আবোওয়াঃ ওয়েব পেজ- ভারত দিশম ফুরগৗল লৗড়হৗই রে সানতাড় হুল রেনাঃ এনেম, তামাম আদিবাসী হড়-হপন তিসহঁ বাংকো হিড়িঞ কেয়া। আর অনা সানতাড় হুল রেন হুলগৗরিয়ৗ দকিন তাঁহেলেনা সিধু-কানু। অনাতে উনকিনাঃ ঞুতুম দিশৗ দহয় লৗগিৎ তেহেঞ আয়মা জায়গারে সিধু-কানু ঞুতুম তে ক্লাব গাঁওতা খন এহব কাতে ইস্কুল, কলেজ, বিশ্ব বিদ্যালয় এমান রেনাঃ ঞুতুম হোয় আকানা। এমন চেৎ উনকিন ঞুতুমতে আয়মা জায়গারেনাঃ মোড়, চক, চৌরাস্তা/চৌরঙ্গী,হাট,বাজার,শাহার-নাগার, স্টেডিয়াম, আতো, পল্লী এমান রেনাহঁ ঞুতুম ঞেলঃ গঃআ। আয়মা জায়গারে উনকিনাঃ মুঠৗন হঁ ঞেল ঞামঃ আ আর নিৎহঁ আয়মা জায়গারে মুঠৗন থাপন ইদিঃ কান গেয়া।
অনকাগে তেহেঞ ১ নভেম্বর, বীরভুম জেলা রেনাঃ বাসতাপুররে আতো ষোলো আনা আর খয়রাশোল যুওয়ৗন মহল আঃ কুরুমুটুতে আডি জাঁক-জঁমক আতে সিধু-কানু মুঠৗন কো উঢৗও কেদা।
নোওয়া উনুঢৗও আখড়া রে মারাং পেড়া লেকাতে সেটেরে তাঁহেকানা বিরৗদালি সিধু-কানু বংশ রেন মানতান মন্ডল মুরমু গোমকে। পুরুলিয়া জেলা ভারত জাকাত যুওয়ৗন মহলরেন সভাপতি মানতান রাজেন টুডু, পছিম বর্ধমান জেলা পারগানা বাবা সিদ্ধার্থ মান্ডি, ডঃ শিবশংকর সরেন (ঝাড়গ্রাম), মহেন্দ্র সরেন, সঞ্জয় মুরমু,বাবুলাল হেম্ব্রম এমান। সাঁওতে আরহঁ আয়মা সাঁওতা দরদিয়ৗ সুসৗরিয়ৗ কো সেটের তাঁহে কানা মেন্তে বাডায় আকানা।
.webp)
