আবোওয়াঃ ওয়েব পেজ- পারমেন ২৫ নভেম্বর মড়ে গটাং পনৎ রেনাঃ হাঁডে নাঁডে আরহঁ সেগেল অভিযান পাহ্টা খন জে. এম. এম নেতা নলিনী সরেন, দীনেশ উইলিয়ম মারান্ডি, বিজয় কুমার হাঁসদা সাঁওতে ঝাড়খন্ড পনৎ রেন মুখিয়ৗ মন্ত্রী মানতান হেমন্ত সরেনাঃ কুশপুতলা কো রাপাঃ রঁগঁ কেদা। অনা সাঁওতে উড়িষ্যা আসেকা আঃ হঁ কুশপুতলা কো আতার তরা কেদা। বাডায় আকানা বাংমা সেঁগেল অভিযান ঠেন ওনকো দ অলচিকি বিরোধী, আদিবাসী বিরোধী কানাকো মেন্তে ওনকোওয়াঃ কুশপুতলা কো রাপাঃ কেৎ তাকোওয়া। আর হঁ বাডায় আকানা বাংমা ওনকোদ আদিবাসী কোওয়াঃ হাসা-ভাষা-জৗত-ধরম আর আদিবাসী কোওয়াঃ মৗন-ইজ্জত বাঞ্চাও বিরোধী কানাকো।
নঁতে আরহঁ আয়মা হড়গে নোওয়া কুশপুতলা রাপাঃ রেনাঃ অৗডি জোর কো নিন্দা আকাদা। নোওয়া ইদিকাতেৎ আয়মা গুণিজন হড়গে কৗটিচ্ কৗটিচ্ গিদ্রৗ সামাংরে কুশপুতলা রাপাঃ রেনাঃহঁ বৗড়িচ্ মেৎ তেগেকো ঞেল্ এদা মেন্তে বাডায় আকানা। অনা বেগর ধরম কোড ঞাম লৗগিৎতে জিউয়েৎ হড়াঃ কুশপুতলা রাপাঃ রঁগঁ হোয়োঃ আ অনাদ আয়মা হড় গে অন্তর মনে খন বাংকো মানাও বাতাও দাড়েয়াঃ কানা মেন্তেহঁ বাডায় আকানা। অনাবেগর আদিবাসী কোওয়াঃ কুশপুতলা রাপাঃ কাতে আদিবাসী কোওয়াঃ আনাট তিসহঁ বাং সলহে আ মেনতেহঁ আয়মা হড়াঃ মচা খনগে আঁজমঃ কানা। অনাতে নোওয়াকো ঞেল কাতে আয়মা হড়গে সেঁগেল অভিযান আঃ আদিবাসী বিরোধী হিঁসৗলিয়ৗ কৗমি হরা গেকো ঞেল এদা মেনতেহঁ আকোওয়াঃ মতামত কো সদর আকাদা।
.webp)
