চেৎ লেকা কাতেম অলা ( অনল )
শ্রীকান্ত সরেন
জিয়নরে আডি লেকান কৗমি মুদরে,সাঁওহেৎ সিরজন মিৎটাং নাপায় কৗমি। এটাঃ আয়মা কৗমিকদ আঁজম কাতে,ঞেল কাতেহম কৗমি দাড়েয়াঃ আ। মেনখান সাঁওহেৎ অলদ ' কৗমি 'বন লৗই লেখান জৗনিচ উনিয়াঃ মৗন হুডিঞঃ তায়া। অনাতে সাঁওহেৎ অল বাং লৗই কাতে , সাঁওহেৎ ' সিরজন ' লৗই লেখান নওয়ারেনাঃ মৗনদ এটাঃ মৗন খন ভেগার বুঝাঃ আ।
সাঁওহেৎ সিরজন লৗগিৎতে লৗটু- লৗটু ডিগ্ৰি বাং জৗরুড়রেহঁ,চাঁন্দো আঃ থুম দ একাল জৗরুড়া। উনিগে আমাঃ বহঃ রে নানা-হুনৗর ভাবনায় আগু আমা। আমদ অনা ক, নাপায় কায়তে সাজাও কাতে; বঙ্গালেকা হড়ঠেনেম সদরেয়া।
আবো আবোওয়াঃ মচাতে সানাম লেকান অৗড়ৗ গেবন লৗই দাড়েয়াঃ আ। রড় লৗগিৎতে কৗউডি বাং লাগাঃ রেহঁ,আথৗড়িজ দ বাং বন রড়া; যাঁহায়- তাঁহায় সাঁওহঁ বাং বন রড়া, আর নাপায় রড়রেনাঃ আয়মা হড়ক কুরুমুটুয় রেহঁ, বাং ক দাড়েয়াঃ আ। আসলে ধৗরতী আর জিউয়ী বানারগে চাঁন্দোওয়াঃ। অনাতে রড়, এনেচ-সেরেঞ সানামাঃ গে চাঁন্দোওয়াঃ। আবো তালাতে চাঁন্দো আয়মা লেকানাঃ এ রৗস্কৗয়া। আবো যাঁহাবন মনেয়া, অনাদ বাং হোয় লৗগিদঃ আ,যাঁহা বাং বন মনেয়া অনাদ আজতেগে হিজুঃ আ আর চাঁন্দো যাঁহায় মনেয়া অনাদ হোয়োঃ গেয়া। আসলে সিরজন লেকান জিনিস কদ, নাপায় গে হোয়োঃ আ। যে লেকা চাঁন্দোবঙ্গা মানমীয় সিরজন আকাৎ ক রেহঁ , ঞেলজংতে নাপায় সে কৗমিরেনাঃ ফায়দা ক ভাবনা কাতে; মিৎটাং বহঃ,বারয়া তি,বারয়া মেৎ,মিৎটাং মচা,বারয়া জাঁঙ্গা এমান আতেয় বেনাও আকাৎবনা। আরহঁ লৗই গানঃ আ মিৎটাং অড়াঃরে আয়মা দুয়ৗর তাঁহেনরেহঁ, মিৎটাংহঁ দুয়ৗর বাং তাঁহে লেনখান; অনাদ অড়াঃ বাং বন লৗই দাড়েয়াঃ আ। আর অড়াঃ যুদি দাব বাং তাঁহেনা, এনখান অড়াঃ রেনাঃ মৗন বাং তাঁহেনা।
ধৗরতিরেনাঃ নিয়ৗমলেকা, জিয়নরেহঁ আয়মা নিয়ৗম মেনাঃ আ। নিয়ৗম মানাও কাতেগে , বৗই-বৗইতেবন সসনঃ আকানা। নিয়ৗ সসনঃ অৗড়ৗ হুডিঞগে রেহঁ, নিয়ৗরে মেনাঃ আ যুগ- যুগরেনাঃ কৗহনী। নিয়ৗমরেনাঃ মিৎটাং সরেস ধাপ হোয়োঃ কানা অলঃ পাড়হাও। মৗনমী জিয়ন দ নিয়ৗমতে পেরেজ। যথাত ভাবতে অনাক বাং বন মানাও লেখান,মৗনমী মেনতে মৗন বাং সাজাঃ আ।
অল হোয়োঃ কানা মনে রেনাঃ উইহৗর-ভাবনা রেনাঃ ফসল ( জ)। অল তালাতে মনেরেনাঃ কাথা বন তল দহ দাড়েয়াঃ আ। থড়া অৗড়ৗ ( words) জাওরা কাতে , নায়-নাপায়তে সাজাও কাতে, মনে রেনাঃ কাথা যখজ বন অলেদা আর হড়বন বুঝৗউ হচ দাড়ে আক কানা,অনাগেবন লৗইয়েদা আয়াত ( sentence)।
(অনল দ তঁগে আঃ)
.webp)
.webp)
