আবোওয়াঃ ওয়েব পেজ- ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন মিৎ লেতাড়গে জেলা কে জেলা ফেক এস.টি. বিরুধরে ডি.এম. ডেপুটেশন এ এম আগুয়েদা। পারমেন ২৯ ডিসেম্বর হিলঃ হঁ পে-পে গটাং জেলারে ডি.এম. গন ডেপুটেশন কো এম কেদা। ঝাড়গ্রাম,পছিম বর্ধমান আর পছিম মেদিনীপুররে আদিবাসী কো আকোওয়াঃ রেঁগেচ্-রাবাং-হাসো রেনাং কাথাকো সদর আদেয়া আকোরেন জেলা প্রশাসনিয়ৗ।
গাদেল ডাহার তাড়াম তালাতে ফেক এস.টি. বিরুধরে ঝাড়গ্রাম ডি.এম. গণ ডেপুটেশন কো এমাদেয়া ট্রাইব ওয়েলফেয়ার অ্যাসোসিয়েশন রেনাঃ ঝাড়গ্রাম চাঁগা। ডি.এম. বাং তাঁহেলেন খৗতির এ.ডি.এম. মেমোরেন্ডাম কপি কো চাল আদেয়া। এ.ডি.এম. আরহঁ এস.ডি.ও. সাহেব সাঁও গাপালমারাও লৗগিৎ মাড়তে কোয় ভেজা কেৎ কোওয়া। এস.ডি.ও. সাহেব সাঁও মাড়তে কো ৪৫ টিড়িচ্ লেকাকো গালচ কেদা। গালচ্ তালারে অ্যাসোসিয়েশন পাহ্টা খন ফেক এস.টি. বিরুধরে কাথা রাকাব্ এনখান গে এস.ডি.ও. সাহেব সঝহে ব্যাট এ চালাও কেদা আদিবাসী সেনগে বাংমা- হাঁসদা, মান্ডি, সরেন, বাস্কে কগে যুদি সাখি লেকাতে কো সুহিয়াঃ আ এনখান আকোওয়াগে চেৎ করার মেনাঃআ। অফিস খনগে মাড়তে কো বাডায় ঞাম কেদা বাংমা গোপীবল্লভপুর ব্লক খন বৗড়তি কায়তে নংকান ঘটন ঘটাঃ কানা। তবে এস.ডি.ও. সাহেব মাড়তে কো কাথায় এমাৎ কোওয়া বাংমা আয়াঃ নজররে নংকান ইস্যু হেচ্ লেনখান তলাশ কাতেৎ এ ঞেলা।
ঞেলঃ গঃ কানা আদিবাসী কো ক্রেমে ক্রেমেতে মিৎ সাঁওতে জুমিদ্ কাতে আকোওয়াঃ হক-আইদৗর ঞাম লৗ গিৎ কো লৗড়হৗই কানা নোওয়া কাথাদ নিৎ আর মেমেন বাং লাগা আ।
.webp)
.webp)
