Fight For ST Reservation শ্লোগান সামাংরে দহ কাতে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ সৗহিজুহিতে হিজুঃকান ৫ আর ৬ ডিসেম্বর হুগলি,হাওড়া,বীরভুম,পশ্চিম বর্ধমান, দক্ষিন দিনাজপুর আর মুর্শিদাবাদ এমান জেলারে মিৎ গাপালমারাও আখড়া সাপড়াও আকানা।
৬ ডিসেম্বর হুগলিরে ১১ টাড়াং অক্তে আম্বেদকর ভবন, রবীন্দ্রনগর বাজার চুঁচুড়ারে, হাওড়ারে তিকিন ১টাড়াং অক্তে আদিবাসী রেলওয়ে এমপ্লয়ীজ রিক্রিয়েশন এন্ড কালচারেল আদিবাসী অ্যাসোসিয়েশন, বাকসাড়া, সাঁতরাগাছিরে সাঁতরাগাছি রেল টেশন সোররে, বীরভূম সিউড়িরে তারাসিঞ ১ টাড়াং অক্তে, আবদারপুর TDCC Office সোররে, নঁতে পছিম বর্ধমান রেনাঃ ডিপিএল মড়েটলা জাহের গডারে (দুর্গাপুর প্রজেক্টস বয়েজ হাই স্কুল সামাংরে), দক্ষিন দিনাজপুর রেনাঃ গোবিন্দপুর রেলস্টেশন পার্টি অফিস সামাংরে তারাসিঞ ১ টাড়াঞ অক্তে, আর ৫ ডিসেম্বর সেতাঃ ১১.৩০ টাড়াং অক্তে মুর্শিদাবাদ রেনাঃ বহরমপুর কালেক্টরেট ক্লাব কমিউনিটি হল রে।
চেতানরে অল আকান ঠাঁওরে যাঁহা গাপালমারাও আখড়া সাপ্ড়াও আকানা অনারে আদিবাসী গাঁতাত রেন ডাক্তার, ইঞ্জিনিয়ার, উকিল, প্রফেসর, মাচেৎ সাঁওতে আরহঁ সাঁওতারেন ঞুতুমান মৗনৗন হড় কো সেটের তাঁহেন কানা মেন্তে অ্যাসোসিয়েশন পাহ্টা খন বাডায় আকানা। নোওয়াহঁ বাডায় আকানা বাংমা নোওয়া অ্যাসোসিয়েশনরে সেলেদ্ কাতে আপনারা হক আইদৗর লৗগিৎ জুমিৎতে গারজাও কো এতহব আকাদা।
নোওয়া মাড়াং হঁ বাঁকুড়া, ঝাড়গ্রাম, পুরুলিয়া, মেদিনীপুর জেলা করেনাঃ আয়মা জায়গারে নংকানা সভা সাপড়াও কাতে আয়মা আদিবাসী গাঁতাত রেন চাকুরীজীবি আর বুরধি জীবি কো ফেক এস. টি. বিরুধরেকো লাহা হেচ্ আকানা মেন্তে অ্যাসোসিয়েশন পাহটা খন গে বাডায় আকানা।
বাডায় আকানা নিয়ৗবারদ আকোওয়াঃ সংবিধান রেনাঃ আইদৗর বাডায় লৗগিৎ কো জুমিদঃ কানা। নওয়াকো সভারে আদিবাসী সমাজরেন হড়াঃ জুমিৎ মেৎরে লাগাঃ কান লেকাগে ঞেলঃ কানা মেন্তে অ্যাসোসিয়েশন রেন সভাপতি মানতান বালকরাম সরেন গোমকেয় লৗই আকাদা। মানতান সরেন গোমকে আরহঁয় লৗই সাডেয়াকাদা বাংমা আদিবাসী কো তালারে নোওয়া লৗইতে আডি সারহাও, আডি উদ্গৗও আর আডি গড়ঃ ঞামঃ কানতেগে অ্যাসোসিয়েশন আরহঁয় কেটেজ্ ইদিঃ কানা, আর আডি লগন গেনহাঃ মিৎ মারাং আঁন্দোড় রেকো আঁড়গন কানা মেনতে সানাম পাকাড় রেন মাড়তে কো লৗই সাডেয়াকাদা।
.webp)
