আবোওয়াঃ ওয়েব পেজ: হলা ১৫ অক্টোবর নানাহুনৗর দাবী ইদিকাতে আদিবাসী সেঁগেল অভিযান (ASA) পাহ্টা খন মঁড়ে গটাং পনৎ রে ঝাড়খন্ড পনৎ রেন মানতানিয়ৗ রাজ্যপাল দ্রৌপদী মুরমু, মুখিয়ৗ মন্ত্রী হেমন্ত সরেন,বিরুধী দল নেতা বাবুলাল মারান্ডি, সাঁওতে জে.এম.এম.বিজয় হাঁসদা (এম.পি),জে.এম.এম. নলিন সরেন(এম.এল.এ)আর উইলিয়াম মারান্ডি এমান তাবোড় তাবোড় হড়াঃ কুশপুতলা কৗটিচ্ কৗটিচ্ গিদ্রৗ সামাংরে রাপাঃ রঁগঁ রেনাঃ চিতৗর ঞেল এনা।
নোওয়া মাড়াং হঁ সেঁগেল অভিযান আঃ নংকান কৗমি হরা শোস্যাল মিডিয়ারে ঞেল আকানা। নিয়ৗবার হঁ অনা দহড়ায়েনা, আরহঁ বাডায় আকানা বাংমা আরহঁ নংকাগে রাপাঃ রঁগঁ রেগেয় তাঁহেনায় সেঁগেল অভিযান যাঁহা তিনাঃ দিন বাং দাবী-দাওয়া পুরুনঃ উনদিন।
সেঁগেল অভিযান আঃ দাবীকো মুদ্রে বাডায় আকানা-১) আদিবাসী কোওয়াঃ সারনা ধরম কোড চৗলু হোয়োঃমা,২) ঝাড়খন্ড ডোমিসাইল চৗলু হোয়োঃ মা, ৩) ঝাড়খন্ড রে হিন্দী সাঁওতে সান্তাড়ি পৗরসি রাজ পৗরসি রেনাঃ মানাও এম হোয়োঃমা,৪) রামেশ্বর মুরমু খুন রেনাঃ সিবিআই তলাশ কাতে যথাৎ বিচৗর এম হোয়োঃ মা,৫) বীরবান্টা সিধু-কানু মুরমু আর বীরসা মুন্ডা রেন বংশ ধর ঞুতুম তে ১০০ কোটি টাকা কাতে রেয়াঃ ফিক্সড ডিভোর্স এম হোয়ঃমা ৫) আসাম রেন সান্তাড় হড়কো আদিবাসীরে সেলেদ কো হোয়োঃমা।
গণতান্ত্রিক দিশমরে রড়দারাম রেনাঃ আইদৗর সানাম নাগরিক আঃ গে মেনাঃ আ, মেনখান কৗটিচ্ কৗটিচ্ গিদ্রৗ সামাংরে কুশপুতলা রাপাঃ ঞেল্তে আয়মা হড়াঃ কুক্লি লেকাতে অল এনা ওনকো নাবালক গিদ্রৗ চেৎ কো বুজ এদা আর চেৎ কো সেঁড়ায়েদা….??
.webp)
