দূর্গাচরণ মুরমু- চাকোলতাড়ি ছাতা তায়ম জাঁহা পাতা ঞেঞেল লৗগিৎ রৗস্কৗ রুসিকৗ মনে আকুট-পাকুটঃ আ, অনা দ হুয়ুগ কানা "উরমা ভাসান দাঁশায় "। তিসচং অকা যুগ রেচং নওয়া পাতা রেনাঃ এতহব অকয়হঁ বাংক মেন দাড়েয়াঃআ। মেনখান নেসদ্ ধৗরতি জাকাত কোভিড-১৯ করোনা ভাইরাস খাতির নেসাঃ উরমা ভাসান দাঁশায় পাতা দ হাপিদ্ তাঁহেন কানা মেনতে পাতা কমিটি পাহ্টা খন বাডায় ঞাম আকানা।
যাও সেরমা গে দুর্গাপূজা রেনাঃ বিজয়া আর (বাহির বিজয়া) বিজয়া দশার হিলোঃ নোওয়া বার মাহা রেনাঃ পাতা হোয়োঃ কান তাঁহে কানা।
"উরমা ভাসান দাঁশায় পাতা" দ পুরুলিয়া জেলা রেনা: বলরামপুর মুলুক রে মেনাঃ উরমা ঞুতুমান মিৎ রেল টেশন জাপাঃরে। বাস-ট্রেন তে নাপায় যোগাযোগ তাহেন খৗতির পছিম বাংলা রেনাঃ আয়মা জেলা খন অনাবেগর,বিহার-ঝাড়খন্ড,ওড়িশা পনৎ করে খনহঁ হাজার হাজার হড় পাতা ঞেঞেল ক সহর সেটেরঃ কান তাঁহে কানা।
পাতা টাঁডিরে মিৎ সিঞ-মিৎ ঞিদৗ জুদৗ জুদৗ আখড়ারে দাঁশায়,সহরায়,ডান্টা,রিঞ্জৗ,লাঁগড়ে,দুরুমজৗ এমান এনেচ সেরেঞ ক হুয়ুঃ কান তাঁহেকানা। তালারেকান,তায়মরেকান জাঁহায় জাঁহা ঠেন কুশি এনেচ এ সাপ্ দাড়েয়াঃ। একেন ইনৗ বেগর দ বাং অকয় কদ্ গাতে গাপাতে আডি দিন তায়ম ঞাপামরে সেরেঞ-দুরৗঞ আতে কাথা ক এপেম চাপালঃ কান তাঁহেকানা। পাতা টান্ডি বেড়হায়তে নানা হুনৗর তিরিয়ো-বানাম সেরেঞ আতে,গল আতে সুয়ুড় আতেক রৗস্কৗ রমজ জং কান তাঁহেকানা।
মেনখান নেশদ কোভিড-১৯ করোনা ভাইরাস খৗতির ভাসান টাঁডি সেটেরঃ মাড়াং রেগে সানাম হড়াঃ মনে রৗস্কৗয় ভাসাও কাদা।
.webp)
.webp)
