কুঁড়বি-মাহাত তালারেহঁ সারনা ধরম অল ঞেল এনা

আবোওয়াঃ ওয়েব পেজ- আউরি রিমিল তেগে দাঃ গে মাড়াং জরঃ কানা অনকাগে কুঁড়বি-মাহাত কো তালারেহঁ আউরি আদিবাসী তেগে সারনা ধরম অল কো এহব আকানা। নংকাগে পুরুলিয়া জেলা রেনাঃ ছররা-দুমদুমি রেন রূপচাঁদ মাহাত আঃ ‘জানি-চিনি’ সার্টিফিকেট রে ধরম সারনা মেন্‌তে অল আকানা। 

নোওয়া মাড়াং হঁ ঞেল আকানা কলেজ ভরতি রেনাঃ লিস্ট রে অনা বেগর নানাহুনৗর বিনিড করেনাঃ তালিকা করেহঁ আয়মা ‘মাহাত’ পদবী ঞেল আকানা। বাডায় আকানা নে হালেগে নংকান ফেক এস.টি বিরুধরে আদিবাসী সংগঠন ক রড় দারাম কো এহব আকাদা। এমন চেৎ নংকান ফেক এস.টি কো তলাশ কাতে উনকু বিরুধরে আইনী বন্দেজ হাতাও রেনাঃহঁ প্রশাসনিয়ৗ ঠেন আরজি কো দহ আকাদা মেনতেহঁ বাডায় আকানা। 

অ-আদিবাসী কো ‘সারনা ধরম’ ক অল এদা মেনখান সারনা কুমুট পাহ্‌টা খন দ নোওয়া রেনাঃ রড় দারাম নিত হৗবিচ্‌ বাং ঞেল আকানা। কুক্‌লি রাকাব কানা তবে চেৎ তেহেঞ যাঁহা তিনৗ অ-আদিবাসী গে সারনা ধরম ক অলেৎ কান সানাম গেকো সৗগুন দারামেৎ কোওয়া, সারনা ধরম কোড ঞাম লৗগিৎ ? তেহেঞ রেন অ-আদিবাসী কো সারনা ধরম অল কাতে গাপাদিন আদিবাসী মেনতে বাংকো দাবীয়াতো? উনদ আদিবাসী জুড়ু হৗটিঞরে ঞামঃআ তো ? আয়মা হড়াঃগে কুক্‌লি রাকাব্‌ কানা।