সিঁগি মাহা রেনাঃ সাকাম ‘চেরেচ্ আড়াং’ লেখা-০৯ (সাকাম-১)

 

সাকাম-১

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, ময়ূরাক্ষী মুরমু,  - ᱥᱩᱵᱩᱫᱤᱭᱟᱹ ᱢᱩᱨᱢᱩ, সারি ধরম হাঁসদা, শ্রী কা ন্ত স রে ন, -বাড়তাঙ সরেন, দুগাই টুডু, সনাতন টুডু।

রিলৗমালা মুরুমু, ক্লাস- III
জেলা - পুরুলিয়া

ময়ূরাক্ষী মুরুমু, ক্লাস-IV
 জেলা- ঝাড়গ্ৰাম

১।।

 ᱠᱩᱢᱟᱹᱝ

   - ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱵᱟᱲᱮᱰᱤ ᱨᱮᱱ
  ᱠᱩᱱᱤ ᱦᱟᱛᱚᱢ
ᱢᱮᱛᱟᱭ ᱠᱟᱱᱟᱭ  ᱠᱩᱢᱟᱹᱝ ᱿

ᱪᱟᱞᱟᱜ ᱢᱮᱥᱮ
ᱠᱩᱭᱞᱟᱹ ᱯᱟᱞ
ᱠᱤᱨᱤᱧ ᱞᱟᱹᱜᱤᱫ ᱴᱩᱢᱟᱹᱝ ᱿

ᱥᱩᱜᱽᱱᱤ ᱫᱟᱲᱟᱝ
ᱨᱟᱠᱟᱵ ᱨᱮᱜᱮ
ᱢᱮᱱᱟᱜ ᱜᱚᱴᱟ ᱠᱩᱫᱨᱩᱢ ᱿

ᱜᱚᱰᱮᱛ ᱠᱚᱨᱮᱱ
ᱵᱩᱰᱷᱦᱤ ᱜᱟᱹᱭ
ᱚᱸᱰᱮ ᱜᱮᱪᱚᱭ ᱫᱩᱫᱽᱲᱩᱢ ᱿

ᱯᱷᱟᱫᱩᱢ ᱠᱩᱢᱟᱹᱝ
ᱢᱮᱱᱮᱫ ᱠᱟᱱᱟᱭ
ᱵᱟᱝ -ᱟᱹᱧ ᱴᱩᱢᱟᱹᱝ ᱠᱤᱨᱤᱧ ᱿

ᱡᱟᱸᱦᱟ ᱛᱤᱱᱟᱜ
ᱮᱜᱮᱨ ᱨᱮᱦᱚᱸᱭ
ᱵᱟᱦᱩ ᱛᱤᱧᱮ ᱛᱤᱲᱤᱧ ᱿

ᱚᱲᱟᱜ ᱜᱤᱧ
ᱨᱩᱹᱣᱟᱹᱲᱚᱜ -- ᱟ
ᱪᱟᱴᱷᱟ ᱜᱤᱧᱟᱹᱧ ᱛᱷᱚᱲᱮ ?

ᱜᱟᱹᱭ ᱡᱩᱫᱤᱭ
ᱜᱚᱡᱽ ᱞᱮᱱᱠᱷᱟᱱ
ᱨᱟᱯᱟᱜ ᱡᱤᱞᱤᱧ ᱮᱲᱮᱜ ᱿
 
===== ᱛ ======

 

২।।

 বেনাও আর রৗপুৎ

 সারি ধরম হাঁসদা

 

 রৗপুৎ খন দ বেনাও বেসা
      বেনাও রেগেম দহয়,
 বেনাও খনগে সাহারঃআ
       গেয়ান দাড়ে রহয়।

 

 অকয় হৗনিয় হুডিঞ গেয়া
         ঠাঁও এম চরক আতায়,
 অনা আয়াঃ বাসা অড়াঃ
         আলম রৗপুৎ কাতায়।

                   

                     (২) 

             অৗওহৗ দ বাং

 

 অৗওহৗ আলম দাঁড়া বাড়ায়
           উদমৗ উদৗম লেকা,
  অলঃ বাংএম সেঁড়া লেখান
            হড় ক মেতাম বকা।

 

হিসৗব জখা বাংতে হাপেন
            ছৗঁয়ঃ গেয়ান দাড়ে,
    হরঃ- বাঁদৈ- জম-ঞু বেতার
              হড় কামা ক এড়ে।

            ===== ᱛ ======

 

৩।। 

সান্তাড়ী চিকি আড়াং

 শ্রী কা ন্ত স রে ন

       

 অ(ᱚ) -    অলঃ এহবঃ অড়াঃ খনাঃ
                আয়ো-বাবা সতরতে
  অত (ᱛ) -  অতরে বাং বন দুড়ুবঃ আ
                  ধুড়ি লাঠাঃ বতরতে।।
 অঃ(ᱜ)-     গয়ঠাতেহঁ দাকা ইসিনঃ
                সাহান বাং তাঁহেন খান
অং( ᱝ)-   অং লেখান সেঁঙ্গেল জোলোঃ
               সেঁঙ্গেল আড়িজ লেনখান।।
অল (ᱞ)-  ল-ল, ল-ল দাকা জম মে
               আঁঘাড় পুষ রাবাংরে,
              জেডেরঃ মে সেতাঃ বেড়া
              হোড়ো পৗড়োই দানাংরে।।
                              
              ( নোওয়াদ তঁগে আ)

                 ===== ᱛ ======

৪।।

সানা 

-বাড়তাঙ সরেন 

        

ইঞ দ সানাঞ উডৗও  বাড়ায়
হানা পুঁড রিমিল সাওঁতে,
উকুচুকু এনেচ সানাঞ
উনি সাঁও গাতে গাতে।

 

নওয়া দিশম হানা দিশম
ইঞ দঞ উডৗও  বাড়ায়,
বীরবুরু সাঁও দারে নৗড়ি
ইঞ দঞ উয়ুং বাড়ায়।

 

নানা হুনৗর চেঁড়েঁ চাপড়ী
 অনা বাহা তালারে,
বিঞ-কিদিঞ, তায়ান মাগাড় 
অনা দরয়া তালারে। 

 

দাঃ বেগরতে যাঁহারেদ
হায়, দারেকো গুজুঃকান,
 ইঞ, বার ফাঁকড়ৗ  কটা কাতে
  ওনকো এমা কোয়াঞ রান।

 

দিশম দিশম গোটা দিশম
ইঞ হান্তে নাতেঞ দাঁড়ান,
লৗটু কৗটিচ রেঙ্গেচ হড়িঞ
 এমা কোওয়া সৗরি মান।

===== ᱛ ======

৫ ।। 

গুতি কড়া

দুগাই টুডু

 

মাঝি করেন গুতি কড়া
         কৗমি চুগুড় চুগুড়,
চাষ দিনেয় চাষ বাডায়
         আচ্‌ উদুড় ধুপুড়।

 

সানাম অনে মনেয় এদা
        আঁপড়ে দিসৗতে হৗনি,
অনা তেগেকো কুসি আয়া
        ঘাঁরজ হড়গে উনি।

 

ডাংরা কাড়া্য আড়াঃ বাড়াকো
       হানে বৗইহৗড় টাঁডি,
জৗলি ঘাসকো অৗতিঞ কাতে
       জম বিঃক আডি।

 

রৗস্কৗ সালাঃ তিরয়ো অরং
          গুতি কড়া দারমাট,
তুরু রুরু রাহাতে রাঁওয়াঃ
         গুরলৗ গটা মাঠ।

     ===== ᱛ ======

 

৬।। 

পাঁডু হাড়াম

     সনাতন টুডু 

হলা চেতায় কংকা আকান
ফগড়া পাঁডু হাড়াম।
কুলহি চেতান সেতাঃ খনাঃ
আডি জোরেয় তাড়াম।।

 

হুডিঞ মারাং বায় ঠিকাকো
‘হেলো’ হায়য়ে লৗই।
এরা ঞেল্‌তে লৗই গদায়
‘সোরি’ পেড়া মৗই।।

  ===== ᱛ ======