(হুডিঞ কৗহ্নি)
বতর জ্বালা
 |
-বাড়তাঙ সরেন |
ডুমকৗ মাহাশয় দ ধুতি দৗহ্ড়ি কাতেঃ আডি রৗস্কৗ আতে বালায়া সাকায়া অড়াঃতেয় সেনঃকান তাঁহেনা । সিউড়ি বাজার বলঃ লাহারেগে সিভীক পুলিশ গাডিকো এসেদ কেৎ তায়া। ডুমকৗ মাহাশয় দয় হুদিশ কেদা পুলিশ দ পাশেচ গাডিরেনাঃ কাগজকো ঞেলা। গাডিখন ফেড সাঁও সাঁওতে পুলিশকো মেতাঃ দেয়া, " স্যার,গাড়িটা রাস্তার পাশে নিয়ে আসুন। আর আপনি ওখানে চলুন "। ডুমকৗ দ ডাহার আড়ে বাড়ে দারে বুটৗ সেচ কয়ঃ কাতেঃ কড়াম ধাক ধাকাও গদ এন তায়া। ডাক্তার আর নার্সকো ঞেল কাতেঃ বার জাঙ্গা থার থারাও এহপ এন তায়া, লাঁডরী হঁ রহড় এন তায়া। বতর বতরতেয় মেন কেদা, " কিন্তু, কিন্তু, আমার তো কোন সমস্যা নেই, আমি কেন টেষ্ট করাবো ? " "স্যার, আমাদের নির্দেশ আছে এই রাস্তায় যারাই আসবেন, সবারই 'করোনা' টেষ্ট করাতে হবে "। ডুমকৗ দ আচকাগে বহঃ খাটাও কাতেঃ এড়ে কাথায় মেন গদ কেদা, " সিস্টার আমি তো এক মাস আগে টেষ্ট করিয়েছি "। " ঠিক আছে, মোবাইলের মেসেজটা দেখান ", নার্স দিদি উশৗরাতেয় মেন রুয়ৗড় আদেয়া। ডুমকৗ দ চেৎ এ মেন আ, " মানে..মানে...ওই মোবাইলটা বাড়ীতে আছে "। ---না স্যার, তাহলে আপনাকে টেষ্ট করাতে হবে " লান্দা আতেয় মেন কেদা নার্স।
আর চেৎ এ চেকায়া বাপুড়িচ ডুমকৗ ! নার্স আর ডাক্তার সামাংরেয় দুড়ুপ এনা আডি বতর বতরতে। উনৗ দিন ডুমকৗ বুডহী মেন কাতেঃ হঁ 'করোনা' বায় বিডৗও ওচো দাড়েয়াকাদেয়া। টেষ্ট মাড়াংরে ঞুতুম ঠিকানা কো অল কেদা। মোবাইল নম্বর দ অড়াঃরে হেনাঃ সুইচ 'অফ' আকান মোবাইল রেনাঃগেয় এমাঃ কওয়া, চেদাঃ সে ডুমকৗ দয় আঁজম কেদা, বাংমা positive হুয় লেন খান দ বিশ(20 )মিনিট ভিতরিরে message হিজুঃ , আর বাংখান পে মাহা তায়ম final report দ হিজুঃ আ।
উশৗরাতে নার্স দিদিমুনি দ মু সুনুচরেনাঃ টেষ্ট কাডেজ বতলরে ভরাও কাতেঃ মুলুচ লান্দা আতেয় মেতা দেয়া, " "ধন্যবাদ স্যার,কোন চিন্তা নেই, আপনার মেসেজ ঠিক ঢুকে যাবে "।
ডুমকৗ দ রৗগি আর জিউয়ীরে ধুকুড় ধুকুড় বতর আতে গৗডিরেয় দেজ এনা। গৗডিরে দুড়ুপ কাতে গোটা হড়মোয় উদগৗর ভালভালাও এনা। মোবাইল ওডোক কাতেঃ অড়াঃরে দহ আকাৎ মোবাইলরেয় রিং কেদা। সুইচ 'অফ' গেয়া।
সিউড়ী বাজাররে বলয়েন খান ডুমকৗ দ আচকাগেয় গোটা কেদা, তেহেঞ দ বালায়া সাকায়া অড়াঃতে বায় সেনঃ আ। অড়াঃগেয় রুয়ৗড়া। গাডি ড্রাইভরে মেতাঃদেয়া, গৗডি আচুর লৗগিৎ, চেদাঃসে হড়মো জুতপাত বায় বুজ এদা মেনতে। ড্রাইভর দ কায়রাবাঁদি আতোতে গৗডিয় রুয়ৗড় আগুকেদা আর ভাড়া টাকা আতাং কাতেয় রুয়ৗড় জংআনা।
ডুমকৗ বুডহী দ আচকাগে উনি ঞেলতেয় কুলি কেদেয়া, "হেঁদাগো বাবু আপাত, চেদাঃ এম রুয়ৗড় হেচ এনা ?" ডুমকৗ দয় মেন কেদা, "হড়মো জুত বাঞ বুজহৗও এদা, অনাতেঞ রুয়ৗ ড় এনা।" ডুমকৗ দ অড়াঃ বলতরা অড়াঃরেনাঃ মোবাইল ঠেনে সেন এনা। 20 মিনিট রেনাঃ অনা positive message বল আকানা সে চেৎ, অনা ঞেল লৗগিৎ ! মোবাইল ঠেন সুর কাতেঃ হঁ মোবাইল বায় জটেৎ দাড়েয়াদা। হুদিশ কেদায়,আরহঁত পে মাহা তায়ম final report হিজুঃ গেয়া, উন গে নাহাঃ.. "। গোটা কেদায়, অনা মোবাইলগে বায় ' অন ' আ মেনতে। যাঁহা হুয়ুঃ আ, পে মাহা তায়মগে হুয় অচোয়ান !
পে মাহা ধুকু চুকুতেয় পারম কেদা ডুমকৗ। গোটা কেদায়, যাঁহাগে হুয় অচোয়ান, তেহেঞ দ message ঞেলতেগে হুয়ুঃ তায়া। আয়ুপ অক্তে পে পে গটেচ কড়ায় হহ সুর কেৎ কওয়া। বুডহী হঁয় হহ আদেয়া। সানাম হড় সামাংরে message এ ঞেল অচো কওয়া মেনতে। positive report হুয় লেনখান উশৗরাতে ডাক্তার ঠেনকো ইদি দাড়েয়ায়া।
মারাং কড়া রেঙটাগে অনা মোবাইল তিরেয় চাল আদেয়া আর মোবাইল অন কাতেঃ পশ্চিমবঙ্গ সরকারাঃ সাস্থ্য দপ্তর রেনাঃ মেসেজ ঞেলে মেতাঃদেয়া। মারাং কড়া রেঙটা উশৗরাতে অনা মোবাইলে 'অন'কেদা। সানামাঃ এ ঘাণ্টা কেদা রেঙটা। সাস্থ্য দপ্তররেনাঃ অকা message গে বাং বল আকানা। ডুমকৌ দ আচ তে মোবাইলে ঘান্টা কেদা। চেৎ হঁ বৗনুঃ আ। উনিয় হদিশ কেদা " তবেখান, মোবাইল নম্বর....গে....." বাপুড়িচ ডুমকৗ মাহাশয় দ আর হঁ গৗহির বতর আর ভাবনা জ্বালারেয় পাড়াও এনা !!!
.webp)
.webp)
