আবোওয়াঃ ওয়েব পেজ- একেন আদিবাসী কো লৗগিৎ গে রিজার্ভেশন, জাল সার্টিফিকেট লৗইতে আদিবাসী কোওয়াঃ জুড়ু দখল বাং চাল আ। নংকান শ্লোগান গে রাকাব্ হেচ এনা পুরুলিয়া জেলা সাহেব বাঁধ সোর মানস সরোবর লজরে ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ সৗহিজুহিতে সাপ্ড়াও লেন গাপাল মারাও আখড়া খন। ফেক এস.টি. বিরুধরে রড় দারাম আর ওনকো শাসেৎ ঞাম অচয় লৗগিৎ গে নংকান জুমিদ্ কৗমি হরা জেলা জেলা করে হুয় ইদি কানা।
বাডায় আকানা পুরুলিয়া রেনাঃ গাপাল মারাও আখড়ারে আয়মা আদিবাসী সমাজ খন গে মাড়তে লেকাতে আয়মা হড়গে সেটের কো তাঁহেকানা। আর সেটের তাঁহেলেন সানাম কোগে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন গড় কো এমায়া আর নংকান মহতী কৗমিহরা লাড়াওনারে সানামকোগে তাঁরেন তাঁরেনরে তি দহ কাতে নংকান নাহাচার বিরুধরে কিরৗকো হাতাও কেদা মেন্তেহঁ বা্ডায় আকানা।
নোওয়া সিঁগিমাহারেনাঃ গাপালমারাও আখড়ারে রঘুনাথপুর কলেজ রেন অ্যাসিস্ট্যান্ট প্রফেসর মানতান কালিপদ সিং মুড়া, মাহালী সমাজ পাহ্টা খন জেলা সভাপতি মথুর চন্দ্র মাহালী, কোড়া সমাজ খন মুড়ুৎ মাচেৎ যাদব মুদি,ভূমিজ সমাজ খন জেলা সভাপতি লক্ষীনারায়ণ সিং সর্দার, ভারত জাকাত মাঝি পারগানা মহল পাহ্টা খন কোলেন মুরমু এমান গৗখুড়িয়ৗকো সাঁওতে আয়মা স্কুল, কলেজ করে খন মনোরঞ্জন মুদি, বাতাসি মাঝি, প্রভাতি মুরমু, পরি কিস্কু, গুলাচি হাঁসদা এমান সেটের কো তাঁহেকানা।
পুরুলিয়া জেলারে সানাম লেকান আদিবাসী সমাজ পাহ্টা খন নংকান সাড়া সৗবুদ্ ঞাম খৗতির আখড়া আ-আয়ুরিচ্কো মুদ্রেন মানতান প্রশান্ত মান্ডি সানামকো সারহাও কাতে লৗই কেদা-‘ আবো সানাম গাঁতাত্ রেন আদিবাসী কো যুদি বন জুমিৎ দাড়েয়াঃআ এনখান আবোওয়াঃ জিৎকৗর হোয়োঃ গেয়া’। আদিবাসী সমাজরে নিৎ ফেক এস.টি. যে মিৎ মারাং ইস্যু কানা অনা লৗইতে অকয়াঃ মনেরেহঁ দিগ্ধৗ বৗনুঃ আকাদা। আদিবাসী কো নানাহুনৗর ভাতা আর তুমদা-টামাক এম কাতে ভুলৗও দহ বাং গানোঃআ অনাদ অৗডি আল্গা তেগে আয় উমানঃ কানা।
.webp)
.webp)
