আবোওয়াঃ ওয়েব পেজ- পছিম বাংলা সরকার পাহ্টা খন ঞেল আকানা আয়মা লেকান ভাতা চৗলুওয়াকানা আরহঁ চৗলু রেগে মেনাঃআ। অনকাগে ইমাম ভাতা চৗলু তায়ম নিত হিন্দু পুরোহিত ভাতাহঁ চৗলুয়েনা বাং বাংতে আদিবাসী পুরোহিত মেনতেহঁ ভাতা চৗলু রেনাঃ কাথায় বাঁখেড় আকাদা মানতৗনিয়ৗ মুখিয়া মন্ত্রী মমতা বন্দোপাধ্যায়। মেনখান ‘আদিবাসী পুরোহিত’ ঞুম কাতে ভাতা হাতাও আর ভাতা বাং হাতাও রেনাঃ নংকা বার লেকান কাথা রাকাব্ এনা আদিবাসী সমাজ পাহ্টা খন গে।
আয়মা হড়ক লৗলৗই কানা বাংমা আদিবাসী সমাজ রেদ ‘পুরোহিত’ মেনতেদ চেৎ পদ গে বৗনুঃ আকাদা। যাঁহা মেনাঃ আকাদা অনালেকাতে মাঝি, জগ-মাঝি,পারানিক, গোডেৎ আর নায়কে। অনাবেগর সমাজ রেনাঃ ধরম-করমরে নোকো মড়ে হড় তেগেকো সুসৗরা মেন্তেহঁ কাথাকো রাকাব্ আকাদা। অনাতে আদম হড়দ পুরোহিত ঞুতুম পাল্টাও কাতে এটাঃ ঞুতুমতে নোকো মড়ে হড় গে ভাতা এমঃ রেনাঃ দাবীকো দহ আকাদা। অনা সাঁওতে পুরোহিত ঞুতুমতে ভাতা হাতাও লেখান আয়মা হড়গে হিন্দু ধরম রে সেনেলেদ গে হোয়োঃ কানা মেন্তেহঁ ক রড় আকাদা। অনাতে পুরোহিত ঞুতুম তে ভাতা বাং হাতাও রেনাঃ গে আয়মা হড় কো রড় আকাদা মেন্তে বাডায়ঃ কানা।
নঁতে আরহঁ কিছু গিলৗন হড়দ আদিবাসী পুরোহিত ভাতা হাতাও রেনাঃ পাহ্টা গেকো রড় আকাদা। বাংমা আরকো লেকাগে আদিবাসী কোওয়াঃ দাবী মানাও কাতেগে নোওয়া আদিবাসী পুরোহিত ভাতা এমঃ এ রেবেন আকানা মানতৗনিয়ৗ মুখিয়ৗ মন্ত্রী। তবে অকয়ে ঞামা সে মড়ে হড় গেকো ঞামা আর চেৎ লেকা ভাবতে কো ঞামা অনা রেনাঃ ঠৗওকৗ বুটৗ দ অকয়হঁ বাংকো রড় আকাদা। নঁতে নিত মিৎ বার এলাকা করেদ অনা পুরোহিত ভাতা রেনাঃ ফরম্যাট আতেগে নায়কে বাবা কো ফর্ম কো পেরেচ অচয়েৎ কোওয়াঃ মেন্তেহঁ ডগর ঞামঃ কানা। তবে নোওয়াহঁ রাজ আরি মেৎ তেগে আয়মা হড় গেকো ঞেল এদা মেন্তে বাডায় আকানা।
মিৎ কাথাতে লৗই লেখান লৗইয়ঃগঃআ বাংমা মুসলমান লৗগিৎ যুদি ইমাম ভাতা অলঃগঃ আ, হিন্দু কো লৗগিৎ যুদি পুরোহিত ভাতা লৗইয়ঃআ এনখান আদিবাসী বেড়া রেদ চেদাঃ বাং নায়কে ভাতা মেনঃগঃআ ? তবে চেৎ নওয়াহঁ ‘সিধু-কানু ডহর’ লেকাগে তাঁহেনা যায়যুগ, তিসহঁ বাং ডাহারঃ আ ? এনখান আদিবাসী সানতাড় লেকাতে গরব দ অকারে ? নংকাগে আয়মা হড়াঃ আয়মা লেকান মতামত ঞামঃ কানা মেন্তে বাডায় আকানা।
.webp)
.webp)
