হুডিঞ মাছা কৗহ্নী
বুরু লিঁদির
দুর্গাচরণ মুরমু
দুর্গাচরণ মুরমু
তেহেঞ দ সিঙ্গে মাহা সরকারী আপিস আদালত জত গে বন্ধ গেয়া। রমেশ আর জৗলিম দ মিৎটান আপিস রে কিন কৗমিয়ৗ। আডি কিন গাতে আকানা। আপিস ছুটি দিন দ যাওগে পার্টি কিন মানাও আ—আরাঃ ফৗরিয়ৗ জিল চাখ্না স্ল্যাট দকিন পৗরকৗও গেয়া। তিন ঘৗড়িচ গ্লাসরে দুল কাতে বাং কিন জেঁবেৎদা উন ঘৗড়িচ কাথা গে বাং জমাঃ কান তৗকিনা।
রমেশ বাবু দ চৗকরী ঞাম কাতেৎ মড়ে-তুরুই সেরমা ভিতির রেগে আসানসোল বাজার ধারে রে অত হাসা হাতাও কাতে আডি নাপায় পাকা অড়াঃএ বেনাও জং আকানা। গাপা নাগ্ দিন খানগে গেল-এয়ায় সের্মা পুরাঃ কান তায়া সরকারী চাকরীরে বাহাল কাতে। অনাতে তেহেঞা সিঙ্গৗড় দ আডি এটাঃ গে ঞু আতে,সেরেঞ আতে, থুতি আতে রৗস্কৗ রমজ জং কানা।
রমেশ দ কাথা কাথাতে জৗলিম বাবুই লৗই আই কানায় - ইঞৗ আতু দিশম অড়াঃ দ গোর্গাবুরু সুররে বির ভিতির রে লিঁদির ঘুটু। নওয়া আতু রেদ জৗস্তি কায়তে সান্তাড় গে মেনাঃ কওয়া। সান্তাড় হড় দ উন অক্ত অল পাড়হাও উনাঃ বাং ক বাড়ায় কান তাঁহে। গেল-বার গটাং পৗরিস রেন হড় ক তাঁহেলেন রেহঁ জমি জায়গা পর্চা দলিল রেদ পদবী সে টাইটেল দ মাঝি গে মেনা: তাকওয়া। আলে দ ইরৗল গটাং অড়াঃ লে তাঁহে কানা। অনাতে সান্তাড় তে রড় গালমারাও এনেচ, সেরেঞ সান্তাড়াঃ সানাম লেকান অৗরিচৗলি লে বাড়ায় আকাদা।
সান্তাড় তে রড় দাড়েঃ তে এস টি সার্টিফিকেট ঞাম তে চেৎ হঁ এটকেটড়ে বাং হুয় আকানা।চেদাঃ সে আধান জমি জায়গা পর্চা রেমা জৗতি ঞুতুম অল গে বৗনুআ আর আলে হঁ মাঝি টাইটেল লে অলা আর সান্তাড় কহঁ। গ্রাম পঞ্চায়েত প্রধান মাতো আলেরেন নাপায় উপরুম হড়ে তাঁহে কানা। প্রধান ঠেন খন সান্তাড় জৗতি সার্টিফিকেট হাতাও কাতে, এসটি সার্টিফিকেট ইঞ করাও লেৎ তে সরকারী চৗকরীরিঞ বাহাল আকানা আর ইঞরেন পেনে গিদরৗ আঃ হঁ এসটি সার্টিফিকেট ইঞ করাও হচ আকাদা।
জৗলিম বাবু,আম দ বাঙ্গালী কান তেম লৗই আম কানাঞ সৗরি কাথা দ হুয়ুগ কানা " ইঞদ সান্তাড় দুঞ বাং কানা - আলে দ কুঙ্কাল জৗতি রেন হড় কানা লে।"
.webp)
.webp)
