ᱾ ᱨᱚᱛᱷᱜᱟ.ᱰᱤ᱾ ᱨᱚᱴᱮ᱾ ᱨᱟ.ᱯᱩᱛ᱾ ᱨᱟ.ᱥᱠᱟ. ᱾ ᱨᱤᱫᱽᱵᱤᱫᱽ ᱾ ᱨᱟ.ᱥᱤ ᱟᱛᱳ᱾

' ᱨ 'ᱛᱮ ᱜᱟᱵᱟᱱ ᱟ.ᱭᱟ‌.ᱛᱺ

ᱨᱤᱢᱤᱞᱨᱮ ᱫᱟᱜ ᱢᱮᱱᱟᱜ ᱻᱟ᱾ ᱵᱟᱱᱟᱢ ᱥᱟᱳ ᱨᱟᱦᱟ ᱡᱚᱲᱢᱮ᱾ ᱨᱮᱦᱮᱫ ᱠᱷᱚᱱ ᱜᱮ ᱨᱟᱱ ᱦᱳᱭᱳᱜ ᱻᱟ᱾ ᱨᱩᱭᱟ. ᱠᱮᱱᱠᱷᱟᱱᱮᱢ ᱦᱟᱥᱯᱟᱞ ᱪᱟᱞᱟᱜ ᱻᱢᱮ᱾ ᱨᱩᱸᱰᱟ‌ ᱫᱚ ᱥᱤᱢ ᱠᱚ ᱡᱚᱢ ᱠᱚᱭᱟ᱾

' ᱩ ' ᱛᱮ ᱜᱟᱵᱟᱱ ᱥᱟᱵᱟᱫ᱾

ᱩᱥᱟ.ᱛ ᱾ ᱩᱫᱩᱨ᱾ ᱩᱛᱩ᱾

ᱩᱰᱷᱟ.ᱶ ᱟᱠᱷᱲᱟ᱾ ᱩᱛᱱᱟ.ᱶ ᱾ ᱩᱯᱨᱩᱢ᱾ ᱩᱢ ᱼᱱᱟᱲᱠᱟ ᱾  ᱩᱨᱽ᱾ ᱩᱯᱤ᱾  ᱩᱯᱟ‌.ᱞ ᱾

' ᱩ 'ᱛᱮ ᱜᱟᱵᱟᱱ ᱟ.ᱭᱟ.ᱛ᱾

ᱩᱥᱩᱞ ᱫᱟᱨᱮ᱾ ᱩᱫᱽᱢᱟ. ᱦᱚᱲ᱾ ᱩᱫᱩᱜ ᱠᱟ.ᱴᱩᱵᱽ᱾ ᱠᱟᱱᱢᱷᱟᱲ ᱫᱟᱨᱮ ᱩᱢᱩᱞ᱾ ᱩᱥᱩᱞ ᱵᱩᱨᱩᱥᱮᱫ ᱠᱚᱭᱚᱜ ᱢᱮ᱾ ᱟᱢᱟᱜ ᱩᱢᱮᱨ ᱛᱤᱱᱟ.ᱜ? ᱟ‌.ᱰᱤ ᱩᱥᱩᱞ ᱨᱮ ᱨᱤᱢᱤᱞ ᱢᱮᱱᱟᱜ ᱻᱟ᱾

(ᱛᱳᱸᱜᱮᱻᱟ...)

=========== ᱛ =========

 ৫।। 

হপন বিটিয়াঃ রাবাং বৗনুঃ

      সাকম সরেন 

 

বেড়া আহলা বাং ঞেলঃ 
সারা দিনগে জিলপুৎ, 
হয়এৎ কানে সুয়ুড় সুয়ুড় 
রাবাং কানা লুকুৎ লুকুৎ। 

 

গড়ম বুডহি সারাঘৗড়ি 
চুলহৗ বুটৗরে অবর, 
রাবাং মাত বাংগে সাহাঃ 
আঙরা সেঙ্গেলে হটর। 

 

সিম বুসৗঃ চিঁয়ৗপ্ চিঁয়ৗপ্ 
এঙ্গাৎ হবরকো পাঁজায়,
হপন বিটিয়াঃ রাবাং বৗনুঃ 
খৗলিয় খেল বাড়ায়।

 =========== ᱛ =========

 

 ৬।।

গোডেৎ হাড়াম গড়মকুড়ি

  বাড়তাঙ সরেন   

 

গোডেৎ হাড়াম গড়ম কুড়ি
               খৗলিয় রাঃ রদনা 
তোওয়া দাকা এমায়লেরে
               জমগে বায় রেবেনা।

 

কুলহি ধুড়ি গিতিল কোরে
            সেতাঃ খন গাতেঃ আয়
গড়ম হাড়াম এগের লেরে
               উসৗৎ তেয় বলো বায়।

সেতা পুশি গাতে ভালা
             চঃ চেরেচ আকোয়ায়
উসুল পিঁডৗ কোরে সানাম
            অল্ সেঁড়া আকোয়ায়।

 

সেতাঃ তিকিন সারা ঘৗড়ি
                 তিনৗঃ এ লহকা 
হানা নাওয়া কৗমি কোরে
                   আডিগেয় জঁহঁকা।

 

তোওয়া দারে হহয় লেরে
               গিতিচ বাং সানায়ে
লাঙ্গা জালা আঙ্গপ্ বাড়া
                  জৗপিৎ গে সানায়ে।

=========== ᱛ =========

৭।।

দাকা উতু

    দুগাই টুডু

 

অলঃ পাড়হাঃ সেঁড়া এদা
ইঞগে হপন বিটি,
জানাম আড়াং তেদ রড়া
হড়কো লৗইগে খাঁটি।

 

অড়াঃ কৗমি ধুরৗও গদঃ
ঘাসাও আইঠৗ থৗরি,
মাজাও গেদ টুকুচ্‌ চেলাং
আরহঁ ললৗইহা পৗরি।

দাকা ইসিন চেদাঃ আদ
নাপায় সাঁহিচ্‌ ভালা,
রংছং উতু লেগায় মেদ
গগয় মেনগে দেলা।

 

দাকা উতু বাডায় আনা
একাল মঁজগে অনা,
হিজুঃ মাহা ভাকরা লৗগিৎ
ভাগে উইহৗর কানা।

=========== ᱛ =========

 ৮।। 

আসুল সেতা 

     বিভূতি ভূষণ সরেন 

 

সরেন করেন      আসুল সেতা 
       ঞেলতে কালঃ বালঃ 
সেতাঃ-সিঙৗড়    দাঃ মৗড়িচ্ 
       ঞুয়ৗয় ছালঃ ছালঃ। 

জমাঃ বাং       এমায় রেদ 
      বুরুম গেয় তাহেন, 
হহ আয় রেঁহ      বায় লাড়াঃ 
      বতরগে ঞেল লেখান। 

 

সিঞ বেড়াদ    কালাং ডলাং 
          দাড়ান গটা রাচা ,
এটাঃ আড়াং     আঁজম লেরে 
          ভুগ গেয়ায় বাছা। 

হপন বাবুয়     আঁজম আকাৎ 
         সেতা কানা ক বঁগারে, 
দাঃ-দাকা      দাঃ-মৗড়িচ্ 
        আলম এমায় ঢঁগারে।। 

=========== ᱛ =========

 ৯।।

কুক্‌লি

   সনাতন টডু

 

আলাদ রিনিচ্‌ হপন বাবু
কুক্‌লি রেগেয় তাঁহেন,
আঁজম কাতেদ্‌ বাবা ঝতো
তেলা রেগেয় তাঁহেন।

হড়কো দেজঃ উডৗন গৗডি
চট্‌রে পিরিল পিরিল,
আবোদ চেদাঃ ডুলুং গৗডি
অতরে ইকিল সিকিল।

অলঃমে বেটা মনে কাতেদ্‌
তেলা ঝতম ঞাম,

মনে রেনাঃ কুক্‌লি তিনৗঃ

ঞাম গেয়াম আম।

=========== ᱛ =========

 ১০।।

চাঁদো মামা

   বাবলু সরেন

 

চাঁদো মামা চাঁদো মামা
দেন সে তওয়া কাঃ
বিটি তালে কয় এদমে
বাংখান বায় ইকৗমে নাঃ !

আল বিটিম রাগ বিটি
নে জমমে তওয়া কাঃ
চাঁদো মামায় আড়তি আকাদ মে
হারা গদঃ আম নাঃ ৷

=========== ᱛ =========

 ১১।।

চেঁড়ে  

   কিস্কিন্ধ্যা  মুরমু 

 

   দারে ডৗররে দুড়ুব কাতে 
                     চেরবের দিনগে ;
হড়াঃ ঝালাক ঞেল তরা 
             উডৗউ গদঃ উনগে।

    দাঁড়ানাপে টৗনডি টিকুর  
                  জমাঃ দপে পাঁজায়া ;
চিড়িচ্ চড়ং কুসি আতে 
               খিলডু এনেচ্ বাড়ায়া।

 

      দারে ডৗর চেতানরে 
            তুকৗ বেনাও গালাং ;
 বিলিম জম দাঃ এম ঞুয় 
         ঞুর জাং এম হালাং।

উডৗউ চালাঃ সেরমা সাঁগিঞ 
              দিসম খন দিসমতে ;
ইলরে আমাঃ দাড়ে মেনাঃ 
                  টুডৗং কানেম অনাতে।

 

=========== ᱛ =========

 ১২।।

আলে চুনু

     দুলৗড় বিটি

 

মেনায় তালে আলে চুনু
রাগায় খুনুঃ খুনুঃ,
লগন তাড়াম থিয়ৗ থাপে
ঞুর এনসে হাপে।

হিনৗ নিয়ৗ দিনৗম খজায়
হাকো পাকো জমায়,
চেৎগে চেৎ বায় বাছাও
উকু তায়ায় লাজাও।

খিটি খিটি লাঁদা তায়

ঞুঁ-জমরে উসৗদ্‌ তায়,

মেতায় খানেম জুদি নলঃ
ভিত্‌রি সেনগে বলঃ।

*******মুচৗৎ *********