(দসার হৗটিঞ তায়ম)
চেৎ লেকা কাতেম অলা ( অনল)
শ্রী কা ন্ত স রে ন
শ্রী কা ন্ত স রে ন
কোলন (:)
কোলন চিনহৗরেনাঃ কৗমি চেৎ কানা, নওয়া বুঝৗউ লৗগিৎতে এইচ. ডব্লিউ.ফাউলার .(H.W.Fawler) আয়াঃ ' মডার্ন ইংলিশ ইউসেজ ' পতবরেয় লৗই আকাদা ' কৗমি দ হোয়োঃ কানা অৗড়তি। ' মেনখান চেৎ এ অৗড়তিয়ৗ ? অলাকাদায় "deliverings the goods that have been invoiced in the preceding words "। নওয়া বুঝৗউ লৗগিৎতে লৗই গানঃ আ, অৗড়তি লৗগিৎ লাহারে যাঁহা ইনভয়েস কাটাও আকানা; কোলন তায়ম দ অনা জিনিস গে ঞামঃ আ। কোলন বেওহার রেয়াঃ মিৎবার নমুনা এম হোয়েনা-
নমুনা (১) প্যারিস হেলমেলরে জাহা এয়ায় (৭) গটাং দিসমরেন রায়বার ( representative) ক সেটেরলেনা, অনা দিসম কওয়াঃ ঞুতুম : ( ᱚ) মার্কিন যুক্তরাষ্ট্র, (ᱛ) পশ্চিম জার্মানি, (ᱜ) জাপান, (ᱝ) যুক্তরাষ্ট্র, (ᱞ) ইতালি, (ᱟ) কানাডা। এয়ায়ানা নেঁওতা দিসম যে ফ্রান্স, অনাদ বাং লৗইরেহঁ জৗনিচ গানঃ আ।
নমুনা (২) 'মার্শাল গাওতা' রেন কুমুট ক অৗরুফেরাও এনা। নাওয়া যাঁহায় ক নেশ মৗন মৗচি ক ঞাম আকাদা,উনকু দক হোয়োঃ কানা : অরুন,বরুন, সন্তোষ,বিপিন আর বলরাম।অক্ত বাড়ায় হচ লৗগিৎহ কোলন বেওহারঃ গেয়া। যে লেকা:- ৫:১৫ , (মড়ে টাড়াং,গেল মড়ে মিনিট) ১০: ১১ (গেল টাড়াং,গেল মিৎ মিনিট) এমান।
সেমিকোলন ( ; )
সেমিকোলন চিনহৗ দ,কমা (, ) জিরৗউখন জৗসতি অক্ত জিরৗউ যখজ বেওহারঃ আ ; আর ডাড়ি (।) জিরৗউ খন থড়া কম অক্ত জিরৗউ যখজ বেওহারঃ আ। আরহঁ আয়মা জায়গা করে বেওহারঃ আ। লাতাররে নমুনা এম হোয়েনা।(১) বারয়া ফুরগৗল আয়াত (sentence) যখজ মিৎটাং অৗড়ৗতে (word) গৗট (তল) তাঁহেনা, সেমিকোলন অঁডে অনা গৗট অৗড়ৗ বাদালতে বেওহারঃ আ। যে লেকা :
আদিবাসী ভৗলৗই মন্ত্রী তেহেঞ বোলপুরে হেজ্ আকানা আর তেহেঞ দ বোলপুররে তাঁহে কাতে গাপানঃ কোলকাতায় রুয়ৗড়া। নওয়া আয়াতরে বারয়া ফুরগৗল আয়াত মেনাঃ আ। মিৎটাং দ (১) আদিবাসী ভৗলৗই মন্ত্রী তেহেঞ বোলপুরে হেজ্ আকানা। আর মিৎটাং দ (২) তেহেঞ দ বোলপুররে তাঁহে কাতে গাপানঃ কোলকাতায় রুয়ৗড়া। নওয়াকিন বারয়া আয়াত ' আর ', অৗড়ৗতে গৗট ( তল) আকানা। নওয়া ' আর ' অৗড়ৗ বাদালতে সেমিকোলন বেওহার কাতে অল গানঃ আ। নিতোঃদবন অলা : আদিবাসী ভৗলৗই মন্ত্রী তেহেঞ বোলপুরে হেজ্ আকানা ; তেহেঞ দ বোলপুররে তাঁহে কাতে গাপানঃ কোলকাতায় রুয়ৗড়া।
.webp)
