পুরুলিয়া, বাঁকুড়া, ঝাড়গ্রাম, পছিম মিদিনপুর, পুরুব বর্ধমান, বীরভূম, হুগলী, এমান এমান জেলা করে খন বাডায় ঞাম আকানা বাংমা অড়াঃ রেনাঃ সাত-কাম , বৗগি কাতে নোওয়া ডি.এম. ডেপুটেশন রে দোমেল দোমেল হড়কো সহর সেটের আকানা। বাডায় আকানা সানাম জেলা রেন জেলা পারগানা বাবা কোওয়াঃ অৗয়ুরতে জেলা ডি. এম. কোঠেন ডেপুটেশন কো চাল আৎ কোওয়া।
জেলা পিছি মিৎ বার আলাগ আলাগ দাবীকো তাঁহেকান রেহঁ মুড়ুৎ দাবী কদ মিৎ গে তাঁহেকানা। দাবী কো মুদ্রে বাডায় আকানা- ১) সানতাড় পৗরশিতে সেচেদ লৗগিৎ নাপায় পুরিকাঠামো বেনাও রাকাব হোয়োঃ মা, ২) সানতাড় পৗরশিতে সেচেদ উৎনৗও লৗগিৎ আলাগ বোর্ড গঠন করাও হোয়োঃমা, ৩) সানতাড়ি মিডিয়াম বিরদৗ গাড় করে সাতাম পিছি মাচেৎ বাহাল কো হোয়োঃ মা, ৪) জাল সার্টিফিকেট বিরুধরে কৗডরৗই বন্দেজ হাতাও হোয়োঃ মা, ৫) আদিবাসী কোওয়াঃ খাস জমি করেনাঃ পাট্টা আর রেকর্ড রেনাঃ লগন বন্দেজ হাতাও হোয়োঃ মা, ৬) সানতাড় সমাজ রেন মড়ে হড় কো পুরোহিত ভাতা বাং কাতে পছিম বাংলা সরকার নায়কে ভাতা ঞুম কাতে নাওয়া কারতে সার্কুলার জৗরি করাও হোয়োঃ তায়া।
পনৎ পারগানা মানতান বাদল কিস্কু তেহেঞা ডি.এম. ডেপুটেশন রে সহর সেটের লেন সানামকো গুণমানাও সারহাও আর হুলসাই জোহার এ চাল আকাদ্ কোওয়া মেনতে বাডায় আকানা।
.webp)
