সেঁগেলতে লঃ কান সাঁওতা
জাহের আয়ো মুরমু
রিলৗমালা সান্তাড় সাঁওতা তেহেঞ অকা ডাহার তে। ঞেল কাতে হঁ আয়মা হড় বাং ঞেল রেনাঃ কো ভান এদা। কয়ঃ আকাদা কো হাপেসে চেৎ হোয়োঃআ ? আর মিৎ বার হড় দ ভিতরি ভিতরি সেঁগেল ঠুট্কুৎ আতে কো দন কোচোড়োঃ কানা জাহের সৗড়িমরে সেঁগেল ধরাও লৗগিদ। ঞেল্ ঞেল্তে যাঁহা তিনাদিন পারমঃ কানা উনৗগে আদিবাসী সমাজ কেটেজঃ কান রেহঁ সান্তাড় সাঁওতা দ বৗই বৗইতে ভুয়লু ইদি কানা। সাঁন্তাড় সাঁওতা রেনাঃ আয়মা রায় রীত করেনাহঁ মহর মেটাঃ কানা। সান্তাড় সাঁওতা রেন ভিতরি বঁগা হঁ তাং হাঁডি, বডচ্ হাঁডি বাং ঞামতে উসুঃ আস্কেতঃ কানা কো। জাহের বুটৗ রেন বঁগাবুরু হঁ বেরেল দাঃতে তিরপিত্ বাংকো আয়কৗউ এৎ তে তেতাং তেকো ছাটপাটাঃ কানা। বাহা, সহরায় রে নায়কে রাচারে রুমঃ,বুলঃ ক আড়িশঃ কানা। সান্তাড় সাঁওতা রেন মাঝি মাপাজি কঁহ ঞু-ভুতৗড়, জাল চাটঃ, মুরুখ মেন্তেকো অপমান অচঃ কানা। সান্তাড় সাঁওতা রেনাঃ আরিচৗলি বহঃ দৗহ্ড়ি হঁ পালটাও ইদি কানা ঘানে সাসাং ঘানে হৗড়িয়ৗড় টুপিতে। সান্তাড় জৗতিয়ৗ ধরম হঁ হৗনি নৗই সাঁও মেশা কাতে আপনারা গেকো হিড়িঞ ইদিয়েদা। সান্তাড় সাঁওতারে বঁগা ঞুতুম হাঁডি রেহঁ আড়িশ হেচ্ আকো কানা। গচ্ বুরু, ভাঁডান, বিহৗ-বাপলা রেনাঃ সেদায় মান্তার গেকো বদলে এদা। মারে সান্তাড় সমাজ সে আদি সান্তাড় সাঁওতা- নিত নাওয়া নেয়াম লেকাতে কো চালাও লৗগিদঃ কানা। সৗরি সারজম জাহের বুটৗ রেনাঃ শোড়ে বাং সিবিল এৎ কোওয়া। ধরম-রাজনীতি রেনাঃ শোড়ে কো হৗটিঞ এদা বাংলা, বিহার, উড়িষ্যা,আসাম, ঝাড়খন্ড পনৎ করে। সৗরি ধরম হঁ ক বে ধরম এদা। ধরম রেনাঃ মৗন হঁ ক লোসো পোঁডো য়েদা। ছৗতিক লেকান ধরম তেকো গয়নেৎ কোওয়া। তবে চেৎ আদিম সাঁওতারেহঁ সান্তাড় ঞুতুমান মৌলবীক দারায় কানা? যাঁহায় দ ধরম রে সুলগৗও কাতে সান্তাড় জুমিদ্ গেকো রৗপুদ্ এদা। সানামাঃ রেগে সেঁগেল ধরাও কাতে সান্তাড়াঃ আদিম সাঁওতা গেকো ল তরজ্ এদা।
নিত কুক্লি রাকাব্ কানা নোওয়া কো সেদায়াঃ রায়-রীত, অৗরি-চৗলি, লায়-লেগ্চার-নেমাচার বৗগি অচ হুয় লেনখান আদিম সান্তাড় কোওয়াঃ ওপরোম্ তায়ম দারাম তাঁহেনাতো ? সান্তাড় জৗতি কো লৗইতে অল আকান নাগাম সাঁও বাং ফারাকঃ আ তো ? নিৎ সান্তাড় সাঁওতা ইদিকাতে শায় শায় কুক্লি উগ্লি লেকা সেটেরঃ কানা। আর নোওয়াকো তেগে আদিম সান্তাড় সাঁওতা সেঁগেলতে লঃ কান, ইঁড়িজ্ হড়দ বাংকো ঞেলঃ কান।
.webp)
.webp)
