আবোওয়াঃ ওয়েব পেজ – তেহেঞ ২ নভেম্বর ভারত জাকাত মাঝি পারগানা মহল কালনা ২ মুলুক তারিরে হেনাঃ কল্যানপুর আঃ সৗহিজুহিতে একচাকা আতোরে মিৎ মারাং ধরম বৗইসি হুয় পারমেনা।
নোওয়া ধরম বৗইসি আখড়ারে গালচিয়ৗ লেকাতে সেটের কো তাঁহে কানা পনৎ পারগানা বাবা মানতান বাদল চন্দ্র কিস্কু,বর্ধমান জেলা পারগানা বাবা পৃথ্বী মুরমু,পনৎ সুসৗরিয়ৗ মানতান সুধীর মুরমু সাঁওতে আরহঁ সহর সেটের কো তাঁহেকানা কালনা ১, ২ মুলুক কুমুট আর কালনা কাটোয়া তল্লাট পারগানা বাবাকো আর পীড় পারগানা বাবাকো।
ধরম বৗইসি আখড়ারে আয়মা গালচিয়ৗ কোগে সাঁওতা রেনাঃ ধরম কৗমি কদ সানাম টঠারে মিৎ লেকাগে হোয় লৗক্তি কানা মেন্তে আকোওয়াঃ কাথা কো সদর আকাদা। গচ্-গুর, ভাঁডান, বিহৗ-বাপলা, ছুত্-ছৗটিয়ৗর এমান অৗরি কহঁ মিৎ লেকাগে জৗরুড়া মেন্তেক রড় কেদা। ধরম আরিচৗলি বাং মিৎ খৗতির গে তেহেঞ সাঁওতা রেন আয়মা হড়গে এটাঃ এটাঃ ধরম রেনাঃ রায়-রীত কো মানাও বাতাও এদা আর তায়ম দারাম এটাঃ ধরম সেন কো মঁহডা কানা মেনতেহঁ গালচিয়ৗকো নংকান কাথাকো সাব্ রাকাব কেদা।
সান্তাড় সাঁওতারে ধরম আরচৗলি কৗমিহরা কো সানাম জায়গারে মিৎ লেকাগে হোয়োঃ মা আর সান্তাড় সাঁওতা খন যাতে অকয়হঁ এটাঃ ধরম সেন আলো কো মঁহডাঃ, অনা উইহৗর কাতেগে নংকান ধরম বৗইসি আখড়া কো সাপ্ড়াও লেদা মেন্তে বাডায় আকানা।
.webp)
