আবোওয়াঃ ওয়েব পেজ- পুরুলিয়া জেলা সিধু-কানু মিশন আরহঁ গড়য় ঞা্ম কেদা মেন্তে বাডায় আকানা। নওয়া মাড়াং আদিবাসী সাঁওতা দরদিয়ৗ, সুসৗরিয়ৗ, ক্লাব, গাঁওতা এমান পাহ্টা খন যে লেকা গড়য় ঞাম আকাদা অনকাগে নিয়ৗবার আরক পাহ্টা খন হঁ সিধু-কানু মিশন রে গড় এমঃ লৗগিৎ কো লাহা হেচ্ এনা।
বাডায় আকানা দিশম জাকাত লক ডাউন তায়ম খনগে মিশন থাপনিয়ৗ মানতান নরেন হাঁসদা গোমকে অকা হঁ বায় উডুক দাড়েয়াদা। অনাতে উনৗ গিদৗর লৗইতে মিশন চালাওরে আডি এটকেঁ টঁড়েরে পাড়াও লেনায়। উনরে দিশম হড়াঃ গড় হঁয় খঁজ লেদা। আর উন খনগে হাঁডে নাঁডে খন গড় এমঃ লৗগিৎ হড় কো লাহা হেচ্ আকানা।
অনকাগে ২৭ অক্টোবর- সেচেদ্ দরদিয়ৗ, গিদৗর দুলৗড়িয়ৗ ডঃ সোমনাথ গোমকে সাঁওতে অংশুমান হালদার, অসিত রায়, মানস মাক্তি, তন্ময় চন্দ, গৌতম মাহাতো, সন্দীপ মাহাতো, দেবসুন্দর দরিপা, কল্যান কুন্ডু, প্রশান্ত গোমকে সাঁওতে আকো ঘাঁরঞ্জরেন হড় কো আতে মিশন রে সেটের কাতে পৗঠুওয়ৗ বৗবু-মৗই তাকো লৗগিৎ সেচেদ্ সামগিরি আর মিশন রে নাওয়া অড়াঃ বেনাও লৗগিৎ ৫০,০০০/- টাকা রেনাঃ চেক মানতান নরেন হাঁসদা আঃ তিরে-কো চাল আদেয়া মেন্তে বাডায় আকানা। মানতান হাঁসদাহঁ নোওয়া গড়-সপহৎ খৗতির সেটের লেন সানাম কো গুণ মানাও সারহাও এ চাল আৎ কোওয়া।
তবে নিৎহঁ সিধু-কানু মিশন সরকারি ভাবতে অনুমোদন বাং ঞাম খৗতির মানতান হাঁসদা গোমকে আবোরেন খবরিয়ৗ ঠেন আডি দুক্ এ সদর আকাদা।
.webp)
