সিঁগি মাহা রেনাঃ সাকাম ‘চেরেচ্ আড়াং’ লেখা-০৮ (সাকাম-১)

সাকাম-১

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- বিজয় কিস্কু , রাবন হেম্ব্রম, সারি ধরম হাঁসদা, দুগাই টুডু, বাড়তাঙ সরেন,  শ্রী কা ন্ত স রে ন,  ᱥᱩᱵᱩᱫᱤᱭᱟᱹ ᱢᱩᱨᱢᱩ, সনাতন টুডু

 

বিজয় কিস্কু , ক্লাস -VI

জেলা - পুরুলিয়া

 

রাবন হেম্ব্রম, ক্লাস - IX

জেলা - পুরুলিয়া

১।।

 লেঞবিঞ 

 সারি ধরম হাঁসদা

    

 আম দ বিঞ    লেঞবিঞ
                  আলম খাবোলিঞ,
   টৗটি ঠেসা      গাঁডে দুওয়ৗর
                   আলম তালম তিঞ। 

   সোর আমৗঞ    গুড় গতম
                     সাঁওতে তোওয়া দাহে,
    পখাও কৗমৗঞ   লেট খিরি
                       লেদগে লেহে লেহে।

      আম দ বিঞ      লেঞ বিঞ
                           আলম জটেদিঞ,
        গাতে গৗহির গাপান কাথা
                           কাথাম দহয় তিঞ।

         আলম সাড়ঃ   হাঁডে নাঁডে
                           বাড়গে সিঁয়ৗড় করে,
         তিরুব কাতাম   সগাঃ মাতাম
                            হিজুঃ সেনঃ হররে।

            =*=*=*=*=*=*=*=

২।।

 গিদৗ

  দুগাই টুডু

হুডিঞ হুডিঞ গিদৗ  তালে
          একাল গে বায় মারাং,
কেঁড়েচ্‌ দঁড়েচ্‌ রড় তায়
          সেবেল মিরু আড়াং।

কৗটিচ্‌ কৗটিচ্‌ জাঁগা ভালা
            তি হুরলৗও বাডায়,
জোর দৗড় বাড়া রেদ
            ভিঁদৗড় গদঃ আয়।

তিন রেচং কাসাৎ কুসুৎ
         তিন রেচয় লাঁদায়,
তিন রেচং মনে মনে
         বাডাক বুডুক এদায়।

অকারেদ গাতেঃ কানায়
         অৗডি রৗস্কৗ সালাঃ,
অকারেদয় মেনাঃ পাড়হাঃ
        সেঁড়াও আঞপে দেলা।

তিন রেচং হায় হাপোঃ
        অৗডি ওহায় মিরলুং,
জম বাড়ারে বায় কুশিঃ
        এম্‌রে কৗটিচ্‌ চুলুং।

আয়ো বাবা হহ রেদ
         উনগেয় দৗড় সুরঃ,
অনে আদ অৗচু লেখান
         মনে দুরঃ দুরঃ।

=*=*=*=*=*=*=*=

 ৩।।

 পেড়া

বাড়তাঙ সরেন

পিয়ো চেঁড়েঁয় পিয়োকেদা
                 আলে রাচারে,
পেড়া দকো সেটেরেনা
                  সেতাঃ তরারে।

দেসে নায়ো ওডোং মেসে
               লোটা দাঃ আতে,
পেড়া দলাং দারাম কওয়া
              গড্ জোহার আতে।

ইসিনালাং পাতড়া পিঠৗ   
             শুকরী জিল আতে,
পেড়া দলাং এমা কওয়া
              রৗস্কৗ মনে আতে।

=*=*=*=*=*=*=*=

৪।।

 আলেয়াঃ বাড়গে

    শ্রীকা ন্ত স রে ন

আলে কুডৗমরে মেনাঃ আকাৎ
          হুডিঞ হুডিঞ বাড়গে
বাহা বাং বাহাঃ রেহ
            সাকাম ক দ সাড়গে।।

মাৎ দারে কান্ঠাড় দারে
         তিসহঁ বাং গুজুঃ
জৗনুম জ বেলে লেনখান
         রাবাং দিন হিজুঃ।।

মাতকম দারে মেনাঃ আকাদে
          মাঝি হাড়াম লেকা
জৗনুম দারে আঁজির দারে
         সাজাঃ আকিন লেকা।।

চল্লা দারে শিরীষ দারে
        জেলেঞ তি- জাঁঙ্গা হড়
আমড়া দারেয় হারাঃ রেহঁ
        মনেয়ালে নুইদ ঢড়।।

মেনাঃ আকাদা এদেল দারে
          বাহাঃ আ আরাঃ জেঁগেৎ
কিষ্টচূড়ৗ বায় উসুলৗ   
         গাতেঃ আয় উনি সঁগেৎ ।। 

 =*=*=*=*=*=*=*=

 ৫।।

   ᱪᱟᱸᱫᱚ ᱢᱟᱢᱟ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱮᱨᱢᱟ ᱪᱮᱛᱟᱱ
ᱪᱟᱸᱫᱚ ᱢᱟᱢᱟ
ᱟᱹᱰᱤ ᱫᱟᱭᱟ ᱟᱱᱟᱭ ᱿

ᱥᱮᱛᱟᱜ ᱟᱹᱭᱩᱵᱽ
ᱛᱚᱣᱟ  ᱫᱟᱠᱟ
ᱩᱱᱤ ᱮᱢᱟ ᱦᱟᱢᱟᱭ ᱿

ᱡᱩᱫᱤᱢ ᱦᱳᱭᱳᱜ
ᱱᱟᱯᱟᱭ ᱵᱟᱵᱩ
ᱪᱟᱸᱫᱚᱭ ᱜᱚᱲᱚ ᱟᱢᱟ ᱿

ᱛᱚᱦᱚᱫ ᱛᱟᱹᱠᱤᱡ
ᱵᱷᱤᱸᱫᱟᱹᱲ ᱠᱚᱨᱮ
ᱩᱱᱤᱚᱭ ᱥᱳᱛᱳᱜ ᱠᱟᱢᱟ ᱿

 =*=*=*=*=*=*=*=

৬।।

 জালা

সনাতন টুডু

নায় ধারেরে কৗশি বাহা
মুলুচ্‌ মেসায় লাঁদায়
সেরমা চেতান রাহ্‌লা রিমিল
তিনৗ কুক্‌মুয় ছাঁদায়।।

দাঁসায় রেনাঃ বুয়ৗং সাডে
হায়রে হায় আতে।
দুক সাঁওতে রৗস্কৗ মনে
চিকৗঞ সদর আপে।।

=*=*=*=*=*=*=