দাঁসায় পরব ( পে )

 (দসার হৗটিঞ তায়ম)

দাঁসায় পরব ( পে )

মহাদেব হাঁসদা

অনকাগে, দিসম সাঁঘার অডোকঃ লাহা চেলা কড়া কো গুরু আখড়া কো জাগাও অটো কাঃ আ। সেরেঞাকো –

আখড়া জাগাও,দুওয়ৗরি জাগাও,পরান ভাই!

জাগাও গুরু হো, জাগাও চেলা-

ষোলো গানডা রান জাগাও

আঠারো গানডা মানতার জাগাও;

জাগাও হো কামরু গুরু, দে হো জাগাও।

মিৎ গুরু রেন চেলা গুরু সাঁও আব মিৎ গুরু রেন চেলা কো ঞাপাম লেনখান এনেচ্‌ সেরেঞ  তেকো বিপি-ডৗউঃআ।  জেলেকা-

আপে দ হো গুরু হো, অকা দিশম, অকা আতো?

অকয় গুরুরেন চেলা?

হরে-হর দ  পে এসেৎ কেদা

ডাহারে ডাহার দ পে এসেৎ কেদা?

আলে দ হো গুরু হো, ফালনা দিশম, ফালনা আতো,

ফালনা গুরুরেন চেলা;

হরে- হর দ লে এসেৎ কেদা।

নংকাগে চালাও ইদিঃ আ। এপেসেৎ এনেচ্‌-সেরেঞ জখেচ্‌ ‘বান’ অচঃ রেয়াঃ বতর তাঁহেনা। জেলেকা- 

গুণ মেনাঃ তাম খান, মারগে চালাও মে!

পাথরি মেনাঃ তাম খান, মারগে ঞেদেঞ মে!

গুনেম সামড়াও তিঞ খান, মারগে তেঁগোন মে

পাথরিম দারাম তিঞ খান, মারগে হিজূঃ মে!

দাঁসায় সেরেঞ রে দ – গাং নৗই, সুড়ৗ নৗই, বাহা নৗই, গিরু নৗই এমান নৗই রেয়াঃ ঞুতুম ঞামঃ আ। অনকাগে লুগু বুরু ঘানটা বাড়ে, মানবির সিঞবির এমান রেয়াঃ কাথা কো ঞামঃ আ। অনকাগে লুগু বুরু ঘানটা বাড়ে, মানবির সিঞবির এমান এমান রেয়াঃ কাথা কো ঞামঃ আ।

মড়ে মাহা দিশম সাঁঘার তায়নম চেলা কড়া কো গুরু এরা ঠেন দুলৗড়-থুম কো খজ আ। সেরেঞা কো –

লটা দাঃ মা সেপেঞ কাতে

অডং লেন মে গুরু মা নেরা

চেলা কড়াওয়াঃ জহার দ আতাং তালে মে।

ও হৗরি-! চেলা কড়াওয়াঃ জহার দ, আতাং তালেমে।

গুরু মা নেরায় অডং এন

ভুরকৗয় রাকাপ্‌ এন,

গুরু মা নেরায় অডং এন

ভুরকৗয় রাকাপ্‌ এন,

ও হৗরি! চেলা কড়াওয়াঃ জহার দয় 

আতাং আদেরা।।

         =মুচৗৎ=