সিঁগি মাহা রেনাঃ সাকাম ‘চেরেচ্ আড়াং’ লেখা-০৯ (সাকাম-২)

 

সাকাম-২

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- বিজয় কিস্কু, রাবন হেম্ব্রম, ᱜᱳᱯᱮᱥᱣᱚᱨ ᱢᱟ.ᱱᱰᱤ, গাতে টুওয়ৗর, সুচাঁদ হাঁসদা, বাবলু সরেন, অনলবিঁদি

বিজয় কিস্কু , ক্লাস -VI

জেলা - পুরুলিয়া

রাবন হেম্ব্রম, ক্লাস - IX

জেলা - পুরুলিয়া

৭।।

ᱠᱩᱭᱞᱤ

 ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱟᱞᱮ ᱡᱟ.ᱱᱩᱢ

ᱫᱟᱨᱮ ᱨᱮ

ᱥᱮᱛᱟᱜ ᱟ.ᱭᱩᱵ ᱠᱩᱭᱞᱤ,

ᱠᱩᱦᱩ ᱠᱩᱦᱩ

ᱥᱤᱵᱤᱞ ᱟᱲᱟᱝ ᱛᱮ

ᱟᱞᱮ ᱵᱮᱴᱤᱭ ᱵᱟ.ᱣᱞᱤᱜ ᱾

 

ᱟᱲᱜᱚ ᱦᱤᱡᱩᱜ

ᱢᱮ ᱠᱩᱭᱞᱤ

ᱟᱞᱮ ᱨᱟᱪᱟ ᱛᱮ,

ᱟᱞᱮ ᱵᱮᱴᱤᱭ

ᱮᱱᱮᱪ ᱞᱟ.ᱜᱤᱫ

ᱟᱢ ᱥᱟᱶ ᱛᱮ ᱾ 

 

ᱵᱟ.ᱝ ᱟᱲᱜᱚᱜ

ᱟᱯᱮ ᱨᱟᱪᱟ

ᱥᱟ.ᱵᱤᱧ ᱞᱟ.ᱜᱤᱫ ᱯᱮ,

ᱡᱚᱱᱚᱢ ᱡᱚᱱᱚᱢ

ᱵᱚᱸᱫᱤ ᱠᱟᱛᱮ

ᱫᱚᱦᱚ ᱠᱟ.ᱧ ᱞᱟ.ᱜᱤᱫ ᱯᱮ ᱾

=o=o=o=o=o=o=o=o=

৮।।

 তোড়

- গাতে টুওয়ৗর

 তোড় - তোড় - তোড়

            গটাম দাঁড়া বাড়ায় ,

আলে বাড়গে পিয়ৗরি বেলে

            ঝতম জম চাবায় ।

গাদার গাদার তুনুমাতে

             ঝতম বাছাও এৎ ,

আলে বৗবু নংকা রেদো

            জমায় আদো চেৎ ?

হৗনি তরা হপন বৗবু

             অৗগুয়েদায় টুটি ,

জা'গে নিতোঃ জম আকাদাম

            ঞিরমে গুটি গুটি ।

জমদ বালে মানায়েৎ মে

            জমমে উকু দানাং ,

মানা তবে তাঁহেয়েনা

            জমরে সদর সামাং ।

=o=o=o=o=o=o=o=o=

 

৯।।

 সামাং ডাটা

  সুচাঁদ হাঁসদা

বিটি তালে ইসকুল চালাঃ ,

দিন দিনে বিলম ৷

দিনম দিনে আৎ অট কাঃ ,

খাতা বাংখান কলম ৷

 

চেতে আৎ কেৎ তিহিঞ দ হালে ,

হৗতড়ৗও এলে গটা ৷

লাঁদা বিথৗক ঞেঁলেৎ তায়লে ,

বৗনুঃ তায় সামাং ডাটা ৷

=o=o=o=o=o=o=o=o=

 

১০।।

 পেতকে পেতেজ বুঢি

অনলবিঁদি

বৗরু ঘুটু চেতান টলা

পেতকে পেতেজ বুঢি

কুডি দ তায় টাঙ্গা অহায়

টাঙ্গা দ তায় কুডি !

 

তালা ঞিঁদৗরে বেরেদ কাতে

জঃ রাচা গাসাও গিতিল,

ছং গোডো গোডো উতুয় চঁদায়

সুনুম তায় সুকরি ইতিল !

 

খদে রেয়াঃ দাকায় ইসিন

রৗপুদ খাপরাঃ টুকুজ,

হর বির রেম রপড় যুদি

কাথা পিছিয় তুকুজ !

 

তালে সাকাম চশমা দ তায়

হোরো খৗপরি জুতৗ,

ঞাঁপাম তরা বাম লাঁদায় খান

এমামায় বার গুতৗ !

 

কুয়ুং কুবুং তাড়াম মাতায়

মাদ হাপা গাতে,

পুয়সৗ দহ বাক্স মাতায়

অড়াঃ দুয়ৗর সাতে !

 

তাঁহেনায় আজ একলাগে

তবে আডি জুরে ভৗগি,

পেতকে পেতেজ বুঢি আলম মেতায়

আডি জুরে রৗগিঃ

 

 

১১।। 

হৗকু হৗকু রটে

 - বাবলু সরেন

 হপন বাবুদ আয়চ বাবা সিমল সালাঃ এ খেলডঃ কান তাঁহেকানা উদুঃ কৗটুব আর এঙ্গা কৗটুব রেয়াঃ খেলড হৗকু হৗ কু রটে | হপন বাবুদ উদুঃ কৗটুব ছৗটিয়ৗর হৗকুগে সাবে লৗগিৎএ  রিকৗয়েদা বারবার মেনখান বাং সাব তায়মে ঞেলেয়া নুয়মা এঙ্গা কৗটুব ছৗটিয়ৗর রটে | হপন বাবুদ আড়িস এনায় বেজার এনায় সাহায় এনায় নাসেনাঃ সিমলখনাঃ । দুড়ুব এনায় পিঁন্ডৗরে , জাঙ্গারেয়াঃ এঙ্গা কৗটুব ঘাসাও কেদায় ধুড়িরে।  সেন কাতেঃএ দুড়ুব এনা সিমল হপন বাবুয়াঃ পান্তেরে। আরে মেতাদেয়া - হপনবাবু আমকিম বাডায়া নওয়া খেলডরে ইঞ মানে আম বাবাহঁয় পৗহুড় আকানা ?

 

হপনবাবুদ বারয়া তিতে সিমলাঃ হটঃরে হৗড়ুব কাতেঃএ কুলি কেদেয়া - বাবা ইঞমাঞ হুডিঞ গেয়া অনাতে নওয়া  খেলডরে বৗঞ জিৎকৗর দাড়েয়াদা মেনখান আমদ চিকৗতেম পৗহুড় অচলেনা ? সিমলে মেনকেদা-হপনবাবু উন যখেচ মা ইঞহঁ আম লেকাগে হুডিঞ ইঞ তাঁহে কানদ। নওয়াদ মিৎটাং গিদরৗ ভুলৗও রৗস্কৗ রেয়াঃ খেলড কানা মনে আলম বৗড়িজা।  চল আম আয়ু দাকায় লু আকাদা হৗকু উতু আতেঃ দাকালাং জমা। হপন বাবুয় মেনকেদা - মানে হৗকু হৗকু রটে!  ইঞদ বাঞ সেনঃআ।  উন যখেচগে হপনবাবু আচ্‌ আয়ো হহ লৗগিৎএ হেচ এনা। হপনবাবু আচ আয়োয় কুলিকেদেয়া - আয়ো তিহিঞদ চেৎ এম উতু আকাদা ? আচ্‌ আয়োয় মেন কেদা হৗকু উতু চল লগন দাকাবন জমা। আদ ঝতহড় অড়াঃরে দুড়ুব কাতেঃ মিৎসাঁওতে হৗকু উতু দাকাক জম কেদা।

 

=o=o=o=মুচৗৎ=o=o=o=