সিঁগি মাহা রেনাঃ সাকাম ‘চেরেচ্‌ আড়াং’ লেখা- ১৬

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  সুজয় কুমার টডু, রিলৗমালা মুরমু, পূজা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, সারি ধরম হাঁসদা, -সাকম সরেন, বাড়তাঙ সরেন, দুগাই টুডু, সনাতন টুডু, বিভূতি ভূষণ সরেন, অনলবিঁদি, দুলৗড় বিটি, শ্রী কা ন্ত স রে ন। 

  

সুজয় কুমার টুডু, ক্লাস- I
জেলা - পশ্চিম মেদিনীপুর

রিলৗমালা মুরুমু, ক্লাস- III
জেলা - পুরুলিয়া

পূজা মুরুমু, ক্লাস- V
জেলা - বাঁকুড়া

বিজয় কিস্কু , ক্লাস -VI

জেলা - পুরুলিয়া

১।।

ᱜᱤᱫᱽᱨᱟ. ᱵᱟᱹᱣᱞᱤ

     - ᱥᱩᱵᱩᱫᱤᱭᱟᱹᱢᱩᱨᱢᱩ 

ᱵᱷᱟᱸᱶᱜᱟᱴ ᱜᱟᱰᱟ
ᱥᱟᱶᱲᱟ   ᱠᱟᱰᱟ
ᱚᱵᱚᱨ ᱮᱱᱟᱭ
ᱵᱮᱨᱮᱫᱽ ᱮᱱᱟᱭ ᱿

ᱰᱟᱝᱨᱟ ᱜᱟᱰᱤ
ᱯᱷᱩᱪᱩ ᱵᱩᱰᱽᱦᱤ
ᱪᱚᱜᱟ ᱞᱮᱱᱟᱭ
ᱯᱷᱮᱰ ᱮᱱᱟᱭ ᱿

ᱢᱮᱨᱚᱢ ᱮᱸᱜᱟ
ᱢᱟᱨᱟᱝ ᱴᱟᱸᱜᱟ
ᱠᱚᱭᱚᱜ ᱟᱫᱟᱭ
ᱨᱤᱯᱤᱫ ᱟᱫᱟᱭ ᱿

======= ᱛ =======

 

২।।

ᱤᱨᱟ.ᱞ

    ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱮ ᱟᱭᱳ ᱟᱭᱳ
ᱟᱸᱡᱚᱢ ᱢᱮᱥᱮ ᱫᱮᱞᱟ
ᱢᱟᱪᱮᱫ ᱦᱚᱞᱟᱭ ᱢᱤᱛᱟᱫᱤᱧᱟ,
ᱢᱚᱬᱮ,ᱯᱮ ᱢᱤᱫ ᱞᱮᱠᱷᱟᱱ

ᱦᱩᱭᱩᱜᱼᱟ ᱤᱨᱟ.ᱞ ᱾
ᱛᱤᱦᱤᱧ ᱫᱚᱭᱮ ᱢᱤᱛᱟ.ᱧ ᱠᱟᱱᱟ
ᱵᱟᱨ,ᱛᱩᱨᱩᱭ ᱢᱤᱫ ᱞᱮᱠᱷᱟᱱ
ᱦᱩᱭᱩᱜᱼᱟ ᱤᱨᱟ.ᱞ ᱾

 

ᱮ ᱟᱭᱳ ᱟᱭᱳ
ᱢᱟ ᱞᱟ.ᱭ ᱢᱮ ᱟᱫᱚ
ᱵᱷᱤᱱᱟ. ᱵᱷᱤᱱᱟ. ᱮᱞ ᱟᱛᱮ
ᱪᱮᱠᱟ ᱦᱩᱭᱩᱜ ᱤᱨᱟ.ᱞ ?

======= ᱛ =======

 

৩।।

 হপন মৗই-দৗরি দৗই

        সারি ধরম হাঁসদা

 

 ঝাঃ ঝৗকুর ঝাংকা ঝৗকুর
              হররে গারোই সারোই,
 লাড়কে বাহা গাড়কে য়াকান
                মজগে পোরোই পোরোই।

 

    হপন  মৗই    দৗরি দৗই
                  পাঠে কেটেজ ডাঁডাঁ,
     সিলমি সিটিজ বাহায় সিসিৎ
                    দড়ম কাতে কাঁডা।

 

   বের মা হানে পারম চালাঃ
                     সেতাঃ বৗসয়ৗম তিকিন,
    হড় কমা ক কয়ঃ আকাৎ
                        তিরে দাকায় ইসিন ?

======= ᱛ =======

 

৪।।

 "কাবরা পুসি"

    -সাকম সরেন

মেনায় তালে আলেরেন 
মিৎটাং কাবরা পুসি, 
জেল হাকো তওয়া জমদ-
অৗডি গেতায় কুসি ।

 

সারগাক সালাঃ সুলুক্ সৗগৗই
অৗডি গেচয় গাতেঃ, 
সারগা হপনক মাত---
আচ্ ঠেনগেক হেমেঃ।

 

মিৎদিন মাত'ঞ ঞেলকেৎ ক
বাংকান মিৎরুতি এড়ে, 
মুরৗই হোড়ো চেতান সারগা-
এনেচ্ কানক লাঁগড়ে ।

 

হিলৗঃ কানক অৗডি লোহোক্
সাব্ আকানাক পে আটাল, 
ঞেলতে রৗস্কৗ কাবরা পুসি-
কোলকোলি আরে হাহাল ।

======= ᱛ =======

 

 ৫।।

 ককয় বুডি

- বাড়তাঙ সরেন

 

কুলহী মুচৗৎ  ধেদরে কুম্বৗ    
                       মেনায় ককয় বুডি,
অকয় হঁ চ বৗনুঃ কতায়
                    রাঃ হমরায় আডি !

 

ককয় বৗটি সেপেঞ কাতে
               আতো আতোয় দাঁড়ান,
 দাঁড়া কাতেয় কয় আগুয়া
                      চাওলে থ-ড়া গান।

 

ঞাম হিলোঃ দ জাগেয় জমা
                  আড়াঃ তিকি সাঁওতে,
বাং হিলোঃ দ মাটাচ মুটুচ
                রেঙ্গেজ জালা দুকতে !

 

রুওয়ৗ রাবাং থার থারাঃ আয়
                   খান্তা লুগড়ীচ্ বাংতে
 মেৎদাঃ ইঞাঃ জরঃ তিঞৗ
                   ককয় বুডি ঞেলতে।

 

আয়ো বাবাঞ কুলি কিনৗ,
                    "চেদাঃ উনি নংকা ?
 চেদাঃ উনি বৗনুঃ তায়া
                  জম ঞুঁ আবো লেকা ?"

======= ᱛ =======

  

৬।।

 হারা কাতে

    দুগাই টুডু

 

গিদরৗ আবো অলঃ পাড়হাঃ
দেলাবোন চেৎ বাডায়,
হারা কাতে পৗল পরবরে
বঁগা বুরুগে সেঁড়ায়।

 

আরিচৗলি রায়রীত হেনাঃ
সানাম গেদো মানাও,
লৗটু কৗটিচ্‌ সৗগৗই তাবো
মাসে জতকো বাতাও।

 

ভাগে সাঁহিচ্‌ রড় আবোন
জতকো নাপায় সালাঃ,
দুক বিপদ গড় গপড়
দেবোন দহয় দেলা।

 

তবে ঞেলঃ সুলুক নিরৗয়
আবোওয়াঃ তালা মালা,
হড় তালারে রড় লাঁদাগে
জিয়ৗড় তাঁহেন ভালা।

======= ᱛ =======

 

৭।।

হৗকু হৗকু রটে

সনাতন টুডু

 

হৗকু হৗকু রটে তেদো
হপন বাবুয় রৗগিঃ,
হাকু বেগর এটাঃ কাথা
একাল বাংগেয় কুশিঃ।

 

নিতঃ রেনাঃ নিতঃ লৗডু
নিতগে নাপায় বুঝৗও,
তেহেঞ কাথা গাপা লাডু
আডি অৗড়িস বুঝৗও।

======= ᱛ =======

 

৮।।

 সাসাং পিয়ো 

     বিভূতি ভূষণ সরেন 

 

হৗনি ঞেলঃ     সাসাং পিয়ো 
           আগু আকাৎ সৗগুন,
হাপে সেরে        তাঁগি মেরে 
            সেটের অচঃ ফৗগুন।

 

ফৗগুন বঁগা        সেটের এনা 
           বিটিই কৗটিচ্ গেয়া, 
উমের হঁত      আওরি আতায় 
           কৗমি অহঁ কেয়ায়। 

 

হারা লেনগে      বুরু লেকা 
         উনলে দারাম মেয়া, 
নেশদ আলম     পিয়ো পিয়ো 
      বাংলে জাঁওয়া কায়া।

======= ᱛ =======

   ৯।।

ঠুম্পু হাড়াম

অনলবিঁদি

ঝাঁঝড়া ঘুটু ঠুম্পু হাড়াম

জঁক লেকা তিঁজৗউ কুকুজ তাড়াম !

বহঃ রেতায় চাক দাঁহিড়ি

দক্তায় জম ঘাড়ি ঘাড়ি !

মিৎ জেঁবেদতে চাবাকে আডি

বার বৗটি বডজ হাঁডি !

দিনৗম সেতাঃ বানামে রেতায়

কুকুজ আতে নাহেলে অতায় !

হুড়ু মারিচ রাগি মাতায়

রেয়াড় বালিতে খৗজৗড়ি আতায় !

ঝাঁঝড়া ঘুটু ঠুম্পু হাড়াম

উনৗং এ খৗন্ডিয়ৗঃ তিনৗং এ তাড়াম !

  ======= ᱛ =======

১০।।

 বালেঃ আলে

দুলৗড় বিটি

 

গিদরৗ আলে বালেঃ আলে
দুলৗড় ঞাম লেখান,
গিদরৗ আলে উসৗৎ আলে
রুহেৎ ঞাম লেখান।

 

গিদরৗ আলে সোহাগ তালে
সিবিল রড় তালা,
গিদরৗ আলে এদরে তালে
অৗড়িস আলে তালা।

 

গিদরৗ আলে হারাঃ আলে
নাপায় যতন তালা,
গিদরৗ আলে খাটঃ আলে
অনহেঁড়া আলে তালা।

======= ᱛ =======

 

১১।।

 ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (ᱜᱤᱫᱨᱟ ᱠᱚ ᱞᱟ.ᱜᱤᱫ)

ᱥᱨᱤᱠᱟᱱᱛᱚ  ᱥᱚᱨᱮᱱ

ᱸ ᱚ ᱸᱛᱮ ᱜᱟᱵᱟᱱ ᱥᱟᱵᱟᱫ(ᱟ.ᱲᱟ.)ᱺ  ᱚᱲᱟᱜ ᱾ᱚᱞᱚᱜ ᱾ᱚᱢᱚᱱ  ᱾ᱚᱨᱚᱝ ᱾ᱚᱪᱚᱞ ᱾ᱚᱥᱟᱨ᱾ ᱚᱡᱚᱜ᱾ ᱚᱴᱟᱜ᱾ ᱚᱴᱟᱝ᱾ ᱚᱵᱚᱥ᱾

ᱸᱚ ᱸ ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ   ᱚᱞᱚᱜ ᱼ ᱯᱟᱲᱦᱟᱣ ᱥᱮᱲᱟᱭ ᱢᱮ ᱾ ᱚᱫᱟ ᱦᱟᱥᱟᱨᱮ ᱜᱷᱟᱥ ᱚᱢᱚᱱᱚᱜ ᱻᱟ᱾ ᱚᱛ ᱞᱟᱛᱟᱨᱨᱮ ᱫᱟᱜ ᱢᱮᱱᱟᱜ ᱻᱟ ᱾ ᱚᱲᱢᱮᱡ ᱢᱟᱭᱟᱝ ᱠᱚ ᱡᱚᱢᱟ ᱾ ᱚᱜᱚᱢ ᱫᱚᱨᱭᱟ ᱡᱟᱦᱟᱡᱽ ᱛ ᱮᱠᱚ ᱪᱟᱞᱟᱜ ᱼᱟ ᱾

' ᱛ ' ᱛᱮ ᱜᱟᱵᱟᱱ ᱥᱟᱵᱟᱫ (ᱟ.ᱲᱟ.)ᱺ

ᱛᱮᱨᱮᱞ ᱾ᱛᱤᱠᱤᱱ  ᱾ᱛᱮᱨᱫᱮᱡ᱾ ᱛᱚᱦᱚᱫ ᱾ ᱛᱩᱢᱫᱟᱜ ᱾ ᱛᱳᱫ᱾ ᱛᱚᱛᱽᱠᱟ ᱾ ᱛᱤᱞᱢᱤᱧ᱾ ᱛᱮᱥᱟᱨ ᱾ ᱛᱮᱡᱳ᱾

' ᱛ ' ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱛᱮᱦᱮᱧ ᱫᱚ ᱥᱤᱸᱜᱮ ᱢᱟᱦᱟ ᱾ ᱛᱚᱢᱟᱞ ᱛᱤᱠᱤᱱ ᱵᱮᱲᱟ ᱟᱞᱮᱨᱮᱱ ᱻᱮ ᱦᱤᱡᱩᱜ ᱻᱟ ᱾ ᱛᱟᱵᱮᱱ ᱫᱚ ᱦᱳᱲᱳ ᱠᱷᱚᱱ ᱦᱳᱭᱳᱜ ᱼᱟ᱾ ᱛᱚᱣᱼᱟ ᱫᱟᱠᱟ ᱟ.ᱰᱤ ᱥᱮᱵᱮᱞᱟ ᱾ ᱦᱤᱥᱤ ᱪᱮᱲᱮᱭᱟᱜ ᱛᱩᱠᱟ. ᱦᱚᱭᱛᱮ ᱞᱟᱲᱟᱜ ᱠᱟᱱᱟ ᱾

' ᱜ 'ᱛᱮ ᱜᱟᱵᱟᱱ ᱥᱟᱵᱟᱫ (ᱟ.ᱲᱟ.)ᱺ

ᱜᱚᱥᱚ, ᱜᱟᱯᱟ, ᱜᱟᱫᱟᱨ, ᱜᱩᱬ, ᱜᱚᱭᱴᱷᱟ, ᱜᱚᱲᱚᱢ,ᱜᱤᱫᱨᱟ. , ᱜᱟᱛᱮ, ᱜᱟᱞᱟᱝ, ᱜᱟᱫᱮᱞ ᱾

' ᱜ 'ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱜᱚᱱᱮᱥ ᱜᱟ.ᱤᱻᱮ ᱜᱩᱯᱤ ᱠᱟᱱᱟ᱾ ᱜᱟ.ᱤ ᱠᱚ ᱟ.ᱛᱤᱧ ᱠᱟᱱᱟ ᱱᱟ.ᱤ ᱫᱷᱟᱨᱮᱨᱮ ᱾ ᱜᱩᱨᱤᱡᱽ ᱛᱮ ᱠᱷᱟ.ᱨᱟ.ᱤ ᱠᱚ ᱡᱮᱲᱮᱨᱟ ᱾ ᱜᱩᱦᱩᱢ ᱜᱮᱞᱮ ᱟᱠᱟᱱᱟ ᱾ ᱜᱚᱲᱚᱢ ᱦᱟᱲᱟᱢᱟᱜ ᱯᱟ.ᱰᱩ ᱩᱵᱽ ᱾

( ᱛᱳᱸᱜᱮᱻᱟ ...)

  

======= মুচৗৎ =======