সিঁগি মাহা রেনাঃ সাকাম ‘চেরেচ্ আড়াং’ লেখা-০৮ (সাকাম-২)

 

সাকাম-২

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, সুচাঁদ হাঁসদা, গাতে টুওয়ৗর, বিভূতি ভূষণ সরেন, ᱜᱳᱯᱮᱥᱣᱚᱨ ᱢᱟ.ᱱᱰᱤ, সত্যেশ্বর মুরমু, অনল বিঁদি

 

রিলৗমালা মুরুমু, ক্লাস- III
জেলা - পুরুলিয়া

 

৭।।

 হপন বৗবু

সুচাঁদ হাঁসদা 

হপন বৗবুয় ধুতি আকান ,
বহঃ রেতায় দৗহড়ি ৷
দৗহড়ি রেতায় মারাঃ ইল ,
জাঁগারে ঝুনুর পৗইড়ি ৷

 

তি-রেতায় হতৎ ভুওয়ৗং ,
চালাঃ এ দাঁসায় এনেচ ৷
কুসি আর রৗসকৗতে,
লাঁদায়েৎ খেনেচ খেনেচ ৷

 

এনেচ লেখান কয়কো এমঃ ,
হড়  হড়  পৗয় ৷
লুহুক আতে এ এনেচ কানা ,
ঞেঁলে পেনা দৗয়।

=*=*=*=*=*=

 

৮।।

 গিদরৗ বৗউলি

গাতে টুওয়ৗর

       

ডাংরি গুপি লিপি টুটি
মেরম গুপি চঁড়য়াল ,
কাডা গুপি তিরয়ো অরং
ভিডি গুপি কাওয়াল ।

 

সিম সাঁডিদ কুকুড় কু
মারাঃ কদ হেঁয়ো ,
চুরু চুরু বোরসে এঁগা
সাবেরে কেঁয়ো কেঁয়ো ।

 

মুনগৗ রাসে রবচ্ রবচ্
রাসে উতু পাপাঃ ,
গড়ম হাড়াম ফগড়া মচা
থুতি লাপাঃ লাপাঃ ।

 =*=*=*=*=*=

 

৯।।

 হৗকু রাপাঃ সাঁও দাঃ মৗডি

 বিভূতি ভূষণ সরেন 

 মাঝি কওয়া মারাং বাঁধ 
পেরেচ্  চেহেল-চেপেল, 
হপন কড়া বাঁড়শি গিডি 
ঞু হিড়িঞায় দাঃ মাডিঃ। 

 

বাঁড়শি লাড়াও টুপ -টুপ 
হৗকু রাকাপ ক ঝুপ-ঝুপ,
মনে রেমাঃ আডি রৗস্কৗ 
বায় দিশৗয় জম বৗস্কৗ।

 

হৗকু অড়াঃ আগু কাতে 
বুডিগ মেতায় রাপাঃ দেসে, 
বুলুং-মৗরিচ্ এমৗঞ মেসে।
সিপি কোওয়াঞ ঞেল মেসে। 

দাঃতে ঞুয় কডচ্ কডচ্ 
বুডিগয় কয়ঃ মডঃ মডঃ, 
লুলু ছনা সারেচ্ মেসে
দুড়ুপ্‌ মেনৗঞ কয়ঃগ্‌ মেসে।

 

    =*=*=*=*=*=

 

১০।।

  ᱦᱚᱯᱚᱱ ᱵᱟ.ᱵᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱦᱚᱯᱚᱱ ᱵᱟ.ᱵᱩ ᱦᱚᱯᱚᱱ ᱵᱟ.ᱵᱩ
ᱫᱟᱠᱟᱭ ᱡᱚᱢᱮᱫ ᱛᱟᱞᱮ,
ᱢᱤᱫ ᱜᱷᱟ.ᱲᱤᱡ ᱛᱟᱸᱜᱤᱭᱮᱯᱮ
ᱡᱚᱢ ᱠᱮᱫᱟᱭ ᱯᱟᱞᱮ ᱾

 

ᱟᱞᱮ ᱦᱚᱯᱚᱱ ᱵᱟ.ᱵᱩ ᱦᱚᱸ
ᱤᱥᱠᱩᱞ ᱮ ᱪᱟᱞᱟᱜ,
ᱚᱞᱚᱜ ᱯᱟᱲᱦᱟᱣ ᱥᱮᱬᱟ ᱠᱟᱛᱮ
ᱢᱟᱨᱟᱝ ᱦᱚᱲᱮ ᱵᱮᱱᱟᱜ ᱾

 

ᱜᱟ.ᱰᱤ ᱥᱟᱫᱚᱢ ᱛᱮᱭᱮ ᱫᱟᱬᱟᱱ
ᱢᱤᱫ ᱜᱷᱟ.ᱲᱤᱡ ᱛᱮ,
ᱵᱟᱡᱟᱨ ᱥᱟᱦᱟᱨ ᱟ.ᱛᱳ ᱴᱚᱞᱟ
ᱟ.ᱪᱩᱨ ᱵᱤᱦᱩᱨ ᱛᱮ ᱾

 

ᱦᱟᱥᱟ,ᱵᱷᱟᱥᱟ,ᱡᱟ.ᱛᱤ ᱫᱷᱚᱨᱚᱢ
ᱞᱟ.ᱜᱤᱫ ᱮ ᱞᱟ.ᱲᱦᱟ.ᱭ,
ᱨᱮᱸᱜᱮᱡ ᱚᱨᱮᱡ ᱥᱟᱦᱟᱭ ᱞᱟ.ᱜᱤᱫ
ᱟᱭᱟᱜ ᱠᱟ.ᱢᱤᱭ ᱠᱟ.ᱢᱦᱟ.ᱭ ᱾

   =*=*=*=*=*=

 

 

১১।।

 গিদরৗ বৗউলি

সত্যেশ্বর মুরমু

‍          

 হপন বৗবু
আমড়া ঠৗবু
জমরে অৗডি মজ।

 

সিবিল কাঁসা
চমকরচ্
আর হঁ নাসেম খজ।

=*=*=*=*=*=

 

১২।।

 হাড়াম বুঢিয়াঃ রপঃ

অনল বিঁদি

         

অল রাইট ভাগোওয়া টাইট
গড়ম হাড়াম রাটপাট
লিঁগঞ সঁগঞ গড়ম বুঢি
রৗগিতেয় এগের ফাট ফাট !

 

সজঃ জহঃ চাডরা বহঃ
ললয়েন তায় আচকা গে
দৗড় চালাও এনে রৗগিতে বুঢি সুর
চেৎ এম লৗয়া টাটকা গে !

 

সাপাব এনকিন রপঃ এন কিন
কাডা ভেডা বানা হড়
ছুটৗউ এন কিন তুপুদ তাপাম
দাল দাপাল আর গপহড় !

 

জনঃ আতে কুডৗম সাতে
হাড়াম ক লাগায়ে রৗগিতে
দৗড় অক্ত আডি শক্ত
বুঢিয় ভিদাঁড়েন ডিগবৗজিতে !

 

জলন জালা রৗগি হালা
লগনগেয় দৗড় বেরেদ এন
বতর সাতলাঃ হাড়াম খাতরা
লগন দারে রেয় দেজ এন !

 

লাতার খনাঃ ভাগোওয়ারে গহড়
বুঢি আডি রৗগিতে
জানুম ঝৗবু রেকিন ঞুঁরেন বানাহড়
চেতান খনাঃ ডিগবৗজিতে !

 

ইনৗ তায়ম রাপা রুপু 
ঝুড় খন কিন অড়ক এন
নেমসেন কিন রাড়েজ এনকিন
হাড়াম বুঢি কিন জড় এন !

 

=*=*=মুচৗৎ =*=*=