আবোওয়াঃ ওয়েব পেজ- পুরুলিয়া জেলারে নিরন বঁগা সেটেরঃ সাঁওতে কুঞ দাঃ, ডৗডি দাঃ,বাঁধ,পুখরি, গাডা, ডঢা গটায় গে দাঃ রেনাঃ আকাল ঞেলঃ আ। অনকান জায়গারে উড়িষ্যা রেন মানতান উমেশ চন্দ্র কিস্কু গোমকে সিধু-কানু মিশন রে দাঃ রেনাঃ আনাট মেটাও লৗগিৎ আডি মারাং কুঞ এ বেনাও আদ্ কোওয়া। বাডায় আকানা নোওয়া কুঞ বেনাও রেনাঃ সানাম খরচ গে মানতান কিস্কু মিশনে এম চাল আকাদেয়া।
নোওয়া কুঞ দাঃ তে মিশন রেন পৗঠুওয়ৗ কোওয়াঃ তেতাং তিরপিতঃ আ মেন্তেগে মিশন রেন থাপনিয়ৗ মানতান নরেন হাঁসদা গোমকেয় লৗই সদর আকাদা। মানতান হাঁসদা আর হঁয় লৗই সদর কেদা বাংমা নোওয়া কুঞ দাঃ তেগে মিশন রেনাঃ নানাহুনৗর আড়াঃ সাকাম চাষ কৗমি রেনাঃ জগান হঁয় এম দাড়েয়াঃআ। ঞু দাঃ রেনাঃ আনাট রে আতো হড় হঁ নঁডেনা দাঃ কো বেওহার দাড়েয়াঃআ মেন্তেহঁ মানতান হাঁসদায় লৗই সদর আকাদা। অনাতে আতো হড় হঁ রৗস্কৗ কো সদর আকাদা। সিধু-কানু মিশন লৗগিৎ নংকান দাঃ রেনাঃ বন্দেজ খৗতির মানতান হাঁসদা সিধু-কানু মিশন পাহ্টা খন আডি আয়মা সারহাও এ চাল আকাদেয়া মানতান উমেশ চন্দ্র কিস্কু গোমকে।
তেহেঞ ৩ নভেম্বর অনা বেনাও সৗত আকান কুঞ রেনাঃ দাঃ মানতান উমেশ চন্দ্র কিস্কু গোমকে পোয়লো রাকাপ কাতে আর ঞু কাতে কুঞ এ উঢৗও কেদা। নোওয়া কুঞ উঢৗও আখড়া মিশন আডি জাঁক জমক আতে সাপ্ড়াও লেদায় মেন্তেহঁ বাডায় আকানা। নোওয়া উঢৗও আখড়া রে মানতান কিস্কু রেন গাতে মানতান পরেশ হাঁসদা সাঁওতে আরহঁ আয়মা মিশন দরদিয়ৗ কো সেটের তাঁহে কানা।
মানতান হাঁসদা আঃ মচা খনগে বাডায় আকানা মানতান উমেশ চন্দ্র কিস্কু গোমকেয়াঃ অড়াঃ উড়িষ্যা রেনাঃ বালেশ্বর রে কান রেহঁ উনিদ খড়গপুর ডিভিশন রেলওয়ে রেন মিৎ অফিসার লেকাতে খড়গপুর রেগে তাঁহেনায়। আরহঁ বাডায় আকানা বাংমা নোওয়া মাড়াং হঁ মানতান কিস্কু সানাম পৗঠুওয়ৗ গিদরৗ কো লৗগিৎ আঁগরপ-পিন্টুল সাঁওতে মিশনরে আয়মা অক্তে কৗউডি গড়-সপহদে এম চাল আকাদা।
.webp)
