আবোওয়াঃ ওয়েব পেজ : পারমেন ২২ অক্টোবর, ঝাড়খন্ড রে রাজ পৗরশি লেকাতে সান্তাড়ি পৗরশি রেনাঃ সিলপিঞ ঝিচ্ রেনাঃ কাথায় রড় কেদা মানতৗনিয়ৗ রাজ্যপাল দ্রৌপদী মুরমু। বাডায় আকানা ঝাড়খন্ড পনৎ রে হিন্দী সাঁও সাঁওতে সান্তাড়ি পৗরশি হঁ রাজ পৗরশি লেকাতে দুওয়ৗর ঝিচ্ রেনাঃ কাথা Action as per rules লেকাতে মানতৗনিয়ৗ রাজ্যপাল দ্রৌপদী মুরমু ঝাড়খন্ড পনৎ সরকার এ হুকুম আদেয়া মেন্তে বাডায় আকানা।
ঝাড়খন্ড পনৎ রে সান্তাড়ি পৗরশি রাজ পৗরশি লেকাতে মৗন এ ঞামা
নওয়াদ তামাম সানতাড় কোঠেন রৗস্কৗ আর গরব রেনাঃ কাথা কানা। ঝাড়খন্ড পনৎ রে সান্তাড়ি
পৗরশি চৗলু লেনখান অফিস, আদালত, কোর্ট, কাছারিরে আয়মা হড়গে সান্তাড়ি পৗরশি লৗগিৎ কৗমি
রেকো বাহাল দাড়েয়াঃআ।
সান্তাড়ি পৗরশি ঝাড়খন্ড রে রাজ পৗরশি লেকাতে ঠাঁও এ ঞাম মা,
নোওয়াদ আডি আয়মা দিন খনগে আয়মা সংগঠন পাহ্টা খনগে দাবী রাকাব্ হিজুঃ কান তাঁহেকানা।
মেনখান আডি পলম কাতে মানতৗনিয়ৗ রাজ্যপাল নোওয়া কাথা রড় খৗতির আয়মা হড় তালা খন কাথা
রাকাব্ কানা তবে চেৎ সেঁগেলতে আতারঃ খন বাঞ্চা খৗ তির গে নকান রড়দ তায়?
কুক্লি রাকাব্ কানা তবে চেৎ আয়াঃ দেয়া বাঞ্চাও খৗতির গে হেমন্ত সরকার সেনে ঠেলাও
গদ্ কাদা? আচ্ রাওয়ালঃ লৗগিৎ গে চেৎ নুন মারাং হামাল জিনিস হেমন্ত সরকার এ লাদে গৎ
আদেয়া?
নে-হালেগে খবর পাথাম, নিউজ চ্যানেল করে ঞেল আকানা বাংমা মিৎ
আদিবাসী সংগঠন ‘সেঁগেল অভিযান’ পাহ্টা খন আদিবাসী বিরুধী বাহ্নাকাতে মানতৗনিয়ৗ রাজ্যপাল
দ্রৌপদী মুরমু, মুখিয়ৗ মন্ত্রী হেমন্ত সরেন সাঁওতে আরহঁ এম.এল.এ. আর এম.পি. কোওয়াঃ
কুশপুতলাঃ কো রাপাঃ রঁগঁ আকাদা। অবিশ্যি নোওয়া কুশপুতলাঃ রাপাঃ লৗইতে সোশ্যাল মিডিয়া
রেহঁ রড় দারাম রেনাঃ ভান্ডো রাকাব আকানা। সান্তাড় হড় হুয় কাতে সান্তাড় হড়াঃ কুশপুতলাঃ
রাপাঃ বাংকো ঞেল সাহাও এদা মেন্ তেহঁ আয়মা হড় ক রড় এদা। সানতাড় আরিচৗ লি রেহঁ নংকান বেবস্থা বাং ঞেল আকানা
মেন্তে হঁক রড় এদা। কুশপুতলাঃ রাপাঃ রঁগঁ উদুঃ কাতে সান্তাড় সাঁওতারেনাঃ আরিচৗলিরে
মিৎ বৗড়িচ্ অরসং বলন কানা মেনতেহঁ সাঁওতা দরদিয়ৗ খন এহব কাতে সান্তাড়ি অনলিয়া, সাঁওহেদিয়ৗ
হঁকো রড় এদা।
.webp)
.webp)
