বাজুন হাড়াম্ আঃ কুকলি

গুলন চন্দ্র মুর্মু

বাজুন হাড়াম্ দ হুডিঞ কড়া তায়্ কিমিন্ সাঁওতে নাপায়তে তালা অড়াঃগে লৗগিৎ তেগে চার মাঝি হহ হুয় লেন তায়া। পিড় তৗরিরে আচার বিচৗর হহ লৗগিদ গডেৎ ক বাং ক বেনাও আকাৎ কতে নিজেগে হহ লাগাও কেদেয়া।নেঁডা দিন সেটের এনখান মাঝি কক সেটেরেনা,বাজুন এরা অড়াঃরে এঁগাৎ মনে জিওয়ী আহুল বৗকুলঃ কান তায়া। তবে মনেরে ভরসা দ তায় আপাবারে ক সেটের আকানা । মেনখান বিচৗর মাডের রেমা তিরলৗ কোওয়াগ্ তাঁহেন বাং গানঃ,অনাতে অড়াঃরেগে উয়ুং চিডুপ্ এ তাঁহে আকানা ।

ইনৗ খানগে মাঝি হাড়াম গডেৎ এ মেতা দেয়া লটা দাঃ আর উল্ সাকাম নোওয়া মাডের তালারে দড়ম এ মেতা দেয়া। নোওয়া ধরম লটা দাঃগে সৗরি সৗরি বিচৗর ঞাম রেনাঃ পৗতয়ৗও আর সুলুক নিরৗয়তে সালা গোটাঃমা মেনতেগে বোন্ দড়মা। বাবা তাকো ক মেন্ আঃ কান্ গেয়া,সেঁঙ্গেল আতেৎ দ বাং বোন্ দুড়ুপ আকানা,দাঃ আতেৎ বোন্ দুড়ুপ আকানা।

"সৎ বাড়ে রড় মে,ধরম বাড়ে বিচৗর মে,

চাঁদয় ঞেঞেল কান্ বতরায়মে ।"

নংকা রপড় রপড় তেগে মাঝি ক তলাস্ কেদেয়া ,সুখ দুক্ দ চেৎ তাম মাঝি বাবা সানাম ক তালারে সদর তাবন্ মে ? মাঝি বাবায় লায় কেদা বাংমা বাজুন হাড়াম্ হপন্ দ মুডৗ কুড়ি এ আঁঙ্গির আকাদেয়া। নোওয়া বাপ্লা আবো সাঁওতা তালারে মানাও হাতাও আবো সে বাং? নোওয়া রেনাঃ তেলাগিঞ খজঃ কানা দিশম রেন বাবা তাকো ঠেন্ ? বানার পাহটা রেন্ মাঝি বাবাকো উকিল লেকাগে কাথা ক সঃসেটেজ খেলা, সারজমডি মাঝি বাবা দ সভা গঙ্কেয়াঃ অনুমতি হাতাও কাতেৎ গে কাথা দয় এহব কেদা।

আবো নিরৗলা সান্তাড় সমাজ দ সৎ সৗরি তালারে ছাটাও চাওলে লেকা আর রিড়িম্ রিড়িম্ ডৗডি দাঃ লেকা ফৗরিয়ৗ ফাটে বোন্ দহয় মা বাড়ে,মাঝি পারানিক্ সে আতো মড়ে হড়াঃ বেনাও বড়্ আর পারগানা কোওয়াঃ গেল সেরমা গেলবার সেরমা আচার,বিচৗর কাতেৎ উঁঞ শিকল অৗরিতে সোনা বারাক্ সাঁওতা দ কো বাঁদি দহ আকাৎ বোনা। অনাতে শক্,হুন,পাঠান্,মোঘল,আর ব্রিটিশ কোওয়াগ্ গাবোল তেহঁ বাং বোন্ বকল বডে আকানা। তবে তেহেঞ যাঁহা লৗইতে বিচৗর বোন্ দুড়ুব আকানা নোওয়া রেন দায় দোষ্ দ নোওয়া আতোরেন জোগ্ মাঝী বাবাহাঃ গে কানা,হড়াঃ আবাদ সেন্ জম এ মহডা আকান ডাংরা দ বায় অৗচুর দাড়ে আকাদেয়া। অনাতে হাপেন দিন রেহঁ প-পঁগড়া ক যাতে আলো ক সলম লটম্ঃ মা নংকান অৗরি গে তেহেঞ হঁ মানাও দহয় মা। ঞেল এৎ গেয়া বোন্ তিরলৗ কো ছৗতিক্ ঠেন ক চালাঃ কান খান্ জিওয়েৎ তেগে বোন্ ভান্ডান এৎ কোওয়া,তেহঞ হঁ নংকা গে কৗমি লৗ ক্তি তাবোনা। এটাঃ গোড়া রেনাঃ গুরিচ্ তেদ আবো ভিতৗর অড়াঃ গেচ্ গুরিচ্ তেদ বঙ্গা বুরু বাং ক বধাঃ তাবোনা সে চেৎ পে লায় এৎ তাবোনা বাবা তাকো ? আদ সানাম গে বিচৗর গে বাপধন মেন্ কাতেঃ তি ক থায়ো কেদা। আর বিচৗর দ মুচৗৎ এনা। আর কৗমিহরা ক লাহা কেদা। মেনখান বাজুন হাড়াম্ আঃ কুকলি রেনাঃ তেলা ঞাম লৗগিৎ নিৎ হঁ কয়গ্ রেগে মেনায়া ,,অকা রেদ আদিবাসী মিৎ ধরম হড় এনা বোনা?