পাবজি খেলোড

 পাবজি খেলোড

- বীরসা কিস্কু 

নেস দ করোনা খৗতির ইস্কুল কলেজ  ক থুমগৗড়ি আকানতে অনলাইন তালাতে ক্লাস ক হুয়ুঃ কানা | ভুসড়ৗ হঁ নেস দ গেল বার চানাচরে অলঃ কানতে মিৎ মারাং হাটাঃ লেকানা মোবাইল ক কিরিঞ আদেয়া, হাঁডে নাডে খন টাকা ধার কাতে, আচ্ আয়োবাবা আ আশ পালেন গিদরৗ দ হড় লেকা হড় এ বেনাঃ।   

বার পে মাহা তেগে গাতে ক ঠেন খন মোবাইল ঘান্টা দ চেদ গৎ আকাদা অনা সাঁওতে পাবজি খেল হঁ চেদ আকাদা। অনাতে সেতাঃ খন গে ভুসড়ৗ দ কুলহি মুচৗৎ গৗডয়ৗ আড়ে রেয়া আতনা দারে রে টেঁডার কাতে গাতে ক সাঁও পাবজি খেল  আ, বাং মা অনলাইন ক্লাস হুয়ুঃ কানা।  দিন দিন তে সারা দিনগে, তাড়াম আকাদ হর রেহঁ, মোবাইল গে উয়ুং কাতে চেদ ক চ বকৎ বকৎ তেয় তাড়ামা। 

নংকাগে মিৎ সিঁগৗড় ঞুহুম তাড়াম তুলুচ আচকাগে ভুসড়ৗ দ তায়মসেন তেয় ভিঁদৗড় এনা। হাসপাতাল খন বাডায় ঞাম এনা বাং মা ভুসড়ৗ আ বহঃ রেনাঃ বুরধি অড়াঃরে আডি মারাং আঘাত ঞাম আকাৎ তেগে হড়ম দাড়ে চেতান অরসং পাড়াও আকান তায়া।