১৭ অক্টোবর, জেগেৎ রেঁগেচ্-অরেচ্ সাহায় মাহা দিসৗ কাতে
-সুরেন্দ্রনাথ মান্ডি
‘রেঁগেচ্-অরেচ্’ কাথা মেন তেদ-মিমিৎ মৗনমিয়াঃ একাল ঞাম তেয়াঃ, জেলেকা – জমাঃ , হরঃআ আর তাঁহেন ঠাঁও এমান মেটাও লৗগিৎ লৗগ্তিয়ান কাঁউডিপৗতি স্যে এটাঃ যাঁহান উপৗই বান্ধেজ (রজগার) বাং দাড়েয়াঃ গে নোওয়া অনল রেদ বুঝৗও অচ হোয়োঃ কানা।
রেঁগেচ্-অরেচ্, সীমা তেদ জাঁহান দিশম রেন হড়াঃ জিয়ন হরা তিনাঃ গান নাপায়া, অনাদ বাং ঠাড় গটাআ। চেদাঃ স্যে অনা সীমা দ নুনৗ লাতার রে তাঁহেনা জে অনা সীমা খন বৗড়তি রজগার দাড়েয়াঃ রেহঁ জিয়ন হরা রেনাঃ মান রেয়াঃ অনকান জাঁহান লাহান্তি দ বাং হোয়োঃ আ। সিখনৗত, সাঁওয়ার,সাফা ঞুয় দাঃ সারভার, বিজলি বৗতি ঞাম এমান এমান ক রেঁগেচ্ সীমা রে বাং সেলেৎ হোয়োঃ খৗতির দিসম হড়াঃ জিয়নহরা-মান দ পুরৗপুরি বাং ফোটেলঃ আ। বিশ্ব ব্যাঙ্ক আঃ হিসাব লেকাতে নোওয়া ধৗরতিরে রেঁগেচ্ অরেচ্ হড় কোওয়াঃ লেখা দ পেরাই ৮০ কোটি লেকা।
সৗরি নাসে সরকারি আর বে-সরকারি আর বে-সরকারি আয়মা গাঁওতা রেঁগেচ্-অরেচ্ হড় কোওয়াঃ সানাম স্যেচ্তে উতনৗও রেনাঃ ক কুরুমুটুয়া। জাঁহায় মৗনমি ক দিনৗম লৗগতিয়ৗন লেকা বাংকো রজগার দাড়েয়াআ, অঁডে ওনকোওয়াঃ দিনৗম দিন লৗগতিয়ৗন কোরেয়াঃ কো কুরুমুটুয়া ওনকো গাঁওতা কাথাচ্। মেনখান দুর্নীতি, করফাঁকি, ঋণ হাতাও কাতে বাং হালায় আর সাঁওয়ার সেবা, সিখনৗত দানরে জপড়াও কোওয়াঃ বুরধি-জুক্তি এটাঃ দিসমতে পাচারঃ (Brain drain) কান খৗতির রেঁগেচ্ অরেচ্ সাহায় রেয়াঃ কৗমিহরা দ থাকদামাঃ কানা। দিনৗম দিন লৗগতিয়ৗন চৗহিদা ক আরহঁ আলগা তেগে ঞাম জস্ তে ভৗলৗই কাঁউডি স্যেচ্তে আর কাঁউডি-অৗরি সেবা রেনাঃ সারভার, এমান কৌশল হাতাও কাতে রেঁগেচ্ অরেচ্ দ সাহায় গানঃ গেয়া। মেনখান অনকান সৗগুন কৗমিরে মনে মুরুক কাতে সরকারি-বেসরকারি পাহ্টা খন পাহ্টা খন কৗমিহরা উনাঃ বাং ঞেলঃ কানা। এটাঃ হড় কো রেঁগেচ্-অরেচ্ রে দহকাতে রাজনৈতিক ফায়দা হামেট গে ঢেরতেৎ ঞেলঃ কানা। অনকামাছা চাষ-আবাদ বাং হোয়োঃ কান খৗতির তে রেঁগেচ্ হড়াঃ লেখা বাড়হাঃ কানা, অনকা কাথা দ বাং কানা।
.webp)
