 |
| 'ওয়ারিস' পাথাম উঢৗও অক্তে রেনাঃ চিতৗর |
আবোওয়াঃ ওয়েব পেজ- সান্তাড়ি সাঁওহেৎ বাগান দিন কে দিন হৗড়িয়ৗর সাঁও সাঁওতে সাঁগেন ইদি কানা। যাঁহা সাঁওতারে যাঁহাতিনৗ সাঁওহেৎ সাকাম সাঁগেনঃ আ অনা সাঁওতা সাঁওহেৎ সেন তে উনাঃগে কিঁষৗড়ঃ আ। অনকাগে সাঁওহেৎ বাগানরে আর মিৎ সান্তাড়ি পাথাম ‘ওয়ারিস’ সদরেনা। বাডায় আকানা ২৯ অক্টোবর ঝাড়খন্ড রেনাঃ পাকুড় খন সান্তাড় সাঁওতা রেন গৗখুড় অনলিয়ৗ মানতান চুন্ডা সরেন ‘সিপাহী’, পাথাম সুতরেৎ শিবু টুডু ‘হিঁসৗলিয়ৗ’,জগ-সুৎরেৎ সুশীল হাঁসদা ‘চিলবিঁদৗ’ কোওয়াঃ সাপড়াওতে পে চাঁদোকিয়ৗ সান্তাড়ি সাঁওহেৎ পাথাম ‘ওয়ারিস’ কো উঢৗও কেদা। বাডায় আকানা নোওয়া পাথাম সানতাড়ি পৗরশি অলচিকিতেগে আয়াঃ রূপে সদর তায়া।
উনুঢৗও অক্তে মানতান চুন্ডা সরেন এ লৗই কেদা বাংমা নোওয়া পাথাম আশোকায়তে সান্তাল পরগনা রেন হড়কো লৗগিৎ সান্তাড়ি পৗরসি লাহান্তিরে আডি মারাং গড়য় এমা। মানতান শিবু টুডু গোমকে দয় লৗই কেদা বাংমা সান্তাল পরগনা রে সান্তালি পৗরসি অলচিকি তেগে নঁডেরেন যুওয়ৗন কড়া-কুড়িকো বৗড়তি কো চার্চায়া, অনাতে নোওয়া পাথাম হঁ উনকু তালারে মিৎ দুলৗড়িয়ৗ গাতেয় হোয় দাড়েয়াঃ আ মেন্তে আঁশ এ সদর আকাদা।
নংকান অক্তরে ‘ওয়ারিস’ সদর খৗতির আডি যথাৎ আকানা মেন্তে আয়মা হড়গে রৗস্কৗ কো সদর আকাদা। বাডায় আকানা বাংমা ঝাড়খন্ড আসেকা আঃ কুরুমুটু আর এমান সংগঠন কোওয়াঃ গড় গপড়ঃতে নিৎ গোটা সান্তাল পরগনারে অলচিকিতে হড়কো শিখনৗৎ আকানা। নোকো সংগঠন কো হতেচ্ তেগে যাও সেরমাগে শায় শায় কড়া-কুড়িকো সান্তালি পৗরসি অলচিকি তেকো শিখনৗৎ ইদিঃ কানা। দারায় কান দিনরে হাপেন নঁডেরেন পৗঠুওয়ৗকো সান্তালি পৗরসি অলচিকি তেগে মেট্রিক খন এহব কাতে সানাম লেকান বিনিড রেকো দুড়প দাড়েয়াঃ আ অনকাগে সংগঠন কহঁ আঁশ কো দহওয়াকাদা মেন্তে বাডায় আকানা।
নোওয়া পাথাম উনুঢৗও আখড়ারে মানতান সমীর মারান্ডি, বিজয় মুরমু,অনিল বেসরা সাঁওতে আরহঁ আয়মা অনলিয়ৗ, সাঁওহেদ্ দরদিয়ৗ, সুসারিয়ৗ এমান এমান গৗখুড়ান কো সেটেরকো তাঁহেকানা।
.webp)
