আবোওয়াঃ ওয়েব পেজ : হলা ১২ অক্টোবর ‘পছিম বর্ধমান আদিবাসী গাঁওতা’ জামুড়িয়া ব্লক কুমুট পাহ্টা খন জামুড়িয়া বিডিও অফিস রে গণডেপুটেশন কো এম কেদা মেন্তে বাডায় আকানা। বাডায় আকানা বাংমা আয়মা দিন খন গে অনা এলাকারেন আদিবাসী কো নানাহুনৗর এঁটকেটঁড়ে রেকো সামাং অঃ কান তাঁহেকান তেগে বিডিও অফিস রে গণডেপুটেশন কো এম কেদা মেন্তেগে বাডায় আকানা।
যাঁহাকো দাবী-দাওয়া লৗইতে ডেপুটেশন কো এম কেদা অনাকো মুদ্রে বাডায় আকানা- জামুড়িয়া এলাকারে সানাম টলারে পি.এইচ্.ই. দাঃ রেনাঃ বন্দেজ করাও হোয়োঃ মা, সরকারী বিজলি বৗতি রেনাঃ বন্দেজ করাও হোয়োঃ মা, সানাম আদিবাসী পুরিবার কো লৗগিৎ জমি রেনাঃ পাট্টা এম হোয়োঃ মা, এলাকারে আদিবাসী লাকচার চার্চাও তালমা বেনাও রাকাব হোয়োঃ মা, সানাম আতোরে আদিবাসী কোওয়াঃ মাঝি থান আর জাহের থান সরকারি ভাবতে বন্দেজ হোয়োঃ মা, আদিবাসী পৗঠুওয়ৗকো লৗগিৎ অলচিকিতে অলঃপাড়হাও রেনাঃ বন্দেজ করাও হোয়োঃ মা, সান্তাড়ি পৗরসি অলচিকি বাডায়ান মাচেৎ কগে বাহাল কো রেনাঃ বন্দেজ করাও হোয়োঃ মা, যাঁহায় আদিবাসী কোওয়াঃ রেশন কার্ড বৗনুঃ আকাদা ওনকো লৗগিৎ লগনতে রেশন কার্ড এম রেনাঃ বন্দেজ করাও হোয়োঃ মা। অনাবেগর আদিবাসী সামাজিয়ৗ কৗমিরে জপড়াও আকান মঝিবাবা, নায়কে বাবা কো লৗগিৎ সরকারি ভাতা চৗলু রেনাঃ বন্দেজ করাও হোয়োঃ মা।
নোওয়া গণডেপুটেশন রে
‘পছিম বর্ধমান আদিবাসী গাঁওতা’ রেন সেক্রেটারী মানতান নরেন টুডু, সভাপতি পরিমল
হেম্ব্রম, কনভেনর শ্যামল হাঁসদা, সঞ্জয় হেম্ব্রম, গগ গাঁওতারেন বাদোলী সরেন সাঁওতে
আদিবাসী গাঁওতা’ পছিম বর্ধমান রেন অবজার্ভার মানতান সুনীল সরেন গম্কে এমান সেটের কো
তাঁহেকানা মেন্তে বাডায় আকানা।
.webp)
