বুওয়ৗং দাঁড়ান

 (হুডিঞ মাছা কৗহ্‌নি)

বুওয়ৗং দাঁড়ান

- নিকোলাস মারানডি

বুধরৗই হাড়ামাঃ ঘারজঁ। আকিন জুরি পৗরি আর মিৎ গড়ম গিদরৗ আতে সংসার। হপন কিমিন মা হানে ইটৗ ভাটা কৗমি অকতে বরধমান কৗমি টাঁডি রেকিন ধাড়াপ গচ্ আকানা। উনকিন রেনগে মিৎ টাং কড়া গিদরৗ রৗইলৗ দ । উনি নিয়েগে বুধরৗই হাড়াম বুডহিয়াঃ কুকমু দ।  অড়াঃরে নিত জম বৗনুঃআ। ঢুলৗরে চুঁটিয়ৗ কো কারামেদা। নতে হোড়ো কহঁ দেরিতে বেলেঃআ । আর ডৗমরু , পিসকৗ, সাং -বায়াং , বৗডগু মা নেতার চাবা লেকাগে চাবাও আকানা। অনাতে নিত দ হারন মাছা গেয়া।  সেদায় লেকা নিত দ মাৎ বির হঁ বৗনুঃআ। বির গাজাড় কহঁ নেতার চাবায়েনা। অনা সাঁও সাঁওতে বির জমাঃ হঁ চাবায় এনা। রেশন কাড হঁ বৗনুঃ তাকোতে , কনটোল খন চাওলে, হলং, সুনুম চেৎগে বাকো ঞামেৎ কানা ?                                                    

 নঃঅয় দাঁসায় সেটের আকানা। চেকাতে কো জমা , অনাগে পেনে গড়মেয়া দুড়ুপ কাতেকো হুদিস জং কান তাঁহেনা । আদ বুধরৗই বুডহি গেয়ে রড় গৎ কেদা " ইয়ৗ হাড়াম নঃঅয় ত দাঁসায় দাড়ান মা এহপ আকান , আতো হড়হঁ দাঁশাঁয় দাড়াঁন কো অডোক আকানা। আমহঁ বাকো হহ বাড়া আৎ মেয়া। সেদায় দ আম বাংখান কৗমিগে বাং চালাঃ কান তাকো তাঁহেনা। আর নিত দ ... বুধরৗই হাড়ামে মেন গৎ কেদা - যতগে বয়স দোষ বুড়হি , অনা কোদ বাকো রড় বাড়ায়া। আদ বুধরৗই বুডহিয় মেনা " আবেন আবেন গড়মেয়াগে রৗইলৗ আর আম দ বুওয়ৗং দাঁড়ান চালাঃ বেন । যাগে ঞামঃ নোওয়া ক দিন বন লাগায়া ।"                                                       

অনা লাসাঁড়হেৎ তে বুধরৗই আর রৗইলৗ দ বুওয়ৗং দাঁড়ান কিন অডোক আকানা। বুধরৗই দ মিৎ আঃ বাবেরতে ঘুড়ৗ   এ সাপ আকাদা। আরে ঠেচ্ ঠেচ্ ইদিয়েদা। আর রৗইলৗ দ আচ্ গড়ম হাড়াম তায়মতে মিৎ ঝলা সাপ কাতে পাজাঁ ইদিয়েকানা । আর অড়াঃ অড়াঃ ককয়  কিন বলঃ কানা , আদ বুধরৗই দয় সেরেঞেদা ----                           

গুরিচ্ মাঁদেরে গুরুহো                                

কহঁডাঞ রহয় লেৎ                                 

গুরুহো হতৎ জয়েনা।                                            

অনকাগে সেরেঞে দহড়া ইদিকেদা । আরহঁ সগয় সেয় বাঁখেড় ইদিয়েৎ কানা । যে লেকা ---                         

" দেন বুডি রঁগতেৎ ,                        

হলা রেচম জম কেৎ ,                                

ডৗডুতেলাং দাল মেয়া ,                         

করৎ  করৎ    -----   ।