আবোওয়াঃ ওয়েব পেজ- ২২ ডিসেম্বর পছিমবঙ্গ মধ্য শিক্ষা পর্ষদ আঃ স্কুল ছুটি রেনাঃ তালিকা (২০২১) রে ধৗরতি আবা বীরসা মুন্ডা আঃ জানাম মাহা ১৫ নভেম্বর সেলেদ এন রেহঁ হুলগৗরিয়ৗ সিধু-কানু দ ছুটি তালিকা বাহ্রে রেগেকিন তাঁহেয়েনা। নোওয়া ঞেল কাতে আয়মা হড়গে গৗহির দুক্ কো সদর আকাদা মেনতে বাডায় আকানা।
নাগাম খন বাডায়ঃ কানা আদিবাসী কো মুদ্রে সানতাড় কোগে আদিবাসী কোওয়াঃ নানাহুনৗর দাবী দাওয়া লৗ ইতে মিৎ লেতাড়গে আঁদোড় আগুয়েৎ রেহঁ সরকারি হৗটিঞ রেদ ওনকোগে চাপো জোড়ো। চেৎ সেদায় চেৎ নাহাঃ। সিধু-কানু ঞুতুমতে নিৎহঁ সরকারী ছুটি তালিকারে বাং সেলেদ্ লেন্তে আয়মা হড়াঃ আয়-উমৗন অনকালেকাগে।
নঁতে হলা ২৪ ডিসেম্বর এইচ্. এস. পরীক্ষা রেনাঃ তালিকা অডং আকানা। অনারেহঁ ঞেলঃ কানা ৩০ শে জুন হুল মাহা হিলোঃ গে এইচ্. এস. পরীক্ষা রেনাঃ তালিকারে বিনিড মাহাহঁ পাড়াও আকানা। নোওয়া ঞেল কাতেৎ হঁ আয়মা হড়গেকো বেড়েম্ভা উতৗর আকানা। কুক্লি রাকাপ্ কানা ভারত দিশম ফুরগৗল লৗড়হৗইরে যাঁহায় তিকিনাঃ অসাম্ভেড় এনেম মেনাঃআ উনকিনাঃ ঞুতুম তেদো চেৎ পছিম বাংলা সরকারাঃ খাতারে অল বৗনুঃআ ? নোওয়া ইদিকাতে অবিশ্যি সোস্যালমিডিয়ারে ৩০ শে জুন হুল মাহা হিলোঃ এইচ্. এস. পরীক্ষা বাতিল রেনাঃ দাবী রাকাব এনা। তবে নিৎ ধৗবিচ্ অকা সানতাড়ী সংগঠন সে অকা গাঁওতা সে অকয় সানতাড়ি রাজৗরি নেতা সে এম. এল. এ., এম. পি. পাহ্টা খন হঁ রড় দারাম দ নিৎ ধৗবিচ্ আওরি ঞেল ঞামঃআ।
কোভিড-১৯ আওহৗলরে পছিম বাংলা সরকার ৯ আগস্ট, ধৗরতি জাকাত আদিবাসী জেগেত মাহারে লক ডাউন এ ঘোষনা লেদা উনরেহঁ নংকাগে শোস্যালমিডিয়ারে রড় দারাম রেনাঃ ভান্ড রাকাপ্ লেনা। দাবী রাকাপ্ লেনা আদিবাসী কোওয়াঃ জেগেত মাহারেগে চেদাঃ লক ডাউন দ ? উনরে অনা দাবী মানাও কাতে সরকার অনা মাহায় বদল লেদা। নিত ৩০ শে জুন হুল মাহা হিলোঃ এইচ্. এস. পরীক্ষা রেনাঃ দিন বদল আয় সে বাং অনাগে ঞেল রেনাঃ। সে নঁতে সানতাড়ী সংগঠন কো আর সানতাড়ী এম. এল. এ., এম. পি. কঁহ জৗপিৎ রেগেকো তাঁহেনা ?
.webp)
.webp)
