ধর্মেন্দ্র টুডু, মানবাজার- ভারত জাকাত মাঝি পারগানা মহল আর যুওয়ৗন মহল পাহ্টা খন মিৎ গছা দাবী ইদিকাতে পুরুলিয়া জেলা মানবাজার-২ ব্লক, বিডিও ঠেন হলা ৫ নভেম্বর ডেপুটেশন কো এম কেদা। বাডায় আকানা নোওয়া ডেপুটেশন রে মান মুলুক রেন এয়ায় গটাং পীড়রেন পারগানা বাবা,মাঝি বাবা সাঁওতে মাঝি হপন, এরা এমান কো সেটের লেনা মেন্তে বা্ডায় আকানা।
দাবী কো মুদ্রে বাডায় আকানা ১) পছিম বাংলা সরকার ২০১২ সালরে ঘোষনা লেকাতে আদিবাসী এলেকারেন নানাহুনৗর সরকারী দপতর রে অলচিকি আর সানতাড়ি বাডায়ান হড় লগনতে বাহাল কো হোয়োঃমা, ২) এলেকারে তিনাঃ আপার প্রাইমারী,সেকেন্ডারী আর হায়ার সেকেন্ডারী আবাসিক বিরদৗ গাড় মেনাঃআ আর নিত তিনৗ চৗলু মেনাঃআ অনারেনাঃ হিসৗব এম হোয়োঃ মা। আর বন্দ আকান হোস্টেল কো লগন চৗলুয় হোয়োঃমা। ৩) এলেকারে তিনাঃ সানতাড় শিল্পী ভাতাকো ঞামা ওনকোয়াঃ ঞুতুম আর ঠিকৗনা এম হোয়োঃ মা। ৪) পুরোহিত ভাতা ঞুতুম পাল্টাও কাতে মাঝি/নায়কে ভাতা হোয়োঃ মা। ৫) সারিন আদিবাসী কো এঁডাঃ কাতে অ-আদিবাসী কো এস.টি সার্টিফিকেট এম বাং গানোঃ আ। ৬) আদিবাসী এলেকারে সরকার অনুমোদন পৗউরা দোকান আর চোলাই পৗউরা দোকান আডি লগন বন্দ রেনাঃ বন্দেজ করাও হোয়োঃ মা।
বাডায় আকানা বিডিও সাহেব আয়াঃ এক্তিয়ার রেনাঃ কৗমি কো তলাস কাতে ঞেলায় মেন্তে মহল রেন প্রতিনিধি কোয় বাডায় অচো আকাত কোওয়া।
.webp)
