তুলৗজখায়িজ- সুনীল কুমার মুরমু
১। গিদরৗ বৗউলি
মানতান সুবুদিয়ৗ মুরমু গংকেয়াঃ নওয়া " গিদরৗ বৗউলী " দ বর্ননা মূলক মেনদ চেৎ চেহেরা বর্নন আতে মিৎটাং গিদৗর শিখনৗৎ এমায় হুয়ুঃ কানা। নওয়া বৗউলী দ পুন খদ রেনাঃ বৗউলী। খদ পিছি বারয়া কাতে থার। থার পিছি বারেয়া কাতে পর্ব। পেরেচ পর্ব কদ পুন সনং সে মাত্রা রেনাঃ আর বাং পেরেচ পর্ব কদ পে সনং সে মাত্রা রেনাঃ ! মিল দ থারানাং মিল সে চরনান্তিক মিল ঞেঁল ঞাঁমঃ কানা। নওয়া বৗউলী রেনাঃ হড়ম গড়হন দ নংকা ঞেঁল ঞাঁমঃ কানা - ৩+৪+৪+৪/৩+৪+৩+৪/৪+৪+৪+৪/৪+৪+৪+৪
নওয়া বৗউলী রেনাঃ লয় সে রেলা দ চুগুড় আনাঃ গে। ঝতম পর্ব রেয়াঃ অৗদ আখররে শাঁহেৎ জাঁক পাড়াও আকানা । নওয়া রেনাঃ পুরকিত দ রাহানাং ছাঁদা সে স্বরবৃত্ত ছন্দ ! সনং লেখা অৗরি লেকাতে মেন গানঃ আ- ফুরগৗল আখর সে মুক্ত অক্ষর মিৎ সনং সে মাত্রা রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ মেনদ আখর খানগে মিৎ সনং সে মাত্রা রিতিগে হাতাও আকানা।
নডে লৗই দহ লৗক্তি কানা বাংমা পুয়লু খদ রেনাঃ পুয়লু পর্ব আর দশার খদ রেনাঃ পুয়লু পর্বরে সাধারন বিচৗরতে পেয়া সনং সে মাত্রা ঞেঁলঃ কানা মেনখান রাহানাং ছাঁদা রেদো পেরেচ পর্ব দ পুন সনং সে মাএা রেনাঃ! অনাতে নওয়াকিন পর্বরে মিৎ সনং সে মাত্রা কম মেনাঃ আ। অনাতে নওয়াকিন রেদো পর্ব তেদ দোষী গেয়া মেনখান চুগুড় রেলা আর পর্ব রেয়াঃ অৗদ আখররে শাঁহেৎ জাঁক পাড়াও আকান খৗতির নওয়া দোষ দ সাব বাং গানঃ আ ! আর হঁ মুচৗৎ খদরে পর্ব রেয়াঃ প্রান্তিক মিল সে মুচৗৎ মিল হুয় আকান রেহঁ থারানাং মিল দ বাং হুয়াকানা। মেনদ থারানাং মিল রেহঁ নাসে দোষ মেনাঃ গেয়া।
তবে মুচৗৎ রে নওয়াগে মেন গানঃ আ বাংমা নওয়া মিৎটাং ঞুঁমানাঃ গিদরৗ বৗউলীগে হুয় আকানা।
২। মামো অড়াঃ , টামকিয়ৗ
বৗউলীয়ান সারিধরম হাঁসদা গংকেয়াঃ বারেয়া গিদরৗ অনড়হেঁ। মিৎটাং দ মামো অড়াঃ আর দশার দ টামকিয়ৗ! মামো অড়াঃ রেদো- মামো অড়াঃ রেনাঃ কাথা সাব রাকাব আকানা আর টামকিয়ৗ রেদো রুসিকৗ হপন বাবু আঃ কাথা সাব রাকাব আকানা ! মামো অড়াঃ দ পে খদ রেনাঃ আর টামকিয়ৗ দ বার খদ রেনাঃ গিদরৗ অনড়হেঁ। খদ পিছি বারয়া কাতে থার সে চরন সে পোনয়া কাতে পর্ব। পেরেচ পর্ব কদ পুন সনং সে মাত্রা রেনাঃ আর বাং পেরেচ পর্ব কদ মেন দ প্রান্তিক পর্ব সে মুচৗৎ পর্ব দ বার সনং সে মাত্রা রেনাঃ। মিল দ থারানাং মিল সে চরনান্তিক মিল। নওয়া অনড়হেঁ কিনাঃ হড়ম গড়হন দ নংকা -
পুয়লু অনড়হেঁ - (৪+৪+৪+২/৪+৪+৪+২) (৪+৪+৪+২ /৪+৪+৩+৪ ) (৪+৪+৪+২ /৪+৪+৪+২)
দশার অনড়হেঁ - ( ৪+৩+৪+২/ ৪+৪+৪+২) (৪+৪+৪+২/ ৪+৪+৪+২)
নওয়া অনড়হেঁ কিনাঃ লয় সে রেলা দ চুগুড় আনাঃ গে। ঝতম পর্ব রেনাঃ অৗদ আখররে সাঁহেৎ জাঁক পাড়াও আকানা! নওয়া অনড়হেঁ কিনাঃ পুরকিত দ রাহানাং ছাঁদা সে স্বরবৃত্ত ছন্দ । সনং লেখা অৗরি দ - ফুরগৗল আখর সে মুক্ত অক্ষর মিৎ সনং সে মাত্রা রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ। মেনদ আখর খানগে মিৎ সনং সে মাত্রা।
নডে লৗই দহ লৗক্তি কানা বাংমা পুয়লু অনড়হেঁ রেনাঃ পুন থার রেনাঃ তেসার পর্ব - " চালাঃ দ " সাধারন বিচৗরতে পেয়া সনং সে মাত্রা ঞেঁলঃ কানা আর দশার অনড়হেঁ রে পুয়লু থার রেনাঃ দশার পর্ব - " টামকিয়ৗ " হঁ সাধারন বিচৗরতে পেয়া সনং সে মাত্রা ঞেঁলঃ কানা ! মেনখান রাহানাং ছাঁদা রেদো পেরেচ পর্ব দ পুন সনং সে মাত্রা রেনাঃ। অনাতে নওয়াকিন পর্বরে মিৎ সনং সে মাত্রা কাতে কম মেনাঃ আ! অনাতে নওয়াকিন রেদো পর্ব তেদ দোষী গেয়া। মেনখান চুগুড় রেলা আর পর্ব রেয়াঃ অৗদ আখররে সাঁহেৎ জাঁক পাড়াও আকান খৗতির নওয়া দোষ দ সাব বাং গানঃ আ ।
অনাতে মুচৗৎরে নওয়াগে মেন গানঃ আ বাংমা নওয়াকিন অনড়হেঁ মি মিৎটাং ঞুঁমানাঃ গিদরৗ অনড়হেঁ গে হুয়াকানা।
৩। রুনডৗ
বৗউলিয়ৗনিজ দুগাই টুডু গংকে হঁ নওয়া রুনডৗ অনড়হেঁ তালাতে আডি চেহেরা মিৎ রুনডৗ হাঃ কাথায় বর্নন আকাৎ আ ! নওয়া অনড়হেঁ দ পুন খদ রেনাঃ অল অনড়হেঁ। খদ পিছি পোনয়া কাতে থার সে চরন। থার পিছি পোনয়া কাতে পর্ব। পেরেচ পর্ব কদ পুন সনং চে মাত্রা রেনাঃ আর বাং পেরেচ পর্ব কদ বার সনং চে মাত্রা রেনাঃ ! মিল দ থারানাং মিল সে চরনান্তিক মিল। নওয়া অনড়হেঁ রেনাঃ হড়ম গড়হন দ নংকা -
(৪+৩+৪+২ / ৪+৪+৫+২ ) (৪+৪+৪+২ / ৪+৩+৪+৩) ( ৪+৫+৩+২ / ৪+৪+৪+২) ( ৪+৫+৩+৩ / ৪+৪+৩+১)
নওয়া অনড়হেঁ রেনাঃ লয় সে রেলা দ চুগুড় আনাঃ গে। ঝতম পর্ব রেনাঃ অৗদ আখররে শাঁহেৎ জাঁক পাড়াও আকানা । নওয়া রেনাঃ পুরকিত দ রাহানাং ছাঁদা চে স্বরবৃত্ত ছন্দ। সনং লেখা অৗরি লেকাতে মেন গানঃ আ- ফুরগৗল আখর সে মুক্ত অক্ষর মিৎ সনং রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ। মেনদ আখর খানগে মিৎ সনং সে মাত্রা।
নডে লৗই দহ লৗক্তি কানা বাংমা নওয়া অনড়হেঁ রেনাঃ তেসার আর তুরুই থার কিন বাদ কাতে ঝতম থার রেগে পর্ব রেয়াঃ মাত্রা দোষ ঞেঁল ঞামঃ কানা। মেনদ পর্ব তেদ দোষী গেয়া। মেনখান চুগুড় রেলা আর পর্ব রেয়াঃ অৗদ আখররে সাঁহেৎ জাঁক পাড়াও আকান খৗতির নওয়া দোষ কদ সাব বাং গানঃ আ। আরহঁ দসার আর তেসার খদ রেনাঃ প্রান্তিক মিল সে মুচৗৎ মিল কিন মুদরে সড়ম মিল রেনাঃ ঘাটতি মেনাঃ আ যাঁহা খৗতির মিলৗউ আড়াং অনকা বাং রাড়াং অঃ কানা। এন রেহঁ নওয়া মিৎটাং ঞুঁমানাঃ গিদরৗ অনড়হেঁ গে হুয় আকানা।
৪। কুনু
মানোতান সাকম সরেনাঃ " কুনু " গিদরৗ অনড়হেঁ তালাতে মিৎটাং গিদরৗ চেরেচ আতে জম ঞুঁ , আরুব ,ইতুন আসড়া তে চালাঃ আর অলঃ পাড়হাওরে উদগৗউ এমায় রেয়াঃ কাথাগে লৗই আকানা !
নওয়া অনড়হেঁ দ মড়ে খদ রেনাঃ অল অনড়হেঁ। খদ পিছি বারয়া কাতে থার চে চরন! থার পিছি বারয়া কাতে পর্ব ! পেরেচ পর্ব কদ পুন সনং সে মাত্রা রেনাঃ আর বাং পেরেচ পর্ব কদ বার , পে সনং সে মাত্রা রেনাঃ! মিল দ থারানাং মিল সে চরনান্তিক মিল! তবে লৗই দহ লৗক্তি কানা- দসার খদ রেয়াঃ পুয়লু থাররে মুচৗৎ মিল বৗনুঃ আ ! নওয়া অনড়হেঁ রেনাঃ হড়ম গড়হন দ নংকা- ৩+৪+৪+৪ / ৪+৩+৪+৪ / ৪+২+৩+৩ / ৪+৪+৪+৪ / ৪+৪+৪+৪
নওয়া রেনাঃ লয় সে রেলা দ চুগুড় আনাঃ গে! ঝতম পর্ব রেয়াঃ অৗদ আখর রে সাঁহেৎ জাঁক পাড়াও আকানা। নওয়া রেনাঃ পুরকিত দ রাহানাং ছাঁদা চে স্বরবৃত্ত ছন্দ। সনং লেখা অৗরি লেকাতে লৗই গানঃ আ বাংমা ফুরগৗল আখর সে মুক্ত অক্ষর মিৎ সনং সে মাত্রা রেনাঃ আর এসেৎ আখর সে রুদ্ধ অক্ষর হঁ মিৎ সনং সে মাত্রা রেনাঃ মেনদ আখর খানগে মিৎ সনং সে মাত্রা অৗরিগে বাতাও আকানা।তবে লৗই দহ লৗক্তি কানা বাংমা পুয়লু খদ রেনাঃ পুয়লু পর্ব , দসার খদ রেনাঃ দসার পর্ব আর তেসার খদ রেনাঃ দসার , তেসার আর পুনাঃ খদ কদ সাধারন বিচৗরতে পে সনং সে মাত্রা রেনাঃ ঞেঁলঃ কানা। মেনখান রাহানাং ছাঁদা রেদো পেরেজ পর্ব দ পুন সনং সে মাত্রা রেনাঃ। অনাতে নওয়া ক পর্বরে মিৎ সনং সে মাত্রা কম মেনাঃ আ। অনাতে নওয়া রেদো পর্বতেদ দোষী গেয়া। মেনখান চুগুড় রেলা আর পর্ব রেয়াঃ অৗদ আখর রে সাঁহেৎ জাঁক পাড়াও আকান খৗতির নওয়া দোষ দ সাব বাং গানঃ আ !
অনাতে মুচৗৎরে নওয়াগে মেন গানঃ আ- নওয়া মিৎটাং নাপায় গিদরৗ অনড়হেঁ গে হুয়াকানা !
.webp)
