(হুডিঞ মাছা কৗহ্নি)
উন রেগে মেৎদাঃ জরঃ
-দুলৗড় বিটি
নংকান অড়াঃ কি আরহঁম ঞামা ? অনাবেগর জাঁওয়ায় হঁ ঞেল্তে রাজ হপন লেকা। মুম্বাইরে তাঁহেনায়। নংকাগে লুসি আর জগন আকিনগে সি-পুরুস্ কিন গালমারাও এৎ তাঁহে কানা। জগন হঁ বাং কুশি রেনাঃ কাথা মিৎ ধাও হঁ বায় রড় লেদা। এনহঁ মিৎ ধাও থুলু মাস্টার আঃ পরামেশ দ হাতাও লৗগ্তি মেনাঃআ মেন্তে লুসিয় মেতাদেয়া- জগন। লুসি হঁ বাং দ বায় মেন লেদা। তবে মনে মনেতে চেৎ লেকাচয় ভৗবিৎ গৎ এনা। এনহঁ মাস্টারাঃ কাথা মিৎ ধাও আঁজম লৗকতি কানা।
সেতাঃ সেতাঃ হলানা সারেচ্ বারেচ্ জেঁবেৎ বাড়া কাতে গে জগন দ সৗগুন বেওরা লৗইতে থুলু মাস্টার তাকো অড়াঃ সেন-এ মঁহ্ডায়েনা। এনেগে সেতাঃ রেনাঃ খবর পাথাম সেনে কয়ঃ আকাৎ তাঁহেকানা থুলু মাস্টার। মাস্টার দা- জগন এ মেন কেদা। আড়াং আঁজম তে, কয়ঃ কাতে ঞেলে জগন। মা দুড়ুপ্ মে। অৗডি সেতাঃ তরারে- চেৎ ডগর, মা লৗইমে। কাথা দ চেৎ হঁ বাং, তালা মৗই রেন পেড়া কো লাগাও আকানা। আদ অনাগে আমঠেন পরামেশ হাতাও ইঞ হেচ্ আকানা। আম যুদিম……। জগন আঃ কাথা অৗউরি মেন পুরাঃ রেগে মাস্টার এ মেন কেদা- নেশগে এইচ্.এস. এ পাস কেদা আর কলেজ রে ভরতি লৗগিৎ । অনাবেগর বাপলা উমের হঁ অৗউরি তিয়ঃ গায় ? আর নঁতে মিৎ সেরমা তায়ম গে “কন্যাশ্রী” টাকা হঁয় ঞামা। হাপেন অনা টাকাতে যাঁহাতিস আপনার জাঁগাতে তিঁগু দাড়েয়াঃ আয়। অনাতে নোওয়া বাপ্লা রে ইঞদ মত অহঞ এম কেয়া।
মিৎ ঘৗড়িচ্ থির তায়ম, জগন এ মেন কেদা- মেনখান নংকান পেড়া তো আর অহলিঞ ঞাম কোওয়া ? উনরে থুলু মাস্টার এ রুওয়ৗড় কেদা- তেহেঞ রেন রাজা, গাপা ফকির হঁয় হুয় দাড়েয়াঃআ। তেহেঞ বেশ মেনায়া মেন্তে গাপা যে বায় বৗড়িজঃ আ, নোওয়া গেরেন্টিম এম কেয়া ? অনাতে ইঞৗ মেন্দ- নিত আপনার জাঁগাতে তিঁগু অচোওয়ায় বেন মাড়াং। অনা তায়ম জাঁওয়ায়।
থুলু মাস্টারাঃ নংকান কাথা আঁজম কাতে জগন মনে মুলিন আতে অড়াঃ এ রুওয়ৗড় এনা। মুলিন মেৎহা ঞেলতেগে লুসিয় মেনকেদা- বাডায়েৎ গে তাঁহেনাঞ নোওয়ারে মাস্টার বায় রেবেনা। এগো ঞেল্মে গিদৗর দ আলাং রেন। অকয় চেৎকো মেন কেদা অনা আঁজম লেখান বাং গানো আ। হড়দ বারো-সতর ক রড় গেয়া। আলাং আ সংসার, আলাং গে ঞেল লাগাও লাং আ।
রৗহি-চৗওডৗল রাজন
বাজন আতেগে তালা মৗইকো ইদি কেদেয়া। সুক-সাঁওয়ার হঁ নাপায় তেগে পারম চালাঃ কান তাঁহেকানা।
আচ্কাগে মিৎ দিন মুম্বাই খন ফোন হেচ্ এনা। জাঁওয়াঃ এক্সিডেন্ট হুয় আকান তায়া। বাডায়ঃ
কানা বানার জাঁগাগে বাদ হোয়োঃ আ।
.webp)
.webp)
